فينكم يا مصريات يا حلوات....... الجزء الاول

مايوه المحجبات ده شكله ايه يا بنات يا ريت لو حد يقدر ينزلنا صورته

انا سألت فكارينا لقيتو غالىىىى اوى 350 ج فحسيت سعره اوفر يعني
اعتقد ان كبيره يبقى 200 لما يبقى غالي مش 350 !!

طيب الى فالامبراطول الى فسيتي ستارز ده اسعاره فحدود كام ياقمر ؟؟



ده شكل مايوه المحجبات وفى طبعا اشكال تانية فيهم الى تحسيه شيك كده وفيهم الى تحسيه شكله وحشششش انا بقى نفسى الاقى واحد امور كده ومش لاقيه خالص :S


صورة مخالفة

السلام عليكم ورحمه الله وبركاته

فى محل فى الزيتون فى حدايق الزيتون عند السوق فى سليم الاول فى اول الشارع دا محل بيبيع المايوهات دى باسعار مختلفه على حسب الخامه ان شاء الله

ميرسىىى ياقمر
بس انا اسفة اصلي معرفش الزيتون فين :(
ممكن توصفيلي بظبط او لو تعرفى اروح ازاى انا ساكنة فى المعادي
واسم المحل ايه ؟

اللي في الامبراطور برضه في الحدود بس خامته نضيف جدا ..وعلى فكره انا واحده صحبتي فصلته وطلع تحفه بس مش عارفه والله فصلته فين ..انتي ممكن تسألي مين ممكن تفصل مايوهات وتعرفي الخامه وتنزلي تجيبيها

ميرسىىىىى يابنوتات انا جبته خلاص :D
جايباه من حسين يوسف في جراند مول زي ده بظبططط بس لونه بينك ف كحلي
ب 93 ج

بنات حد يعرف الاقى بديهات تقليد كارينا واسعة فين؟ انا كل ما اجيب بودى الاقيه صغير عليا مع انى مش تخينة خالص وباشوف بنات تخان جدا لابسينه وعلى قدهم ، او حد يقولى اعرف ازاى ان البودى على قدى لأنى طبعا مش حاقدر اقيسه البياع طبعا بيقعد يمطلى فيه ويقولى ده يلبس كل المقاسات

egyptiangirl;9871886:
بنات حد يعرف الاقى بديهات تقليد كارينا واسعة فين؟ انا كل ما اجيب بودى الاقيه صغير عليا مع انى مش تخينة خالص وباشوف بنات تخان جدا لابسينه وعلى قدهم ، او حد يقولى اعرف ازاى ان البودى على قدى لأنى طبعا مش حاقدر اقيسه البياع طبعا بيقعد يمطلى فيه ويقولى ده يلبس كل المقاسات

تقليد الكارينا في كل مكان دي حته بتبقى واسعه ودرعاهتها كمان عايزه حد كلبوزه انا بجيبها وبضيق دراعتها عند الترزي دي هتبقى مناسبه ليكي في وسط البلد هتلاقيهم وكمان في ميدان الجيزه عند البياعين كتير في المحلات والشوارع

shining.rose;9865510:
ميرسىىى ياقمر
بس انا اسفة اصلي معرفش الزيتون فين :(
ممكن توصفيلي بظبط او لو تعرفى اروح ازاى انا ساكنة فى المعادي
واسم المحل ايه ؟

بصى يا جميله اركبى المترو اتجاه المرج وانزلى محطه حدايق الزيتون واطلعى الناحيه الى عكس السينما وبعدين امشى شويه شمال والمترو فى ظهرك وبعدين هتلاقى شارع واسع مليان محلات امشى فيه وبعدين امشى شمال لحد ما تلاقى السوق الناحيه التانيه افضلى ماشيه لحد الكوبرى الى هيبقا معاكى على الشمال قصاده يعنى تعدى الشارع هتلاقى المحل معلق المايوهات ان شاء الله

egyptiangirl;9871886:
بنات حد يعرف الاقى بديهات تقليد كارينا واسعة فين؟ انا كل ما اجيب بودى الاقيه صغير عليا مع انى مش تخينة خالص وباشوف بنات تخان جدا لابسينه وعلى قدهم ، او حد يقولى اعرف ازاى ان البودى على قدى لأنى طبعا مش حاقدر اقيسه البياع طبعا بيقعد يمطلى فيه ويقولى ده يلبس كل المقاسات

فى التوحيد والنور يا جميله فى بديهات تقليد كرينا حلوة اوى وبتمط بسهوله ومش بتخنق وب 26 اخر مره شفتها الحمد لله

roro cat;9872148:
تقليد الكارينا في كل مكان دي حته بتبقى واسعه ودرعاهتها كمان عايزه حد كلبوزه انا بجيبها وبضيق دراعتها عند الترزي دي هتبقى مناسبه ليكي في وسط البلد هتلاقيهم وكمان في ميدان الجيزه عند البياعين كتير في المحلات والشوارع

