اخر تطورات موضوعي..طلبنا الطلاق ولكن

شيخة الخليج 30-11-2008 33 رد 1,542 مشاهدة
ش
مراحب

مثل ما تعرفوا يا بنات انا صارلي شهر وزوجي ما اتصل ولا سأل عني
واليوم رسلتله مسج طوييييييل نهايته ان خواتك وخواتي بيدخلوا بيوتهم مع عيالهم وبيسكروا على عمرهم وبنبقى انا وانت وانا قلت يا تدخل تتناقش وان رفضت تيجي تطلق

تخيلوا شهر كامل ما كان يتصل ولا يرسل واليوم رد قالي اياك تراسليني مر2 وانا اصلا قايل لعمك اني اريد انهي الموضوع قبل يومين صحيح ما كذب بس عمي ماتكلم بالله عليكم اللي يريد يصلح مش المفروض يكون صريح عموما قلتله طيب تعال طلق هالاسبوع قالي بطلق بس ليش خايفة تريدي حد يخطبك قبل العيد وليش تريديني اتناقش معاك عشان انتي وامك تسوولي فلم ماهي كلمه بس قلتله طيب تعال طلق جاء ياخذ بنته وهو مرجعها سبحان الله ابوي كان طالع وتكلموا مع بعض وابوي قاله الرجل ماله غير زوجته والمراة كذلك ووووو قاله طيب ممكن اغير رايي ابوي قاله اياك تستشير حد فكر ورد علي من تكون جاهز


لكن

للاسف ابوي قاله اذا رجعتوا لازم تنسى الماضي قاله ما اقدر وقاله امي قالتلي اياك تتخذ اي قرار او تروح لبيت خالك من غير ما تستشيرني يعني ما زال يسمع لامه وقال لابوي انا احس ان بنتك طلعت من قلبي وان مادام حرمة بتفرق عيلتين احسن اطلق يعني ايش عيلته اهم من ام بنته

كثير انجرحت مع اني انا اللي رسلتله اني قررت الطلاق بس يوم رد علي انه هو اساسا قال لعمي انه يبي يطلق حسيت ان رجولي مش شايلتني من الصدمة

بس في نفس الوقت ما ابيه خلاص احبه بعدني بس ما ممكن اتخيله زوج مرة اخرى

ايش رايكم هل انا غلطانه وانا تغاضيت عن كثير من الامور وطول هالفترة كنت احط حسناته فقط حتى اقدر اسامحه بس للاسف زوجي ما بيتغير تفكيره الاهبل

ما عارفه ايش اريد بس عارفة ان العقربه امه تدخلت وبتتدخل
أ
أنا ما أعرف الموضوع بالضبط ما أقدر أعطي رايي وانا ما عارفه صلب الموضوع منو الظالم ومنو المظلوم............

بس للي اقدر أقوله عن الطلاق بتندمي واااااااااااااااااايد عليه خاصة لأن عندج بنت منه وبتضيع ما بينكم فحرام تخلقوا هالجو عليها

في أساليب لكسب العمة حاولي فيها قدر ما تقدري ما حبيت فكرة الطلاق لأن الطرفين يحب بعضه لمسة من كلماتج إنج تحبيه وما تتخيليه مع حرمة غيرج وهو يحبج لو ما كان يحبج كان تسرع في اجراءات الطلاق

حاولي تكسبي زوجج كلمة مطلقة ما تنرحم فهالمجتمع

عندج اساليب عجيبه تفنني استخدميها عندج ذكاء اكسبي زوجج عندج اسلوب غيري أمه عندج نعم كثيرة إنسي الماضي ونسيه الرجال ينسى بسرعه

دزيله مسج غراااااااااااااااااااااااامي وصدقيني بينسى كل شي يمكن الريال محتاج كلام حلو فهالوقت

صح بعتب عليج فشغله صارت وانهت ما يفيد الندم عليها كان ما طريتي سالفة الطلاق على لسانج هو يعاندج على كذيه يمكن أثرت فيه هالكملة


لي رجعة على موضوعج

أن شاء الله ما تزعلي من وجهة نظري
ش
الموضوع اني طلعت من بيتي قبل شهر بعد ما شتملي اهلي وقالي امك نمامة وفاسقة وطول هالفتره ما سأل عني ابد انا جبت طاري الطلاق صحيح بس هو قبلي بيومين قال لعمي انه يبي يطلق

