ابوي ظلم امي

هلا بنات

حبيت اطرح لكم مشكلتي هذي وقولولي شو الحل ؟؟

ابوي متزوج وحده على امي وجابت له 6 عيال وامي وحليلها كبرت وصار خلقها ظيق
وعيال هذيك كل شوي يدوشو امي وماشي احترام لها ولا تقدير ويسبوها وانا الوحيده اللي ساكنه معاها بالبيت وياهم اخواني الباقيين كبار وتزوجو وكل واحد لاهي بحياته تعبت من كثر ماشوف امي تعاني ومن زمان وهي تترجا ابوي انه يقسم البيت بس ابوي مايريد مرات تصيح تقولي يوم انتي تتزوجين وتطلعين من البيت بقعد معاهم لحالي عالاقل انتي يابنتي كنتي ادافعين علي منهم عشان عيالهم ما يظايقوني كنتي تصارخين عليهم وانا لا لي حيل ولا قوه
امي والله مسكينه ظعيفه ماتعرف ترد على احد تحسوها خلاص من كثر الظلم اللي شافته صارت ما تتكلم بس انها تدعي ربها وبس وهذي زوجة ابوي مستوليه على البيت كله هي وعيالها وخلة ابوي طرد اخوي الكبير من البيت عشانها وراحت هي سكنت في غرفته
ابوي وايدظالم امي وااااااااااااااااااااااااااايد وااااااااااااااااااااااااااااااااااااااااااايد وااااااااااااااااااااااااااااااايد مسويها كانها مب زوجته حتى المعاشره ما يعاشرها وعمره مارقد عندها من بعد ماتزوج الثانيه وصارت تكرهه فينا لين ماكرهني انا واخواني واحد ورى الثاني صرنا كاننا اعدائه مب عياله انا عارفه كل شي لني ساكنه في البيت معاهم واسمع باذني اسمعها يوم تكرهه في اخواني وامي وانا ويوم يجي احد من اخواني يزورنا هي وابوي يبتدون النفاق يقعدون يبينولهم انهم وياهم اوكي وهم من داخل كارهينهم واختي الكبيره اللي عمري ماحسيت بقربها مني معاهم وظد اخوانها وامها صرت خايفه محتاره خايفه على امي كيف تقعد معاهم لحالها افكر في حل مره قلت بروح الشرطه ببلغ على ابوي مب كفايه انه كان يظربها ويهينها قدام عيالها وتحملت عاشت معاه بغرفه وعانت معاه لين ما اخذ هالبيت وعقب يتزوج عليها وحده يخليها تستولى عالبيت كله اللي امي شقت وتحملت عشانه هذا مب ظلم شو اسوي صدقوني ابوي ما يكلمني لا تقولولي كلميه مقاطعني بسببها ومقاطع امي ومايسمع رمسة اخواني حتى السلام يوم اسلم عليه بس يمد يده بدون نفس وحتى ما يطالعني مايطالع عيوني ما يبا يشوفني حتى مرات ادخل غرفتي اصيح اقول لهالدرجه كارهني وجاب خدامه للبيت هذيك قعدت تزن باذن الخدامه عسب ما تسوي لامي شي لين ما استولت عالخدامه بعد والخدامه صارت اطول لسانها على امي بس انا ماخليتها وقاطعنا الخدامه بعد تعبت نفسيتي تعبت صديقاتي يقولولي انتي عروس داخله عزواجه افرحي زهبي عمرج وانا عقلي كله تفكير وهم القاها من وين ولا من وين خاطري اسعد امي خاطري اعسيشها ببيت لحالها ملكها مب قادره اسوي شي خاطري اوفر لها كل اللي تباه بس مب قادره اسوي شي لن بروحي مب حيلتي شي لا تقولولي اشتغلي من بعد ماظاع مستقبلي ماصرت انفع اكمل شي ولا اشتغل ويوم ملجت زوجي مايباني اشتغل ولا تقولو اقنعيه لنه مايقتنع قبل كانت امي عندها فرن قديم خذته من اختي من بعد ماستعملته عطته امها الله يسامحها وكان خربان كنت كل مره يوم اشوف امي متحملته ومحد راظي يجيب لها شي كان قلبي يعورني لين ما انا جمعت من مصروفي ورحت شريت لها واحد يديد بس يوم شافته حسيتها طارت من الفرحه يوم شفتها فرحت انا دمعت عيوني حسيت اشقد هي محتاجه اشيا بس ما تتكلم فرحت لاني فرحتها وماهمتني فلوسي مع اني كنت محتاجه اشيا ازهب فيها عمري لزواجي لن ابوي اخذ مهري كامل ولا عطاني منه درهم عشان كذي احوش من عندي تعبت يابنات شو اسوي قولولي ساعدوني كان خاطري اجيب لها خدامه تساعدها بكل شي بس بروحه ماعندي شي والخدامه يبالها فلوس بالالاف بس عشان تجي
شو رايكم بهالمشكله اللي تعور القلب