واسعة ؟؟ :ss: يا ريت يا رورو الاقى من دول ده انا لسه جايبه واحد من وسط البلد وطلع ضيق ودرعاته كمان ضيقة قوى تقريبا المقاسات بتختلف من مصنع للتانى

صوت العيون;9872836:


فى التوحيد والنور يا جميله فى بديهات تقليد كرينا حلوة اوى وبتمط بسهوله ومش بتخنق وب 26 اخر مره شفتها الحمد لله

مرسى يا صوت انا التوحيد والنور قريب منى حابقى اروح ابص عليه ما تعرفيش ماركته اسمها ايه؟ :)

ازاي يا بنتي دي الدرعات واسعه اوي وبتمط وده عيب البديهات الصيني انا بديقها واقص منها بتبقى تمام اووووي انتي من فين بالضبط؟

بنات فين جراند مووووووووول ده ...............؟؟؟؟؟؟؟؟؟؟؟؟


وبعدين محدش لسه لاقه ترزي ابن حلاال ..........؟

rosy2;9876977:
بنات فين جراند مووووووووول ده ...............؟؟؟؟؟؟؟؟؟؟؟؟


وبعدين محدش لسه لاقه ترزي ابن حلاال ..........؟

ده تقريبا في المعادي يا روزي

egyptiangirl;9876840:
واسعة ؟؟ :ss: يا ريت يا رورو الاقى من دول ده انا لسه جايبه واحد من وسط البلد وطلع ضيق ودرعاته كمان ضيقة قوى تقريبا المقاسات بتختلف من مصنع للتانى
مرسى يا صوت انا التوحيد والنور قريب منى حابقى اروح ابص عليه ما تعرفيش ماركته اسمها ايه؟ :)

بصى يا جميله هى تقليد كارينا وهتلقيها متعلقه كدا عندهم وب 26 واسألى البايع لانى مش فاكره الاسم بالظبط بس تقريبا مكتوب عليها كارينا مش فاكره بالظبط

rosy2;9876977:
بنات فين جراند مووووووووول ده ...............؟؟؟؟؟؟؟؟؟؟؟؟
وبعدين محدش لسه لاقه ترزي ابن حلاال ..........؟

فى ترزى فى كوبرى القبه بس اسعاره مش رخيصه الحمد لله

بصى يا جميله اركبى المترو اتجاه المرج وانزلى محطه حدايق الزيتون واطلعى الناحيه الى عكس السينما وبعدين امشى شويه شمال والمترو فى ظهرك وبعدين هتلاقى شارع واسع مليان محلات امشى فيه وبعدين امشى شمال لحد ما تلاقى السوق الناحيه التانيه افضلى ماشيه لحد الكوبرى الى هيبقا معاكى على الشمال قصاده يعنى تعدى الشارع هتلاقى المحل معلق المايوهات ان شاء الله

ميرسىىىىى ياقمراية وصفك بجد سهل وجميل

بنات فين جراند مووووووووول ده ...............؟؟؟؟؟؟؟؟؟؟؟؟

جراند مول فى المعادي فى حتة اسمها العرب

roro cat;9876861:
ازاي يا بنتي دي الدرعات واسعه اوي وبتمط وده عيب البديهات الصيني انا بديقها واقص منها بتبقى تمام اووووي انتي من فين بالضبط؟

أنا من القاهرة بس البديهات اللى باجيبها دى مصرى مش صينى :D

rosy2;9876977:
بنات فين جراند مووووووووول ده ...............؟؟؟؟؟؟؟؟؟؟؟؟


وبعدين محدش لسه لاقه ترزي ابن حلاال ..........؟

أنا اعرف ان جراند مول ده فى المعادى

egyptiangirl;9883654:
أنا من القاهرة بس البديهات اللى باجيبها دى مصرى مش صينى :D



أنا اعرف ان جراند مول ده فى المعادى

بصي في وسط البلد ممر الكونتيننينتال في اي مكان بيبيع ايشاربات وشربات حتى ولانجيري قوليله عايزه بديهات تقليد الكارينه الصيني هتلاقي كتير اووووي بيبيعها

في اي محل طرح هتلاقي تقليد كارنا بس بصراحه مش عجبنب قصير ومش مظبط في الرقبه
سيلفي احلي او فيجا
جراند مول في عرب المعادي

hoba555;9884046:
في اي محل طرح هتلاقي تقليد كارنا بس بصراحه مش عجبنب قصير ومش مظبط في الرقبه
سيلفي احلي او فيجا
جراند مول في عرب المعادي

قصير ازاي؟؟؟ على فكره في منه حجم صغير درعاته قصيره وهو مش طويل واللي بجيبه ده طويل ودرعاته كمان انا بقى عايزه اجرب الصغير ده

قصير يا رورو قبل معصم الايد يشويه جربته وندمت لانه لياف مش قطن