السلام عليكم ورحمه الله وبركاته
كل سنه وانتوا طيبيبن يا بنات وعيد سعيد عليكوا ان شاء الله
جايبلكم النهارده طريقتي في عمل ماسك الخميره
والماسك ده انا متعوده عليه وبستخدمه بقالي 7 سنين والله
والحمد لله عاجبني اوووي ومش بستغني عنه خااالص
المهم نبتدي بقي
1- نجيب وعاء او طبق غويط شويه
2- بجيب الخميره العاديه من الفرن ومش الخميره الفوريه البودر
3-ونجيب نص معلقه عسل ابيض
ونضيفها علي الخميره
امزجي الخليط كويس اووووووووووووووووووي
وده شكله بعد الخلط والمزج
ويوضع علي الوجه مع تجنب وضعه في منطقه العين
واسترخي حتي يجف القناع
وبعد كده اغسليه بماء فاتر بطريقه التقشير لغايه ما يقع من بشرتك
وبعد كده اغسليه بماء فاتر من الحنفيه
وبعد كده تجيبي نص ليمونه (خطوه اختياريه ) واللي بشرتها حساسه بلاش ليمون
وتمرريها علي بشرتك بقطنه نظيفه
وبعد كده اشطفيها برضه بماء فاتر وحطي بعد كده الكريم المرطب بتاعك اللي بتستخدميه
وانا بستخدم دوف المركز حلو اوووووووووووووي
فوائد الماسك
1- الخميره تقضي علي جفاف البشره وتحرك الدوره الدمويه في الوجه.
2- والعسل يرطب البشره وينعمها ويلمعها .
3- الليمون يحتوي علي حامض قابض للبشره بما فيها من افرازات دهنيه تتراكم معها الاتربه فتشوه جمال الوجه .
الماسك ده بستخدمه مرتين في الاسبوع
والنتائج رووووعه والله
وجه منور وابيض ومورد ونظيف وخدود بس لفتره مؤقته يعني يومين كده ولا حاجه
اتمني الماسك يعجبكوا
وادعولي بقي يا بنات وقييموني
الموضوع مجهود شخصي وليس محلل لاي بنت نقله بدون علمي :D
(f) واتمني لكوا عيد سعيد ان شاء الله (f)
