فينكم يا مصريات يا حلوات....... الجزء الاول

يا جماعة حد يدلنى فين الاقى محلات كويسة
بتبيع شرابات فوال وكرستال سواريه

انا نزلت من كام يوم مصنع بيلادونا اللي في الهرم وفيه حاجات عليها سيل 50% وفي حاجات شيك وسيمبل اوي انا جبت تونيك بس للاسف مكنش عليه تخفيض لكن الحاجات الباقيه عليها

فين بيلا دونا يا هوبي؟
سمعت ان وايف كان عامل تصفيه باسعار رخيصه جداااااااا في سيتي مول

بيلادونا المصنع في المريوطه هتنزلي المريوطيه وتاخدي تاكسي يدخل بيكي من عند توكيل كاريير كده ويمشي على طول هتلاقيه على ايديكي الشمال ..ويف انا مرحتوش بس هاروح ابص عليه

طب اسكندريه اخبار التخفضيات ايه وفين

hoobie;13183877:
بيلادونا المصنع في المريوطه هتنزلي المريوطيه وتاخدي تاكسي يدخل بيكي من عند توكيل كاريير كده ويمشي على طول هتلاقيه على ايديكي الشمال ..ويف انا مرحتوش بس هاروح ابص عليه

انا ساكنه مريوطيه هرم بس فين توكيل كاريير في المجزر الالي ولا ايه؟
ويف كنت قريت من فتره في الاهرام ان تخفيضات جامده مش بتحصل غير كل 5 سنين تصفيات يعني
واسعار رخيصه لو كنت هناك كنت رحت

لا انا قصدي مريوطية فيصل عارفه كشري العريس ؟؟

hoobie;13184367:
لا انا قصدي مريوطية فيصل عارفه كشري العريس ؟؟

اااااه عرفاه خلاص عرفت المكان سهل اوي
تسلميلي يا هوبي

الترانوفا ولاسنزا اللي في المهندسين انا شفتهم امبارح لسا عنلين ديسكونت وعندهم حاجات حلوة

وايه كمان وايه كمان

التاتو تاي كمان عامل تخفيض 50 % حاجات روعة روعة اللي جنب نادي الصيد

بنااااااااااااات ضروري عشان انا تعبت من اللف وزهقت من موال كل مرةانزل اجيب فيها لبس، انا عايزة محلات كتيرة يكون فيها مقاسات او موديلات تناسب المليانين من تحت خصوصا عشانانا من فوق معقولة مش كلبوظة اوي، هو مشكلتي من تحت بس فبتناسبني اكتر الموديلات اللي بتبقي مجسمة من فوق مثلا ونازلة علي واسع كده يعني وبجيب حاجات حلوة والله بس بتعب اوي عقبال ما الاقي وطبعا في حاجات كتيرة ببقي نفسي اجيبها ومش بعرف عشان اغلبها مقاسات صغيرة، في محل كنت بتاعمل معاه دايما وكان بيعجبني جدا ومميز لأن مصنع كمان وعنده مقاسات كبيرة فيه منه فرع في جنينة وفيع في عمارات العبور اللي هو ميكس اند ماتش، في ايه تاني بقي غيره ويكون مش غالي اوي عشان الميزانية خربانة وخصوصا اني بجيب للبنت كمان حاجاتها، عايزة شتوي دلوقتي طبعا وصيفي بردو بعد كده وياريت استايل كاجوال اكتر من الكلاسيك بس ياريت ده وده وبالمرة بقي لبس البيت كمان نفس الفكرة لأن كل ما بلاقي كبير بيبقي كبير بشكل غبي اوي وبحس اني مدام او شاحتاه من حد تخين، عشان بيعملوا دايما الموديلات ضخمة اوووووي من فوق فبتقي مهوية عليا بجد وللأسف بجد كل ما الاقي محل حلو وفيه حاجات تناسبني واتعامل فترة معاه وارجع بعد كده زي ما متعودة الاقيه معندوش حلو دلوقتي

كتكوته طيب ياحبيبتي مجربتيش تفصلي ..في خياطين بيبقوا شاطرين جدا جدا وبيطلعوا الحاجة مظبوطة وانا اعرف واحد كده بس بعيد عليكي جمبي في الهرم بس عموما ممكن تسألي

hoobie;13517169:
كتكوته طيب ياحبيبتي مجربتيش تفصلي ..في خياطين بيبقوا شاطرين جدا جدا وبيطلعوا الحاجة مظبوطة وانا اعرف واحد كده بس بعيد عليكي جمبي في الهرم بس عموما ممكن تسألي

