يمكن انا مكتئبه؟؟؟؟؟؟ ساااااعدوني

أم جــود 03-12-2008 18 رد 1,053 مشاهدة
أ
مرحبا عرايس انا عندي مشكله وماأعرف شو اسوي
انا عمري 22 ومتزوجه من سنه و4 شهور وعندي توأم ولد وبنت
يعني حملت بعد 3 شهور من زواجي , وعمر العيال 5 شهور
بس انا لين احين مامتقبله الأمر:( انه انا صرت ام ولتوأم , نفسيتي
تعبانه , كا افكر لو ماعندي عيال احسن , ابدا مب حابه العيال ما أعرف ليش , ومااحس انه في علاقه امومه بيني وبين عيالي , انا اصلا ما كنت ابا احمل بي غلطت في منع الحمل وصار الحمل , ويوم كنت حامل كنت اقول حق امي انا 10 سنوات مابييب عيال , بس احين اقول طول العمر ما أبا عيال , ولدي جدا متعبني لين احين ماينام لا الليل ولا نهار وطول الوقت تقريبا يصيح , وكله يباني اشله , حتى علاقي بريلي صارت مب حلوة , انا كله معصبه , وما اطيق كلمه منه , ما اقدر اطلع اغير جو , ولا احضر مناسبات ولا اي شي حلو, احس الحياة صارت سوده في ويهي , والله والله أحسد الي ماعندهم عيال, اقول الله يحبهم علشان جي ماعطهم عيال علشان يستانسون في حياتهم,امي تقول العيال نعمه بس انا اقول عيالي نقمه لما ولدي يصيح وماأعرف شو اسوي معاه افكر انتحر , عندي بس امي تساعدني في تربية بنتي بس الولد عندي ,ساعات افكر ليش كل الأمهات يحبون عيالهم الأ انا ما احب عيالي, والله اقول لو ماتو عند الولاده كان احسن , ما أعرف يمكن انا مكتأبه؟؟
ساعدوني الله يخليكم , سواسوي شو الحل؟
:(:(:(:(:(
د
حبيبتي ليش جذي تفكرين ؟

الله يقول :الْمَالُ وَالْبَنُونَ زِينَةُ الْحَيَاةِ الدُّنْيَا [الكهف:46].

العيال هم اللي يزينون حياتنا .. يمكن لان انتي صغيره .. و حاطه في بالج ان انتي ما بتيبين عيال اول ما تزوجين وصار العكس .. عشان جذي مضايقه ..

وما توقع مافي ام ما تحب عيالها .. يمكن انتي تتصورين عكس هالشي .. يعني اتوقع لا سمح الله صار في احد منهم شي ... بتهتمين فيه و بتقعدين تحاتين وتفكرين شلون تريحينه ..

ونااس يتمنون واحد و انتي ما شاء الله عندج اثنين قولي الحمدلله على كل حال و لا ترفسين النعمه ..

وبعد في شغلة ترى عيالج امانه في رقبتج ولو صار فيهم شي .. راح تكونين انتي محاسبه عليه جدام ربج و جدام الناس .. وسالفة الانتحار .. انتي ترضين تجوفين عيالج متغربلين ؟؟ بدون ام بدون اي احد يهتم فيهم ..؟؟!

انا اجوف اليتمى قلبي يعورني عليهم .. ماعمرج فكرتي بحالتهم لو انتحرتي لا سمح الله ..

بعدج انتي صغيره و الحياة جدامج حبيبتي و لا تخربينها .. يمكن حالة كآبة بسيطه لان انتي كنتي متخيله حياتي بعد الزواج شي بس الواقع شي اخر ..

انصحج .. تقرئين قرآن .. وتكثيرين من الادعيه ان الله يحبب قلبج على عيالج .. و لا تخلين هالشي يخرب علاقتج بزوجج ..

