ساعدوني

انا بقلك ايش كنت اسوي ايام السكن بالجامعة لان من جد كانت الشقة تصير ايام الامتحانات مكب زبالة وانتي بكرامة والسبب الغبار والاوراق والصحون المتراكمة

1- حددي لك يومين في الاسبوع لغسيل الملابس
2- عودي نفسك على غسيل الصحون والمواعين اول بااول يعني لاتنتظري وقت الطبخ او عمل كيكة تراكم الادوات في المغسلة
3- الويك اند خليه لتنظيف الشقة من الكنس والمسح
4- الحمامات يوم بالاسبوع تنظيف شامل وباقي الاسبوع كل ماتتروشي اشطفي بالموية لانه مارح يتوصخ اذا كان منظف بشكل جيد
5- كل 4 ايام بدلي مفارش السرير ( اكيد بيكون عندك سبير) ووديها المغسلة تتغسل ودايما تأكدي ان السبيرات عندك نظيفة ومغلفة ومحفوظة في مكان جيد
6- عودي زوجك على مساعدتك في ترتيب اغراضه اذا كان فوضوي واذا كان مرتب خير وبركة
7- اشتري لك مقسمات في الدولايب لملابس الداخلية والنوم والجرابات لضمان عدم حصول فوضى في الدولايب او غرفة الملابس

واذا كان الويك اند مزحوم عندك من حيث زيارة الاهل وغيره حاولي تحصلي لك شغالة ايجار بالساعة يوم في الاسبوع تجيبها الصباح او الظهر في الويك اند تنظف الحمامات وتغسل الشقة ساعتين ل3 كفاية