قصة الاخت الامل الاخير مع الاستغفاااار

السلام عليكم ورحمة الله
بنات بكتب لكم قصتي مباشره من غير تمهيد انا اخواتي تعبت من كثرة العين والحسد في حياتي لدرجة ان ابني كان بيروح من يدي والسبب العين والله يا بنات ان الاطباء احتاروا فيه لحد ماجبنا مشايخ وقالوا لنا انها عين قويه مصاحبة مس المهم ان اختكم كانت تطلع من مشكله وتدخل في مشكله
وكان زوجي والله يابنات كان يدخل مايعطيني وجه ويطلع بنفس الشكل وانا احترت شدبره لو صار اي خلاف بينا يزعل ويعصب ويصر على رأيه حتى لو كان هو الغلطان وانا ارجع اراضيه واذل نفسي حتى يرضى واحس اني احتقر نفسي لاني انا اللي اتنازل في كل مره
المهم في مره وانا اتصفح النت قريت قصة لاحد الاشخاص كان يتكلم عن الاستغفار والحمد لله من يومها وانا التزمت الاستغفار في اليوم الف مره او يزيد الى 5000 او 10000 والله ثم والله اخواتي جاني رضى غريب عن كل شي اسويه والحمد لله التزمت ادعية الصباح والمساء خفت عني العين بشكل ملحوظ وارتحت بشكل كبير وبدأت اشعر ان الله بيفرجها علي في كل ازمه امر فيها والاهم ان زوجي رجع لي شخص ثاني انا ازعله دققوا انا ازعله ويرجع يراضيني الاول هو يزعل وانا اللي اراضي والله يابنات ان الاستغفار فيه سحر عجيب انصح كل وحده تلزم الاستغفار وتشوف الفرج من رب العالمين لاتنسوني من الدعاء