مثل ماتتبع عيون العطاشى غيمة الحيرة = تك وانت مثل السالفة عن رحلة الغادي ؟؟!!
ح
14-06-2003 | 12:39 AM
قصيدة نبطية ( طاح العزيز )
لمع برق الجروح ولاهقيت إن المطر خيرة = مدام إن السحابة غاضبة لاتامن الوادي
إذا شفت الوجيه الفارغة تضحك بتكشيرة = حذاري تركب أمواج البحر لو البحر هادي
أنا اللي تهت في حسن الظنون وحرمة الجيرة= تعبت أنهل من إدروس الزمان وعبرة أجدادي
عبث مدّيت كفي للذنوب وماتت الغيرة = وتغنّت بي شياطين الخطا في صوتها الشادي
عذابي كنت أشوف في عيوني سيّد الديرة = تجاوزت الخيال وكنت أشوف فارس أمجادي
رُمَسْت الروح في نيران حبك يالله الخيرة = وصلتك وانت أبعد من مداي وشرهة عنادي !
أشوف الموت في صمت الشجر توحي تباشيره = هلا بالموت قالت خطوتي يوم ارتخى زنادي
مثل ماتتبع عيون العطاشى غيمة الحيرة = تبعتك وانت مثل السالفة عن رحلة الغادي !!
نعم سلّمت لك قلب العنا بأول مخاسيره = لمستك يوم هابوك البشر وأسمعتك إنشادي !
صنعتك لغز في مشوار عمري صعب تفسيره = تحاصرك الهقاوي وانت لاهي داخل فوادي
عشقتك وانت في نزوات حبك مثل تسعيره = على حسب الظروف الراهنة تنقص وتزدادي
صحيح إن الخطر ياظالمي يعكس محاذيره = غرست إسهام غدرك بالحشا مع حزة إرقادي
ألا ياحر نيران الندم ياصعب تصويره = إذا طاح الصقر من فوق عرشه بأول إهدادي
أجل طاح العزيز وتوّجوا أبطال تعثيره = عجايب كيف صاروا عزوتي هم أول أندادي !
غريمي لاتهنّى دام جرحي مانشف بيره = ترى لابد من كبواتها ماتنهض إجيادي
عزاي أني رميتك من سموّك تبكي السيرة = نزعت التاج عن راسك جهر والظالم البادي !!
س
14-06-2003 | 08:08 AM
قصيده رايعه وشاعر قصيده يسبب الحيره :::وش الروعه؟ وش الابداع؟وش الريحان والكادي؟؟
ولكن نعرفه دايم,,هذا حمدان ماغيره:::شاعر منتدانا الي مهوب الشاعر العادي!!
:clap::clap::clap::clap::clap::clap::clap::clap:
ولكن نعرفه دايم,,هذا حمدان ماغيره:::شاعر منتدانا الي مهوب الشاعر العادي!!
:clap::clap::clap::clap::clap::clap::clap::clap:
ه
15-06-2003 | 12:30 AM
أخي حمدان .... لن أكرر ماقلته من تعليقٍ لك في أحد أشعارك ..ولن أجهدك بقراءة ما سأكتبه لأن كلماتي لن توفي حقك أبداً فكلماتك أكثر من راائعه وأسلوبك أكثر من ممتاز ....لن أكمل تعليقي خوفاً من تنقيص قدراً من موهبتك الحقيقيه .....لازلت مالكاً لإعجابي وإعجاب قراء منتدى عروس وستبقى دوماً صاحب القلم الذهبي...
(هدب نجد)
(هدب نجد)
ح
15-06-2003 | 11:04 AM
westar
الله يباريك فيك
الله يباريك فيك
ح
15-06-2003 | 11:06 AM
هدب نجد
دائما تسعديني باشراقتك المفرحة
يارب أكون في مستوى الثقة
دائما تسعديني باشراقتك المفرحة
يارب أكون في مستوى الثقة
ح
15-06-2003 | 11:08 AM
يختلجني شعور بالتقصير تجاهك
ولكن عزائي الوحيد أنك نذرتي قلمك الصادق لنصرة الابداع
ولكن عزائي الوحيد أنك نذرتي قلمك الصادق لنصرة الابداع