عندي واحدة بردو قريبة جوزي عندها اتيليه وشاطرة جدا وكنت فعلا اتفقت معاها بس كنسلت بعدها عشان اتخنقت وكسلت من الماشوير اللي هتضطر اعملها للتفصيل وانا مبقاش فيا حيل لكده، بس هروحلها بردو ان شاء الله بس مش عايزة اعمل كله تفصيل، عايزة حاجات بسيطة كده والباقي جاهز اوفر واسهل واسرع

انا كمان نفسى اجيب حاجه جديده فالشتاااااااااا ومش عارفه اروح فين خصوصا ان مش بيناسبنى الحاجات العجيبه اللى بينزلوها المحلات اللى بتنفع بتوع الجامعه اكتر
انا نفسى فى حاجات شيك وكاجول ومحترمه فى نفس ذات الوقت
وياريت لو حاجه فى مدينه نصر ومش غاليه قوى

حلو اوى التجمع دة لسة عارفاة انهاردة بس
مين بئة نزل وشاف هدوم حلوة شتوى لينا
وعاوزة اشتري بالطو صوف حلو منين وسعرة تقريبا كام كدة؟؟

انا حسه ان مفيش حد هيقول حاجه مفيده لاننا كلنا بنفكر فى لبس العيال ونسين نفسنا

:)

انا جبت شيميزين حلوين اوى من فيرو مودا
الواحد كان ب 140
هما كاروه وقصيرين هبقى اصورهم وانزلهملكم

hoobie;13517169:
كتكوته طيب ياحبيبتي مجربتيش تفصلي ..في خياطين بيبقوا شاطرين جدا جدا وبيطلعوا الحاجة مظبوطة وانا اعرف واحد كده بس بعيد عليكي جمبي في الهرم بس عموما ممكن تسألي

انا عاوزه عنوان ورقم الراجل ياهوبي وفين بالظبط في الهرم و اسعاره اخبارها ايه ؟؟

انا بحب الفريدة اوي يا اناناس وبحب لبسها

بس بيقولوا اسعاره اوفر دلوقتي بس عامة ف اخر الشتا

بيكون في اوكازيون جامد وجبت منه ف اول الصيف حاجات

جميلة ماشاء الله واسعارها معقوله

وفي جريفيل قدامه برضه في السراج ممكن لو دعبستي تلاقي حاجة

حلوة وشيك ومحترمة ومش عواجيزي خالص

وسوزانا كمان يااناناس ساعات بيكون فيه حاجات حلوة ونفس الاستايل اللى انت عاوزاه
وكمان اور OR عنده كمان حاجات حلوة اوى وشيك اصل انا معطم لبسي بجيبه من دبي فتلاقينى مش عارفه محلات عاديه لينا هنا
ولو ان الماكات دلوقتى بقيت كلها هنا في مصر بس مع فارق السعر طبعا والماتريال
يعنى بجيب من اتش اند ام وماركس اند سبنسر واهو هايفتح قريب في داندى مول ودبينهامز موجود في جولف سيتي مول
وزارا ومانجو وبرمود ونيكست عندى حاجات كتير منه وماتريال بتاعته حلوة اوى مش بيجرالها حاجه لا بتبعت ولا بتبهوق ولا حاجه وبتغيش حلو اوى

yomizo;13717241:
انا عاوزه عنوان ورقم الراجل ياهوبي وفين بالظبط في الهرم و اسعاره اخبارها ايه ؟؟

بصي يا يميم الراجل في وش الشارع اللي قدام كلية تربية رياضيه يعني لو اديتي ضهرك للكلية وخليتي محل اللانجيري على يمينك هو الشارع ده تاني او تالت محل ..اسعاره حلوة اوي مش اوفر خالص وشغلة بروفيشنال بس عيبة الوحيد مواعيده زفت ..يعني انا جارتي فصلت عنده جاكت كانت جايباله الموديل طلعه بالظبط ماشاء الله بس خدته بعدها بشهر وللا اكتر شويه ..لازم تفضلي وراه وهو ميزته ان مراته بتشتغل معاه وهي اللي بتاخد مقاساتك