السلام عليكم ورحمة الله وبركاته
كل عام وأنتم بخير
أعاده الله علينا وعليكم باليمن والبركات وتقبل الله منا ومنكم صالح الأعمال
نبدأ بهذا الحديث للتذكير
قال رسول الله ( صلى الله عليه وسلم )
من تعار من الليل فقال : لا إله إلا الله وحده لا شريك له ،
له الملك وله الحمد وهو على كل شيء قدير ،
وسبحان الله والحمد لله ولا إله إلا الله والله اكبر ولا حول ولا قوة إلا بالله
ثم قال
اللهم اغفر لي أو دعا استجيب له
فإن توضأ ثم صلى قبلت صلاته .
( رواه البخاري )
** من تعار : أي استيقظ من النوم
°ˆ~*¤®‰« ô_°°_ô »‰®¤*~ˆ°
كل وحده ورغبتها هذا ثقيل ويمكن مايعجب اللي يحبون الستايل الخفيف
اللوك هذا لوك بألوان ناريه اللي هي أحمر وأصفر وبرتقالي وبني وينفع مع أي لبس من هالألوان بس أنا جربته مع لبس كان أورانج وطلع روعه بصراحه وطبعا في الطبيعه أحلى لأن هذا على ورق فما يكون الدمج بالشكل المطلوب
هذي مجموعة ألوان مائيه من كريولان وبيل فيزاج إستخدمتها كقاعده للون عشان مايبهت ويظل فتره طويله لحد ماتغسلينه
هذي مجموعة الألوان من بيل فيزاج
هذا البلاشر اللي إستخدمته من كلينك لون مشمشي وبصراحه روووعه
هذا روج أورانج من نوبا حلو وثابت
نبدأ الدرس بإذن الله
هنا رسمت عين على ورق كانسون وغطيتها بالديرما كول
ورسمت الحواجب بالبني المائي من كريولان
حطيت إضاءه باللون الذهبي من كريولان وحطيت عليه شدو مخملي ذهبي
حطيت تحته لون اورانج مائي من بيل فيزاج بعدين حطيت عليه
لون أورانج شدو مضغوط عادي من بيل فيزاج ودمجته مع الإضاءه
هنا حطيت لون أحمر مائي من كريولان وعليه أحمر مضغوط عادي من بيل فيزاج
هنا لون بني من بيل فيزاج وأيضا نمده لبرا
هنا حطيت لون أورانج في الجفن المتحرك وممكن تحطين لون أصفر
وممكن من الزاويه الداخليه أصفر والنصف الثاني أورانج
يعني حسب رغبتك
اللي جفنها غاير تخلي لون الجفن المتحرك فاتح عشان ما يدخل زياده واللي جفنها بارز تحط لون غامق عشان
ما يبرز زياده
واللي عيونها متباعده تخلي اللون الغامق هواللون القريب من الانف واللي عيونها قريبه من بعض تخلي اللون الفاتح هو القريب من الأنف
أتمنى تكونون فهمتوني
كحلت العين من فوق بالكحل السايل من لانكوم
وأيضا من تحت ومديت الكحل عشان السحبه
عبيت الفارغ اللي بين العين بالكحل وخذت الشدو البني المائي
وسويت منه قوس زي ما انتوا شايفين
حطيت عليه شدو أسود ودمجته معه وضبطت الزاويه الخارجيه للعين
هنا الزاويه الداخليه باللون الأصفر عدلتها بالفوتوشوب
وهنا نصف أصفر ونصف أورانج برضو بالفوتوشوب
هنا الماسكرا
هنا الجليتر حسب الرغبه
ممكن وحده منكم تقول وين هالمساحه كلها قصدي مساحة الجفن
طبعا أنا هنا أكبرها عشان يوضح لكم الشرح طبعا مو كل وحده عنده هالمساحه
لكن الشي نسبه وتناسب
يعني حطي على مساحة جفنك لا تقولين جفني صغير
لا حاولي وبتضبط معك إن شاء الله
وممكن ماتحطين الألوان هذي كلها تحطين لونين أو ثلاثه
وهذا أقرب فستان حصلته من النت
بس قصير ركبوا فيه طبقه من تحت وأكمام
دعواتكم اخواتي لي بالشفاء والعافيه وتفريج الكربات
أسأل الله لي ولكم المغفره والرحمه وجميع المسلمين