وطمنينا عليج
n
حبيبتي حمدي الله و شكريه لان رزقج بهالكتاكيت الحلوين ... غيرج ذابحين نفسهم على طفل و انتي مــــــا شـــــــاء الـــلـــه تــبــارك الــرحــمــن رزقج بتوأم و مو راضية ؟؟؟ و شلون تقولين لو ميتين بالولادة احسن ؟؟؟ تدعين على اطفالج إلي هم قطعه منج بالموت ؟؟؟ استغفري الله حبيبتي ... و اذا على الطلعة و الونسة لاحقه حبيبتي ... فترة و تعدي ... كل الامهات يتعبون بالبداية ... بس ينسون كل التعب من يشوفون اولادهم كبرو ... و الحمدلله امج تساعدج ... حاولي مرة كل اسبوع تخلين الكتاكيت عند امج و تسوين قعدة رومانسية لزوجج و كسري الروتين ... و اوصيج بالاستغفار و قرائة القران و الرقية لان احتمال عين صابتج لان مو معقول إلي صاير وياج ... و إلي اعرفه الكآبة إلي تصير بعد الولادة ما اطول كثير بس كم يوم و انتي تقولين صار 5 اشهر من ولدتي .
N
قولى الحمدالله على نعمه الذريه يا اختى غيرك محروم منها ويقعد بالسنوات يحاول ينجب بس ممكن تكونى انتى من الضغط مو متحمله المسؤليه بس بعدين رح تتعودي ان شاءالله
e
يا اختي الله يكون في عونك بأحساسك انك حاسة بموقع مو مرتاحة بيه

بس انتي الحمد لله عندج نعمة كبيرة وكل امرأة تتمنى تصير ام وتصرف ملايين من الفلوس حتى تقدر تولد

وانتي اجتج النعمه الى عندج صبري واتحملي وان شاء الله همه بس يكبرون شويه راح ترتاحين وتشوفين حياتج وانتي بعدج صغير بلعكس اصلا مافي احلى من هيج اولادج يكبرون وياج يعني لمه تكونين ام وانتي صغيرة راح تحسين انج اصغر في ناس تولد وهيه عمرهة 30 سنة واتخيلي الفرق

فكري بلنعم الي عندج وقولي الحمد لله ربنا كملهة لج زواج واولاد وانتي في سن صغير انتي شايفه حال البنات والوضع وانتشار العنوسه والبنات الي تزوج وهيه كبيره قولي الحمد لله واستغلي هذه النعم وراح تشوفين شلون ربنا يحبج وانطاج كل هذه النعم ويمكن تكون امتحان الج على شكرج لنعم الله


اختج اسراء
ا
حرام عليج احمدي الله ولاتفكرين بهالاشيااا اللي مالها داعي،،
ح
الله يفرج همك وكربك
هدي على نفسك وفكري فيهم من ناحيه انوا التعب واحد وبكره يكبروا وتشوفي كيف يسيروا حلوين مع بعض

انا اتوقع انه اكتئاب لانك من كل ناحيه مو سعيده
امسكي اعصابك ولا تتنرفزي حاولي تخلي احد يساعدك و ينتبه لهم شويه و انتي وزوجك اخرجوا مع بعض...

لمن يناموا اهتمي في نفسك البسي ورتبي شعرك وحسي انه دا وقت لكي انتي ..

واقرئي قران وادعي الله وحصني نفسك واولادك يمكن عشان تؤام ماشاء الله جاتك صيحه من احد..


والصغار يبكوا من المغص عاده.. اديلوا نقاط قليله ماء زهر مع الرضعه وممكن عسل وشويه كمون انخلي بمصفايه ناعمه واخلطي مع العسل..وشويه براس الملعقه اديهم هيا وبعدها ماء ..

ان شاء الله يهدوا وانتي نفسيتك تتحسن وتكوني في احسن حال
انا مثلك بعد الولاده اكره نفسي واولادي وكل شئ احس اني لحالي ومحد حاسس بيه وبس ابكي.. عشان كده حاسه بيكي ...

احمدي الله واشكريه ولا تكثري من الكلام الا في نفور من وجودهم في حياتك عشان لاسمح الله بعدين ربنا يعاقبك بشئ ماتقدري عليه...الله يريح قلبك

نسمع عنك اخبار طيبه ان شاء الله
د
ياختي تعوذي من ابليس واحمدي ربك ع النعمه الي معطيك ولد وبنت ززززززززززززززززززززززززززينت الدنيا
ح
الله يهديج يا اختي
انتي عندج نعمه من رب العالمين انا ميته ابي اشم ريحه ياهل ابي احمل :ss:وقاعده اسوي المستحيل علشان هالنعمه الي انتي رافضتها استهدي بالله الله يهديج يارب
ماادري ليش الي يبي هالنعمه ما يحصلها والي ما يبيها يحصلها من غير اي تعب :ss: اعوذبالله
ربي لا تذرني فردا وانت خير الوارثين :(
u
عزيزتي ..

كأنك تتكلمين عني من بدايه ولادتي وحملي .... وكنت اموت واحيا لمن بنتي تصيح ولا تنام..

