شركة EMS للشحن .. من يعرفها؟

ينقل لقسم التجاره والتاجرات
الأخوات راح يفيدونك أكثر بحكم طبيعة عملهم يمكن تعاملوا مع هذه الشركه

الغاليه هذا البريد اللي يتعاملون معاه اكثرية التجار من دول شرق اسيا..ومدة التوصيل بالبريد هذا يكون من 10 الى 20 يوم .....واظني تستلمين اغراضج من البريد المركزي ...او صندوقج البريدي........

أختي انا اتعامل مع هالشركة بس برسل لدول الخليج وبتوصل خلال 4 ايام بالضبط واذا تاخرت بيكون 5 ايام او 6 ايام

وهي شركة مضمونة جدا لحد الان كل طلبياتي اللي رسلتها وصلت الحمد ةلله ولا وحدة تاخرت ولا ضاعت

مشكورين خواتي طمنتوني شوي

اليوم بيكون رابع لخروج الشحنه من عندهم

ان شاء الله اليوم يتصلون عليي يقولون لي وصلو

ان شاءالله وطمنينا ....

انا طرشت ايميل حق الشركة اللي شريت منها الاغراض ابي منهم عنوان ولا رقم الاتصال حق EMS في البحرين

اختي حنان بما ان عندك خبرة مع الشركه بقولك شنو طلع عندي بموقع هالشركة

اخر شي كانت الشحنة مكتوب انها Despatch from Sorting Center ة و هذا كان بتاريخ 10/12/2008

و اللي فهمته انها طلعت من قسم التصنيف في بكين صح؟

طيب هل انتظر انها توصل مكان ثاني ولا خلاص اخر مقر لها بيكون البحرين أو الديرة اللي المفروض توصلها الشحنة؟

اتمنى تفيديني أو اللي عندها خبرة مع هالشركة تفيدني

اول شي
Despatch from Sorting Center ة و هذا كان بتاريخ 10/12/2008


يعني طلعت الشحنة فهالتاريخ من عندهم وما بضن تتاخر اكثر عليكي من يومين + عطوكي رقم التوصيل صح ؟؟؟ تاخدين رقم التوصيل وتروحين لبريدكم المركزي اللي فمدينتكم وتعطيهم رقم التوصيل وقوليلهم شوفولي ليش تاخرت هالطلبية وهم راح يعطوك تقرير اكثر
+ وانت عطيتيهم شو عنوان بريدكم ولا منزلكم ولا شو بالضبط وين بنتتضرين توصلك اذا عطيتيهم عنوان صندوق بريدكم اعطي رقم التوصيل للبريد لانه في مرات بتوصل وما بيتصلو عليك بيحطو بس ورقة بصندوق البريد انه عندك طلبية لازم تستلميها

اي عندي التراك نمر وهذا اللي اشيك من خلاله

انا حاطه عنوان بيتنا عشان الاستلام

هم يوصلونه للبيت ولا انا اروح استلم من مكتب البريد؟

انا تعاملت مع ارامكس قبل كلش ماكان في اي تعقيدات يمكن بالكثير اسبوع واحد من سويت الطلب لغاية ما وصلتني الشحنة

هل قيمة الطلبية لها دور في هالتأخير؟

طلبيتي الأولى مع ارامكس كان قيمتها تقريبا 160 دولار

هالمرة طالبة ب 350 دولار تقريبا

إن شاء الله توصلك أغراضك وما تتأخر أكثر


لا تقلقي
إن شاء الله خير

وربنا يوفقك

للحين ما وصلت اغراضي وانا عصبت من هالشركة المشكله سايتهم ماعندهم ايميل للتواصل

ابي اعرف الشحنة الحين لها 7 ايام وين وصلت يعني معقولة كل هذا تطير !!!!

المفروض مكان ماتنزل يكتبون في معلومات التراك عشان اقدر اعرف وين واصلة بالضبط

EMS يا قلبي هي البريد الحكومي
إذا الشحنة فيها أشياء وايد تروحين تستلمينها من مكتب البريد بالمحرق قسم الجمارك و لازم لازم يكون عندج نسخة من الفاتورة
إذا رقمج على الطرد راح يدزون لج مسج أو يتصلون عليج إذا وصلت
أما إذا الطرد صغير فبيوصلونه لج للبيت
3 أيام مدة بسيطة حبيبتي
عادة تستغرق 5 إلى 7 أيام و أحيانا توصل لعشرة أيام ببس هذا أقصى حد
اتصلي على الخط المجاني للطرود 80001100
و عطيهم التراك نمبر
بس لا تنسين حبوبة انه هاليومين كله اجازات فطبيعي هالتأخير
و هذي وصلة التراك حق الشحنات
http://go.3roos.com/vRRDAMLLKbK
حطي التراك فيها و خبريني شنو يطلع لج

مكررررررررررررررررررر

مشكووورة اختي طفوف

وصلتني اغراضي الحمد لله اخذت 8 ايام لين وصلو

انا لاني كنت اتعامل مع ارامكس و وصلو اغراضي مع ارامكس في 4 ايام يمكن

عشان جذي خفت ان هالشحنة ضاعت ولا شي

الحمد لله وصلو و طلعو مثل اللي طلبتهم و عجبوني :)

الحمد لله انها وصلت وما ضاعت

خخخخخخخخخ خليتينا كلنا ننتضر وصولها

بتوفييييييييييييييييييق

أهنيك مراوي بوصول أغراضك

حبوبة ems هي شركة الامبوست بدول الخليج

مشكورة اختي على طرح الموضوع ..اسنفدت في الحصول على بعض المعلومات

لاني مراسلة موقع و ناوية اطلب منهم و قالو لي التوصيل عن طريق هالشركة و انا ما عرفتها..!

الحمد لله يوم وصلت طلبيتج

الـEMS هو البريد العادي الحكومي

وعادة يطولون بين اسبوع إلى اسبوعين

أنا بعد نم تطلع شحنة لي تطلع روحي وانا اتابع
طبعاص من تطلع من البلد المرسل تنقطع أخبارها
وابدأ اتصل في البريد واتابع على موقع الحكومة الإلكترونية
في عندهم لنك تحطين فيه التراكنغ نمبر ويطلع لش إذا وصلت أو لا

الأرامكس ياخذ فلوس أكثر على الشحن لأنه بريد سريع وخدمة سريعة ولهذا توصلش الطلبية في 4 أيام وأحياناً أقل