إلحقي علي يا بنت عذارى

بنت المدا 13-12-2008 14 رد 1,866 مشاهدة
ب
السلام عليكم ورحمة الله وبركاته

أختي بنت عذاري والله من قرايتي حق كتاباتك و خلطاتك قلت محد بيساعدني غيرها....الله يخليك و يحفظك...

الغالية أنا مشكلتي نمو الشعر تحت الجلد اليدين والرجلين والأماكن الحساسه وإذا شلت شعري ما كأني شايله يكون فيه نقط سوداء :confused: ,,, ودي يوم أشوف بشرتي صافيه وما ينمو الشعر تحت الجلد ياليت إنك تخترعين لي خلطه ،،، تكفين داخله على الله ثم عليك ,,,, لا تخيبين ضني فيك ,,,,
مافيه خلطه ماسويتها لكن من غير فايده :confused:
ب
السلام


اتمنى يارب اكون أساعدك
قبل الزواج كنت اشيل الشعر بالموس والله العالم شلون كانت رجلي مرة حلوة اتهبل
بس بعد الزواج قرت اشيل الحلاوة وبعد سنة من شيلتي بالحلاوة الله العلم تغيرت رجلي 360 دجة
صح كنت لما اشيل بالوس يطلع كثيف وخشن بس كان يطلع كامل وافرح لما احلق
بس ألحين اروح الصالون واشيل بالحلاوة بس كانت ارجولي ملينانة نقاط سودة ولما امرر يديني على رجولي ألاقي دبابيس كأن الشعر يتقطع
واتوقع السبب من الحلاوة
لأن بالصالون يعملون الحلاوة الا تمسك مع القماش واني انصح كل بنت لين حبت اتشيل جسمها بالخلاوة تستعمل الطريقة التقليدية


العلاج سهل وبسيط ومن ذاك اليوم احمد ربي اني كنت اشارك في منتدى عالم حواء واخذت بعض الخلطات والأفكار الله يجازيها صاحبة الموضوع


الأدوات :
1- زيت السمسم
2-حجر الا يفركون فيه قاعة الجسم

وهذا الحجر في كل مكان يبيعونه في رامز والأنوار وفخر المملكة حتى البرادات الصغيرة ايبيعونه
اول مرة شريت حجر من فخر المملكة من البحرين
شكله وايد حلو
حجر ومعه مسكة باليد تمسكينها علشان لين حبيتي اتفركي

ماعلينا
نبدأ الطريقة:

تتحممي زين زين واني انصح لين وحدة كسولة ومالها خلق عادي اتجيبين سفرة الأكل واتخلينها على الأرض تجلسين جنب التفزيون وتنشغلين علشان وقت اتفركين ماتحسين بالوقت بس لازم ابحركت دائرية وتجيبين الزيت مع الحجرة ووطاسة فيها مويه علشان اترطبين جسمك يعني اتغمسين الفوطة بالموية واتمررينها على المكان الا حابه تعملي عليه العملية واني احسها واسميها عملية تقشير لأنك بتعملي تقشير خارجي
بللي جسمك بالفوطة لين انتي مب بالحمام
ووخلي زيت السمسم على الجزء الا تبين تدعكينه
وبس خذي الحجرة وقعدي فركي جسمك ابحركة دائرية بالأول بتحسي ابألم بسيط لأنك بتدعكي المنطقة بس بتتحملين وبس مو ابقوة لا ابنعومة ووسط لدرجة ماتضرري جسمك
مو بعدين اتقولون من بنت الديرة
وهذي تجربة شخصية
بعد ماتخلصين راح تلاحظين الفرق الشاسع في جسمك شعر راح يطيح لحاله يعني اني اسويه لين بدى الشعر ينبت وبكدى مااح تحتاجين اتروحين الصالون وايد
ومن اول استعمال راح اتلاقين النقط السوادة خفت ومع الاستمرار راح اتلاقين كل الشعر الا تحت الجسم بدى يطلع وتتمتعين ابجسم كجسم الأطفال
ابصراحة بعد مااخلص اروح احمم جسمي اب اي اشور جل احبه وبعدها على طول اخلي كريم جسم واتعطر و بعدها البس احلى بجامةواروح على السرير لدرجة مااصدق انه جسمي ناعم لهذه الدرجة
أني عن نفسي علي دوام
واروح ادرس
وكان عندي ولد عمره سنتين ونصف الله يرحمه الله أخذ أمانته من اسبوعين
يعني قلت لكم يعني ماعندي وقت
فيكفي تعملين الطريقة مرتين او ثلاث بالشهر على ماتحبي
المهم إنك ماترهقي بشرتك
يعني لا تنسون