بس غاليتي ما في ام تكره عيالها .. اعطيكي معلومه مفيده ان اكتئاب ما بعد الولاده يستمر لمده سنه ..وهالشي لمن يتعدى ويوصل لكره اطفالك وتمني لهم الموت . يعني انتي محتاجه استشاره نفسيه ..وهالشي مافيه عيب .. ولا شي ..

اختي لمن يكبرون عيالج ويصكون السنه ان شاء الله او اول ما يبدون يحبون .. بتشوفين حلاوتهم وشكثر هم نعمه ... اختي استغفري الله وربيهم ترى هم هديه كثير محرومين منهم لمتى بتستانسين.. سنه سنتين .. لو الله حارمج كنت بتملين من حياتج.. اساس الزواج هو تأسيس عائله .. ولا كان هدفك بس الخروج من البيت والاستمتاع..!!

ان شاء الله لمن يكبرون عيالج .. تقدرين تستانسين بنفسج وكل ما يكبرون كل ما بتأقلمين مع الوقت وتقدرين تخليهم لو مره بالشهر مع امك وتطلعين وتستانسين ... اختي لو ماتو يا سمح الله انتي الي بتموتين ,, وصدقيني هالشي صادني لدرجه كنت اتمنى اقط بنتي من يديد ايام الاربعين عشان تموت , واول ما يصدها شي اشهق واصيح دم..

والحين اطالع الله واطالعها ووكاهي عمرها سنتين واحس ان الله استجاب لدعائي يوم كنت ما ابي يهال والحين احاول وما قعد يصير .. وللحين مؤمنه ا ن ان شاء الله بحمل ... ولازم الواحد يتحذر من الكلام الي يقوله لان يمكن يكون كلامك في فتره استجابه الدعاء...

الله يهون عليج وعشان اقولج تخفف عليج الامور خليهم لو ساعه عند ام ريلج او امج وروحي سوي اي شي تحبينه .. ورجعي لهم حتى لو ساعتين .. حتى لو تروحين تسوين تنظيف بشره مساج اظافر.. اي شي ..

تحياتي لك

ام جنى
ا
اختي

انتي ما تكرهين عياالج
بس اكيد هذا اكتئااب ما بعد الولااده وهذا الشي طبيعي

تعووذي من ابليس ولا تخسرين حيااتج
حااولي تجددين من حيااتج واتركي عياالج ما امج ليووم وااحد علشان تجددين طااقتج للاياام البااقيه
او حااولي تتطلبين من زوجك المسااعده

الله يعطيج الف عاافيه
تحيااتي
ش

رب هب لي من الصالحين وبشرني بغلام حلييييم .. حبيبتي انا لي سنتين ونص وانا احاول احمل وماربي كتب .. وكثييييييييير مثلي هاذي نعمة غيرج يتمناها الله رزقج الزوج والولد والبنت وانتي صغيره

اشكري الله على هاذي النعم .. انا متأكدة انج تحبين اولادج لانج ام ومافي ام تكرهه عيالها بس انتي التغير الكبير اللي صار لك من بنت اللي متزوجه الى ام لطفلين صار صعب عليك وايد ومسبب لك صدمة تحول سريع جدا ما مداج تتأقلمين

خلي اهتمامج بعيالج كشخيهم وحني وربيهم احسن تربية وهذا هدف كل فتاة في هالدنيااا لان الله فطرنا على هالشئ ...

آخر شئ اقولج اياه استغفري دووووووم دوم والله بيحسن الاحوال وبيغير النفسيه بإذنه جل وعلى
m
لا حول ولا قوه الا بالله..هو في احلي من انك تشوفي اولادك حواليكي....
يا بنتي انتي بس علشان ربنا رزققك عي طول ومعشتيش الالم اللي بتبقي الزوجه والزوج والاهل كلهم فيه
في حاله تاخر الانجاب..ربنا سبحانه وتعالي اكرمك بالنعمه دي...
المال والبنون زينه الحياه الدنيا
دا شئ طبيعي وغريزي ..بس انتي هتلاقيكي حسه الاحساس دا لان ربنا رزقك بتوام ودي طبعا مسؤليه صعبه جداااااااااااا..وكمان انتي سنك صغير..وحسه انك معشتيش شبابك..بص صدقيني
دي احلي حاجه في الدنيا. استمتعي بولادك وبتربيتهم وهما صغيرين كدا دا سن حلو قوي
دي لوحدها متعه فعلا........ربنا يهديكي ويكرمك انشاء الله
ق
اختي يمكن صادج اكتأب مابعد الولاده راجعي المستشفى والله احسن حل

لان اذا تطورت المشكله توصل للقتل لا سمح الله

..