وفكرت فيها بعد لو يبي يطلق ماهي كلمه يقولها بس هو يا انه يبي الناس تعرف انه هو اللي ما يبيني او انه ما يبي يطلق بس ما ادري تراه بعدنا عن بعض شهر وهذا كفيل يسبب الكره ووالله ان جرحني يم قال لابوي انها طلعت من قلبي وان ووصفني بالحرمة اللي ممكن تدمر عيلتين واقسم بالله العلي العظيم ما عمري تدخلت بشوؤن امه ولا اتكلم كثير طبعي هادي
وقهرني يوم قالي انه امه مانعته يتخذ اي قرار من دون ما يستشيرها يعني ولد امه ماهي السبب في طلعتي بعد


تحملته 6 شهور تحملت فيها انه يمنعني عن خواتي ويمنعني اقبل اي شي من هلي اي شي
أ

لازم تكون هناك جلسة مصارحة بين العيلتين وإذا ما صار بين الزوجين كل واحد يقول للثاني باللي خاشنه (كابتيين أشياء ونفجرتوا فجأة)
أولا ما له حق ريلج يسب أمج أبدا على أي أساس ؟ شو خلاه يسبها وينعتها بنمامة ماسك عليها شي إذا ماسك شي يقول ..................
ليش مانعنج عن أهلج شو السبب هناك مشكله؟؟؟؟؟؟
حاولي تعرفي شو فيه ريلج شو اللي خاشنه عنج

أمه شو دخلها بالموضوع وين استقلاليته في اتخاذ قراراته الشخصية؟
دقي حق ريلج وناقشي الموضوع ولاتخلي حد يدخل بالأول


بسألج إنتي فاهمة زوجج؟
تحبيه؟
تريدي بيت اروج؟
كيف تتعاملي مع المشاكل تزعلي وتروحي بيت اهلج ولا تعالجيها بطريقتج؟
ريلج كيف اسلوبه معاج؟
يحبج؟
يقربلج؟
عصبي؟
يحترمج قدام أهله؟
يقعد وايد فالبيت؟

إذا كان كل أسألتي فيها ايجابية يعني الريال شي فيه مغيرنه عليج
إذا سلبية فالبدايه اساسها مش صح

والله يسخركم لبعض إذا كان خير لكم
ر
ياعزيزتي عالجي موضوعك بحكمة ودهاء في البداية اذا كان زوجك يقربلك فحاولي انك تعزمينة هو وامة وابيه عندكم على العشا او الغداء وخلي ابوك هو اللي يعزمه حتى يجي هو وامة وابيه ولما يجون وتجتمعون ادخلي في الموضوع مباشرة ووجهى كلامك لزوجك ولاتخجلين حتى ماتخسرينة هو وبنتك وقوليله انك عمرك ماغلطتي عليه هو او اي احد من اهلة وناقشي الموضوع قدام الكل حتى لو امة تدخلت عشان تطلعك غلطانة لاتردين عليها خلي كلامك لزوجك وانك تحبينة وتبغين تعيشين معاه حياتك ومن الكلام الحلو وبعدين وجهي كلامك لامة وقولي لها فيش غلطتي عليها وانك انتي تعتبرينها زي امك وليش تحاول تخرب حياتك طبعا ماتقولين لها بالمفتشر انها تحاول تخرب حياتك الكل وقتها يقوم عليك بل على العكس الكلمة اللي تقولها حتى لو انك تحسين انك تغلين من جوة ابلعي خلي هدفك هو استرجاع زوجك واذا شفتي الموقف بينقلب ضدك لاقدر الله استخدمي دهاء وكيد النساء حطي نفسك مغمى عليك وقبل هالحركة انطقي اسمة ومدى ايدك له وسوي نفسك مغمى عليك وارجو منك انك تطمنينا عليك وتخبرينا باخر اخبارك وانشالله ترجعين له وتعيشين بسعادة ياررررررررررررررررررررب
ب
ما أحرضك على الطلاق

لكن زوجك مو محترم أهلك كيف ممكن يحترمك
وكيف بتقدري تستمري مع شخص بالأخلاق هذي ..لو فرضنا رجعتي له بيظل جرح بقلبك من اللي صار وانتي عارفة انك مو بقلبه
وبيظل يسمع كلام أمه .. وبتظل بينكم الخلافات وبينكم البنت طبعا ً وكل هذا بيأثر على نفسيتهاوهي مالها ذنب ..

