عرفت نوع الجنيين .. ادخلي طمنيني !!

حبيبتي

ام جهاد اول شي حبيت اباركلج بالبنوتة :)

وصدقيني بقولج شي ترى البنات ياخذون قلب ابوهم ويتعلقون فيهم اكثر من الاولاد

>>>>>>>>>>>>>>>>>>>>> وانا اكبر دليل جدامك انا اكبر اخواني وابوي كان يبي ولد وجينا انا واختي اول شي صدقيني والله انه يمووووووووووووت فينا اكثر من الاولاد ومايرضة علينا حته اخوي الي كان ينتظرة الحين مطلع عينه الــــ2

صدقيني حبيبتي لا تحطين في بالج الحين جبيتي بنت ان شاء الله راح تجيبين بعدها اولاد وبنات باذن الله

وماعليج من كلام الناس اهم شي الذرية الصالحة والبنات ترى والله احن واطيب من الاولاد على ابائهم

الله يسهل ولادتج وتشرف العروسة بصحة وسلامة باذن الله

اولا للحين لسه ما دخلت الخامس
بإذن الله بعد كم يوم
وآخر الشهر بروح افحص

بس عن ظنك هذا
شيليه من بالك
ترى الجنين يحس ويسمع كل كلمة تقولينها انتي
بعدها تتأثر في مراحل طفولتها
وهذا كلام صحيح

تدرين انه زوجي يبي بنت تجيه قبل الولد؟؟
دوم يقول لي .. بس بعد يقول اللي يجي من الله حياه الله

يعني لاتفكرين انه زوجك مو مستانس بالعكس
شيلي فكرة المجامله

والمسؤوليه عن الاثنين ترى
اما بنت او ولد اثنينهم زي المسؤوليه
وبالعكس لا كبر الولد بتحسين بمسؤوليته اكثر من البنت

فإبعدي عنك هالوسواس واشكري ربك على نعمته

اول شي الللللف مبرووووووووك و احب اقولج انا احب البنوتات وااااااااااااايد ..ما شاءالله حلوين ..
انا مدري عن الشعور لاني حامل في ولد ..بس نفس ما قال زوجج اهم شي الخلقة التامة و عن الشعور اول ما قالولي ما حسيت بشي جديد لاني كان عندي احساس غريب و قوي جددددا انه ولد بس اكيد اشتقت يكون عندي بنوتة ادلعها و تكون تحت عيني حتى يوم تكبر ..خبرج الاولاد يكونون مع ابوهم اكثر ..لا تخافين خلي في نيتج التربية الصالحة و ادعي لها دوووم و ان شاءالله المرة الياية انا اييب بنت ونتي ولد هههه..
و لا توسوسين مافي اب ما يحب ضناه اكيد انه مستانس ..و عن الناس ما عليج منهم ماحد يرضي جميع الناس اهم شي سعادتكم ..
و كل عاااام ونتي بالف خيــــــــــر

ماشاء الله تولدين بالسلامة يارب وابوي يحب البنات اكثر من الاولاد

اختي الف الف الف مبروووووووووووووووووووووك
البنات حلوات وتقدري تلبسيها حلو وتفرحي بيها و كمان لمن تكبر راح تصير صاحبتك اكتر شئ
اما عن الاب اكيد راح يحبها اكتر شئ ما تشيلي هم
والتربية اسهل في البنات لانهم بيسمعوا نصيحة اهلهم بس الاولاد يحبوا يجربوا

انا بكري بنوته

وكانت لنا أكبر فرحه بحياتنا وبالنسبه لاسألتك


شنو ردت فعل زوجها و هل فعلا زوجها حاب البنت قبل الولد؟

زوجي اساسا يبغى بنت قبل لا احمل حتى ويدعي ليل ونهار ان الله يرزقه بكره بنت

عكسي انا اللي كنت ابغى ولد هههههه

ولهذا فرح وطار من الفرحه مجرد ماقالت احتمال بنت

و بخصوص المسؤليه هل فيه خوف على البنت اكثر من الولد؟

فعلا انا احس مسؤليه البنت كبيره ودايما اخاف عليها

وماادري هل لو ربي رزقني بولد بخاف عليه كذا ولا لأ

ألف مبروك يالغالية وربي يتمم لك على خير

بالنسبة لي أنا قالوا لي بنوتة وزوجي دايما يتمنى بنت

مع انه بيت ابوه كله بنوتات بس موووووووته في البنات

انا اشوفه يتخبل مع بنات خواته شلون اذا جات بنته؟؟!!