انزين ليش ماتاخذين البنت وتخلين الولد عند امج

ربي يساااعدج ان شالله

والتوئم شي وايد حلووو .. ربي يرزقني بتوئم مثلج ^^
ع
انا متزوجه من 4 شهوور وقاعدين نحاول وانتي تقولين جي

حرااااااااام عليج

العيااااااااال نعمة .. وانا انصحج انج تخلين العيال مو بس يووم .. على الاقل 3 ايام عند الوالده وتردين شوي علاقتج مع زوجج وصدقيني بتجوفين روحج حنيتي لصياحهم في البيت وربي يحنن قلبج عليهم يااااااااااارب

وربي يسعدج وتجوفينهم يكبرون جدام عيونج والله يبلغج فيهم يارب

تقبلي مروري
أ
مشكورين صبايا على الدعم ,,,,,,,,,,, انا اقول لأمي انا مكتئبه ومب حابه الحياة بس هي تقول انتي دلوعه ( لأني انا وحيدة امي وما انحطيت في مسؤليه كبيره ابدا ) وانا طبيبه ذبحت نفسي علشات اصير دكتوره بس احين ما اقدر اداوم لأن ولدي كله سهران ويصيح ,,,,,,,,,,,, وريلي ابدا مو متفهم معنى الأكتئاب وامي ماتقدر تاخذ الأثنين لأن هي مريضه بعد بس لأنها اتشوفني انا تعبانه اتحاول اتساعدني ,,,,,,,,,,,,ارجوكم لأتنسوني في دعاويكم ,,,, ارجوكم,,,,,,, انا اكتب لكم وانا اصيح
s
السلام عليك اختي كل ما اريده قوله لك هو ان كل ما تمرين به و عند اغلبية و هو اكتئاب ما بعد الولادة .فهده الحالة تصيب تقريبا اغلب النساء بعد الولادة الا ان الاختلاف يكمن في حدته و مدته فهدا مرتبط بطبيعة كل امراة. ربما ولادتك جاءت في وقت انت لا ترغبين فيه بدلك و هدا ما زاد من حدة المعاناة عندك و انا انصحك اختي اولا بالرضا بالقضاء و القدر و تحمدي الله علئ نعمة الخلفة ان غيرك لا يجدها و من يضمن لك انك لو كنت اخرت الخلفة انك كنت ستنجبين فكم من مشاكل تقع بسبب تاخير الانجاب الئ مدة معينة و هدان التوامان هديتان من ربك الكريم و امانته عندك الا تقبلين هدية خلقك لك ا ترضين ان تفرطي في امانته عندك و تهميليها.
تانيا اختي ان كنت تحسين بهده الاعراض فهدا دليل علئ اكتئاب حاد يلزمك مراجعة طبيب حتئ تمر المرحلة بسلام و هاته الاعاض هي:

- عدم القدرة على النوم أو النوم الكثير بصرف النظر عن استيقاظ الطفل.
- تغير في الشهية بحيث تعاني من قلتها أو نهم شديد للأكل.
- اهتمام وقلق بالغان على الطفل أو إهماله.
- الإحساس بعدم القدرة على إعطاء الطفل وأفراد الأسرة الآخرين ما ينبغي من حب ومودة.
- الإحساس بالغضب ناحية الطفل أو أفراد الأسرة الآخرين.
- التوتر الشديد أو نوبات من الذعر.
- إحساس الأم بأنها تريد إيذاء الطفل، وتخوّفها من أن تُترك وحدها مع الطفل لهذا السبب.
- إحساس بالحزن أو البكاء المستمر.
- صعوبة التركيز أو التذكّر.
- أحاسيس الذنب أو الشك أو العجز أو اليأس أو القلق.
- الكسل أو الإرهاق الشديد.
- فقدان الاهتمام بالهوايات والأنشطة التي عادة تسعدها.
- تأرجح الحالة المزاجية.
- الإحساس بتخدير المشاعر أو اللامبالاة.
- فقدان الإحساس أو التنميل في الأطراف.
- التفكير كثيرًا في الموت أو التفكير في الإقدام على الانتحار.
- أعراض الوسواس القهري.
في الاخير اتمنئ اخت ان تكتري من لاستغفار و قراءة القران و ان تهتمي بزوجك و اعلمي ان هاته المرحلة مؤقتة و سوف تصبح دكرئ عندك انشاء الله لكن لا تهملي نفسك و اهتمي بيبيتك و اطفالك و اشكري الله و احمديه علئ نعمته عليك و فضله.
ابعيدي فكرة الانتحار عن عقلك لانه لو كان حلا لنتحر العلم كله فعداب الدنيا كيف ما كان اهون مليون مرة من عداب الاخرة و انت اعلم مني عن جزاء من يقتل نفسه فنحن لم نخلق الروح فيها حتئ نضع حدا لها. اتمنئ من الله ان يشفيك و يعافيك من كل داء يؤديك و الله خير الشافين. مح تحياتي لك اختك في الله.
ر
أم جــود;7968163:
مرحبا عرايس انا عندي مشكله وماأعرف شو اسوي

