كل سنة وانتم طيبين وباحسن حاااااال
حبيت اوريكم افكاري البسيطة لعمل توزيعات العيد وكروت العيد للاطفال
انا متعودة كل سنة انا وبنت خالتي سمسمة( سدرة المنتهي )اني اخد معايا في صلاة العيد حلوي وشيكولاتة اوزعهم علي الاطفال بعد الصلاة
فالسنة دي قولت ليه معملش الحاجات دي بنفسي فقولت اجرب واشوف رايكم
حاولوا تجربوا تجيبوا توزيعات وتفرقوها في الصلاة
انا فعلا بحس بمعني تاني وانا في الصلاة وسط التكبير والتهليل احاسيس فعلا رااااائعة ومبحسش بالعيد الا وانا في الصلاة وسط اصدقائي و قرايبي وجيراني ومعايا التوزيعات
احنا الاول كنا بنبدا بمبلغ قليل جدااااااا
بس بعد كده بدانا اننا نجيب احسن من السنة اللي قبلها
الادوات
مقص
ده مقص الاطفال لو فيه اطفال هتشتغل معانا
دبابيس ورق
الوان جليتر
اقلام
دباسة
صمغ
ورق مقوي(كارتون)
ملبس وشيكولاتة
شرايط
الوان عادية
الخطوات
بنرسم بالقلم الرصاص مربع علي الورق
بنقص المربع
بنلفه علي شكل اسطوانة
ندبس الطرفين العلوي والسفلي للاسطوانة او نلزقهم بصمغ
زيادة تاكيد نلزقها بالصمغ
من الطرفين
بنحط دبوس ورق في النص عشان يثبت اكتر
بنحط الملبس او الشيكولاتة
وبنقفل الطرفين العلوي والسفلي بالصمغ
بعد ما حطينا الحلوي وقفلنا
بندبس الشرط في الاسطوانة
وبنشده بالمقص نعمل الشريط ملولو