فشيلي الوساوس من بالج واكيد زوجج فرحان وطاير من الفرح بعد

وبالنسبة للتربية ل2 صعب ومسؤولية بس الصبي صعب تراقبينه وتعرفين اصدقائه عكس البنت

وربي يسلم الجميع

الف مبروك والله يقومك بالسلامه الصراحه انا كنت ابي بنوته وزوجي خاطره في ولد بس مو مبين علشان مايزعلني بس يوم سويت السونار وطلع ولد كان فرحان وده يعلم كا الناس اني بجيب ولد الحين هو وولدي مسوين لي عصابه في البيت يستقوون علي الله المستعان والله ولد اوبنت اهم شي الخلقه التامه

الف مبروووووووووووك بعلى البنوته

انا بعد قالوا اني حمل في بنت وزوجي من حملت وهو يطلب انه تكون بنوته

البنت تميل اكثر الة ابوه وهي رحمه على الامها وابوها لا توسوسين ورح
يفرح زوجك في بنوته والتربيه صعبه في الاثنين

وكل عام وانتم بخير

مشكورين خواتي طمنتوني و فرحتوني و اليوم احس نفسي افضل من امس شوي استقريت نفسيا

و اليوم من اول ما قعدت وانا ادلع زوجي و اقول له ابو بنوتي .. ابو انوسه .. ابو الحلوه

و هو مستانس ما ابغي ازرع فيه فكرة اني متخوفه منه

للعلم زوجي حنون وااااجد اكثر من المراه و عطوف و قلبة رقيق

و انتظر ردود باقي البنات

و بالذات بخصوص الناس ليش ما تفرح كثير اذا كان المولود بنت ؟؟؟

الف مبروك الحمل لج والله يتمم عليك بخير

انه بكري بنت وما درينا الى لما ولدتها طبعا كلنا فرحنا لانها اول خلفتنا وحتى زوجي ما شالته الارض واذا كنت اقول له اكيد كنت تتمنى ولد يقول انه ما عندي لا بنت ولا ولد يعني الي يجي من الله حياه الله
وصدقيني ترى البنت تاخذ قلب ابوها بسرعه
وعن المسؤوليه ترى التربيه كلها مسؤوليه سواء بنت او ولد

بالعكس ياخيوتي اني عندي بنتين الله يخليهم ان شاء الله

احس ان زوجي يحبهم اكثر مني ودوم يحب يفوشر بهم

من البسهم لبس جديد او احط بشعرهم حاجة جديدة راح نزلهم

لاهله يوريهم اياهم

ومرة كنت مسبحة بنتي الصغيرة قام نزلها لامها يقول هي ولا

مرة شافتها وهي توها مسبحة

يعني مستانس بهم لاخر حد

الله يخليهم لي ويخليه لي

والله يثبت حملش ان شاء الله

الله يتمم حملج على خير وتولدين لنــا بالسلامه
ومااعتقد زوجج نفسـه مثلاً في ولد , واذا كنتي حامل بولد أكيد راح يكون ردة فعله مثل الشي
لأن فعلاً ,, أهم شي السلامة والخلقـه التامه
وانتي هذا البكر عندج صح ؟؟
يعني مو عندج كله بنات والحين هذي بعد بنت , انتي شكلج معقده السالفه
والبكر حلو بنت أو ولد , وهذا كله رزق من رب العالمين

اني للحين ما عرفت جنس الجنين شنو ,, بس زوجي يقول لي يبي لنــا بنوتــه

واتوقع أن الرجل يميل للبنوتات أكثر ,, والبنات ما في أحن منهم على الوالدين
وعن المسؤليه ترى الاثنين مسؤليتهم صعبــه والتربيه يبي لها

باعدي عنج الوسواس , وأكيد زوجج مستانس انه بصير أبو
بس يمكن ما يعرف يعبر عن شعوره مثل ما تبين انتي
والله يقومج بالسلامتـه ويسهل ولادتج وولادتنـــا