انا عمري 22 ومتزوجه من سنه و4 شهور وعندي توأم ولد وبنت
يعني حملت بعد 3 شهور من زواجي , وعمر العيال 5 شهور
بس انا لين احين مامتقبله الأمر:( انه انا صرت ام ولتوأم , نفسيتي
تعبانه , كا افكر لو ماعندي عيال احسن , ابدا مب حابه العيال ما أعرف ليش , ومااحس انه في علاقه امومه بيني وبين عيالي , انا اصلا ما كنت ابا احمل بي غلطت في منع الحمل وصار الحمل , ويوم كنت حامل كنت اقول حق امي انا 10 سنوات مابييب عيال , بس احين اقول طول العمر ما أبا عيال , ولدي جدا متعبني لين احين ماينام لا الليل ولا نهار وطول الوقت تقريبا يصيح , وكله يباني اشله , حتى علاقي بريلي صارت مب حلوة , انا كله معصبه , وما اطيق كلمه منه , ما اقدر اطلع اغير جو , ولا احضر مناسبات ولا اي شي حلو, احس الحياة صارت سوده في ويهي , والله والله أحسد الي ماعندهم عيال, اقول الله يحبهم علشان جي ماعطهم عيال علشان يستانسون في حياتهم,امي تقول العيال نعمه بس انا اقول عيالي نقمه لما ولدي يصيح وماأعرف شو اسوي معاه افكر انتحر , عندي بس امي تساعدني في تربية بنتي بس الولد عندي ,ساعات افكر ليش كل الأمهات يحبون عيالهم الأ انا ما احب عيالي, والله اقول لو ماتو عند الولاده كان احسن , ما أعرف يمكن انا مكتأبه؟؟
ساعدوني الله يخليكم , سواسوي شو الحل؟

:(:(:(:(:(




حبيبتي ليش كل هذا انتي ربي رزقك اكبر نعمه احمد ربك غيرك يدفع الالآف ويخسر عمره علشان بيبي واحد ؟؟
استغفر ربك ومثل مالله رزقك قادر يأخذهم منك بلمح البصر

احمدي ربك واشكريه

وبعدين هالعزايم والطلعاااات جيبي لك مربيه أوخدامه تشيلهم عنك

وع زوجك اذا استمرتي كذا بيتزوج عليك وانتي الخسرراااانه

اخذي الدنيا ببررووووووود مافي شئ بيطير عيالك اهتمي فيهم واهتميء بعمرك خلي شكلك نظيف ع طوووول علششان زوجك واشتري لهم كرسي هزاااز اواي شئ انا بصراحه مالومك انا عندي بنت 5شهور مثلك ومنهد حيالي بس مستحيل اخلي زوجي يشوووفني مبهذله




الله يوفقك ويسعدك
ح
سبحان الله
انتى ام
ودول اولادك
الامومة مش بالطلب ولا حب اطفالك واهتمامك بيهم بالطلب دى غريزة
انا مستغربة
بس يمكن لان حياتك اتغيرت شوية وانتى مش متعودة على الوضع الجديد
بس صدقينى انا مريت بالاحساس ده
انى خلاص الحياة توقفت وانى دورى فى الحياة هة انى ارضع واغير البامبرز للبنت واقعد اشيل والاعب وهى تعيط
لكن دلوقتى هى كبرت شوية وبقى عمرها 10شهور
وبقت عسل ومش متخيلة انها ممكن تبات بعيد عن حضنى يوم واحد
وان هى اغلى عندى من نفسى

بس مجرد ما تتعودى على الوضع وتشوفى اولادك بيكبرو ويمشو ويلعبو ويضحكو هتحسى ان الدنيا كلها متساويش دمعة من عين طفلك
X