كل عام واخواتي الحبيبات بخير وفي اتم صحة وسعادة
وعيدكم مبارك
كنت ناوية اعمل الموضوع ده من زمان بس الكسل بقا :ss:
النهاردة الحمد لله قلت هصوره وانزله لعيونكم وإن شاء الله يعجبكم وتدعوا لوالدي بالرحمة والمغفرة وأختي بالشفاء اللهم آمين
اخليكم مع الرقاق
الطريقة اخدتها من خالتي ربنا يباركلها
والأكلة عبارة عن رقاق محشو بالجبنة والزيتون والفلفل والطماطم
ودي المقادير
حوالي 4 أو 5 شرائح جبنة رومي وممكن نزود حسب الرغبة
زيتون
1 حبة طماطم
1 حبة فلفل حار أو بارد حسب الرغبة
رقاق طري يشبه العيش الشامي الكيس بيكون فيه من 5 إلى 8 طبقات ويكفي لعمل صينية
شوربة دافئة قليلا نبلل بيها الرقاق ونشيله بسرعة ومتكونش الشوربة سخنة عشان الرقاق ميبقاش مهري
نبدأ بالطريقة بإذن الله
نقطع الجبنة الرومي أو نبشرها ونقطع الزيتون والفلفل والطماطم ونمزجهم مع بعض في طبق
نجيب صينية وننشفها كويس جدا وندهنها بالزيت ونبدأ بتبلليل الرقاق في طبق الشوربة ونشيله بسرعة حتى لا يتهري ونحط نصف طبقات الرقاق انا كان عندي 5 طبقات فقط حطيت 3 طبقات وفوقهم الحشوة
وبعدين نحط باقي الطبقات فوق الحشو وندهن الوش بالزيت
وبعدين ندخله الفرن على درجة حرارة 180 والشواية بس تكون على الهادي
وده شكله بعد ما طلعته من الفرن
وهنا قطعة لذيذة لأول رد يمي يمي
وان شاء الله تجربوه ويعجبكم ومتنسونيش من الدعاء والردود الحلوة والتشجيع