إن هذي الطريقة يعني راح تعتبر تقشيرة للطبقة الخارجية
ومع الاستمرا راح اتلاقون ا النقط راح تقل

وابي كل وحد تقرا واستفادة تدعي لي الله يصبرني ويمسح على قلبي ابفراق ظناي وينولني إلا بخاطري
لاتنسونا بالدعاء
والله الموفق

ولأي استفسار أني حاضرة
ب
اتمنى الكل يقدر يقرا الموضوع والل يستفد لأني ماكتبت الا يوم صدق حسيت في نتيجة
وأنا عن نفسي بديت استعمل الطريقة أكثر من 6 شهور
بس راح اتلاحظين التغير من أول استعمال

بس من راي عادي لو الوحدة حبت تعملها كل مرة اتكون فاضية بس ابشرط ماتضري المنطق وتستعملي منطقة ابرجولك من تحت س وتسوون الطريقة وبعد ماتتحمين واتخلصين عطي نفسك 24 ساعة عد مااتسوين الطريقة
أني عن نفسي عملت ابمنطقة صغيرة لما شفت جسمي ماتضرر يوم ثاني على طول دخلت وسوويت الطريقة
بس لللأمانة ماعملت الطريقة الا بس على ارجولي لأنها أكثر منطقة متضررة يعني بعدها راح تلبين شورتات وملابس قصيرة من دون حرج
امتى يرتفع الموضوع والكل يستفيد
ع
جزاك الله خيرا يا بنت الديرة علي ردك الرائع وتقبلي تقييمي
ب
مشكورة ماتقصرين
تسلمين يالغالية
د
جزاك الله خير يا بنت الديره

و الله يصبرك ويعوضك بالذرية الصالحة

ويحقق لك ما تتنمين
ه
تحياتي الي أخواتي العزيزات بصراحه أنا كنت أقرا الموضوع ولفت أنتباهي رد الأخت بنت الديره وخلتني أكتب رد وأشارك وحبيت أقول لها ربي يصبرك ويعوضك ويبرد قلبك وأقول لها فقدانك لي أبنك هذا باب من أبواب الجنه وأنفتح لك
أما أختي بنت الندا أن شاء الله البنات يساعدوك وعل فكره أنا أعاني من نفس المشكله فتقبلو مروريِ
ب
مشكورين على الدعم وماتقصرون الله ينول لكم كل مابخاطركم وينور طريقكم يارب بغيت اشكركم (هنوا الدلوعة ودفء القلوب)
اسمحي لي يابنت المدا اشكر أخواتي العزيزات ابموضوعش
ب
لو تستعملون الطريقة مع اول استعمال راح اتلاحظون فرق مب طبيعي ومع الاستمرار راح اتلاحظون انه النقط اختفت ووتنسون انكمكنتم اتعانون من مشكلة النقط السوداء او الشعر تحت الجلد او غيره
ب
للرفع
ت
الله يصبرك يا بنت الديره
لله ما أعطى ولله ما أخذ والله يصبرك ويعوض صبرك خير يارب ويجعله شفيع لك ان شالله
ويعوضك ان شالله بالذريه الصالحه الباره بك ان شاءلله (اللهم لا تذرها فرداً وانت خير الوارثين)
واسفه اختي بنت المدا استغليت صفحتك .. .. ..
بس ما قدرة اطلع وما ادعي لبنت الديره
وبالتوفيق لك يا بنت المدا
ب
تسلمين يالغالية تيته 7 وينولك خير ويسر أمورك ويطول عمرك
س
انا عملت حمام مغربي وفركت رجولي بليفة المغربية وجلست الاحظ اذا الشعر الي داخل الحبوب طلع ..والحمدلله شفت نتيجة مرضية بس طبعا لازم اعملها بشكل اسبوعي عشان يروح كل الشعر الي تحت الجلد وتختفي البقع البنية الي منتشرة في رجلي ..
ب
الله يعطيك العافيه يابنت الديره نورتي الصفحه
خوذي راحتك ,, وإن شاء الله أبجرب طريقتك ,, أنا قريت عنها لكن يوم أنتي كتبتي تجربتك تحمست ....
والله يصبرك ويعوض صبرك خير يارب ويجعله شفيع لك ان شالله
ب
يعطيك العافيه يابنت الديره
X