كيف الحال ؟ ان شاء الله الكل بخير و صحة و عافية
بنات حبيت اليوم أخبركم بقصة ولادتي ببنتي الغالية أبرار :)
طبعا ً آنة أراجع مواعيدي عند الدكتورة منى الشرقي ومن أول زيارة لها في الشهر الثاني خبرتني أني راح اولد قيصري بحكم وجود الألياف الرحمية .. المهم تابعتني للشهر الثامن و بعدها قررت تحويلي لأستشاريين الطب الخاص في مستشفى السلمانية الطبي حتى يتابعوني عن كثب و يحجزون لي موعد في حالة عدم نزول الراس في أسفل الحوض ..
و بالفعل الراس ما نزل و قررت لي الدكتورة الأستشارية حجز موعد لأجراء عملية قيصرية بتاريخ 30\10\2008
ويوم الأربعاء تاريخ 29\10\2008 ترقدت في المستشفى و دكتور جاي و دكتور طالع و اسئلة طويلة عريضة ما لها اول و لا آخر و فجر الخميس الساعة خمس إلا ربع جتني ممرضة عطتني ملابس عملية و طلبت مني البسهم حتى تسوي لي حقنة طبعا ً لبست الملابس و سوت لي حقنة تنظيف ذبحتني فيها خلتني اصارخ و ازعج كل الي بالجناح و سوت لي قسطرة بول هلكوني قبل العملية :confused:
و الله حزتها حسدت كل البنات الأميرات عند اهاليهم .. على كل ٍ جت الساعة ست و نص و الا امي و ابوي عندي و بعدها جا زوجي و بنت خالته و خالته وطلبوا منهم يطلعون برى الغرفة لأن راح ياخذوني لغرفة العمليات و لبسوني القبعة الخضرة و غطوا راسي بفوطة و طلعوني و عيوني ما تفارق السقف ( أتابع قراءة اللافتات ) :ss:
و ابوي كان يخفف عني و يقول لي لا تخافين راح تتبنجنين و ما تحسين بشي ..... ما يفيد هالحجي لأن الخوف تملكني و قضى على نفسيتي :(
وصلت وحدة المخاض و الولادة و دخلوني غرفة .. شفت الكادر الطبي ينتظرني من اطباء و ممرضات و بعدها شفت دكتورتين يقررون كيفية وضع العملية عن طريق الالتراساوند بحكم وجود الالياف فيني و اخيرا ً خبروني أنه راح يشقوني بشكل عرضي و اذا حسوا انه راح تنجرح الالياف راح يشقون شق ثاني بشكل طولي وقتها نفسيتي كانت زيرو و هزيت لهم راسي أني موافقة على العملية و عطوني ورقة اوقع على موافقتي و وقعت و طبعا زوجي كان موقع من قبلي ..
المهم اخذوني لغرفة العمليات و شفت الكادر الطبي كله لابس الزي الاخضر و الغرفة كاااااااانت بااااااااااااااااردة موت و شفايفي تهتز من البرد و الخوف و جسمي يرتجف فقلت لهم بصوت عالي بموت من البرد قالوا لي راح نعطيج ابرة في الظهر و بعدين راح تدفين و بالفعل عطوني الابرة بعد اربع محاولات بائت بالفشل و في المرة الأخيرة نجحت و لله الحمد ..
حسيت بحرارة تسري في الرجلين إلى ان حسيت بالتخدير و طبعا كان التخدير نصفي لان الاطباء رفضوا يسوون لي كلي مادري ليش المهم بعدها قلت لهم مو تلمسوني الحين انتظروا مفعول الابرة قالوا اكيد
طبعا ً وحدة من الكادر خلت يدها فوق رجلي صر خت عليهم مو تشققوني ترى بعدي احس قالوا لا تخافين ما راح نلمسج الحين و بعدين لمن حسيت نص جسمي تخدر وما احس فيه ابتدوا شغلهم طبعا ً احس بأشياء تلمس بطني بس هذا اللمس غير مؤلم
احس بشي يمشي على بطني مثل ما قلت لكم بس غير مؤلم
عاد انة من خوفي قلت احس بشي حاد على بطني .. جاوبتني الي عند راسي لا تخافين بعدهم ما اشتغلوا فيج و انة نص مصدقتها و نص مجذبتها لان احس بشي و ما احس بشي المهم و الا شوي و شفت ممرضة حاملة طفل و ماخذته بغرفةشبيهة بتواليت المهم و بعد دقايق اذا مو ثواني و جاية لي تقول لي Its a girl
شفتها :eek: مااااااااني مصدقة أن هاي بنتي لأن الي عند راسي قالت ان الكادر الطبي ما اشتغل فيني و غير هاي ان البنت كانت جميييييييييييييييييلة ما شاء الله وما فيها أي شبه مني حسيتها نيو لوك :D
نفسيتي اتبدلت 180 درجة تمالكت نفسي شوي و خفت الرجفة شوي مو وايد و حسيت اني ابي لطلع من العمليات بسرعة حتى اشوف اهلي و يطمنون علي و بعد ما خلصوا من خياطتي طلعوني لغرفة المتابعة كانت مدة ساعة و لمن طلعوني شفت اهلي ارتحت اكثر و حسيت بألم ما بعد العملية و طبعا مسكن و عطوني ابرة خدرتني بس كنت صامدة ما نمت ابي اشوف فرحة اهلي في الياهلة :o
و يا ربي تسهل على كل حامل و ترزق كل محر ومة الذرية الصالحة :)