الله يوفقك بس فكري كثير بالموضوع
ولا تحاولي ترسلي له مسجات اللي يبيك يدل بيتك
لأن مايصير ارسلتي مسج طلقني وبعد كذا مسج أحبك ولا أقدر أعيش بعيد عنك
فكري فيها زين ..

قلبي معك حبيبتي ..
w
اختي الغاليه الله يفرج همك كل وحده من الاخوات كان لها اسلوبها عشان تسعدك واوجدولك بعض الحلول والاقتراحات لكن اختي الحل عندك انتي ادره بزوجك وبطبعه بلي يرضيه والي يضايقه يعني ادخليله من نقطة ضعفه وكيد انتي عارفتها

وبعدين اختي انا موش معك بخروجك من البيت لي سبب كان خروج كبر الموشكله اكثر وادا كان على سب امك وصح ولا وحد ترضى تنسب امها قدامها لمن المفروض تتعاملي بحكمه وتتركي لين مايهدا وتحاسبيه وتقوليله لوشخص ثاني قال الي قاله كان راح يكون لي ردة فعل غير لكن انت كنت معصب وماتقصيد الي قلته
اختي حاولي تجنبي اهلك وتجنبي اهله من الموضوع وتتكلم انتي وياه موش فزعل فشي الي جامعكم وهي بنتكم والبيت الي هو عاموده والي مايرضيك ينهد عشان اي شي بدنيا عسيسيه انو هوحياتك وانتي حياتها وحاولي انك تتجنبي تتكلمي قدامه عن امه وبعدين ليش اختي كلامها انو ماياخد اي قرارقبل ما يرجعلها موش يمكن زوجك متسرع وامه خايفه يتخد قرار بطلاق ويندم اختي مالك الاالدعاء والاستخاروتوكل على الله قل ما يصيبنا الاماكتب الله لنا وعسى ان تكره شيا وهوخير لكم وعسى اتحبوشيا وهوشر لكم
م
أختي شيخة الخليج...

راح أقول لك رأيي...و يمكن تزعلي منه...بس عايزاكي تفكري فيه ضروري...

إحنا طول الوقت قاعدين نسمع منك إنتي بس...و ما سمعنا من زوجك !

من كلماتك...حسّيت إنه زوجك شايل منك بشكل كبير...

ما تقولي لي والدته...حتى لو أمه ظلّت تزنّ في أذنه طول الوقت...وقت ما بيرجع و يلاقي زوجته من أفضل الناس...ما راح يصدّق كلام أمه !

يعني لحد الآن مش قادره أفهم سبب عداء والدته و أخته معاكي...و ليش كل مرة يتكلم فيها زوجك يقول ( تخربي بين عيلتين ) ؟

مش معقول يجيب هذه الكلمه من فراغ...

و أذكر مرة كتبتي موضوع بعنوان (سويت فتنة بين اشخاص قراب لبعض بس والله ماقصدت اني افتن ما بينهم شو الحل ؟)

و هذه المواضيع و المشاكل تهدم البيوت قبل كل شيء...

و حتى لو فرضنا أهله ناس سيئين...و أمه و أخته من غير سبب حاطينك في بالهم و ناويين أذيتك...كوني إنتي الذكيه...و إعرفي كيف تحرجيهم...و ما تخليهم يتمّموا مرادهم...مش تتركي لهم الجمل بما حمل...!

أختي كل عضوه هنا في المنتدى عندها مشكله في حياتها مع زوجها...ما في بيت ما فيه مشاكل صدقيني...

و لو كل واحده واجهتها مشكله حردت و طلبت الطلاق...ما كنتي لقيتي زوجة في بيتها...

خليكي ذكيه أختي في تعاملك...و ما تنشفي راسك...و والدتك لا تجيبي طاريها كتير عند زوجك...لأنه في شيء مخلّيه متحامل عليها...و ما تقنعيني إنه من غير سبب !

أنا مش قصدي بكلامي هذا زعلك أو أجرحك...لكن أكيد في تفاصيل إنتي ما قلتيها...

و فكرة الطلاق هذه صعبببببببببببببه...

ما تتصرفي تصرف تيجي في يوم من الأيام تتندّمي عليه...وقت ما ينفع الندم...

الحين إنتي معظمة كل سيئات زوجك...و قاعده تتذكري له كل تصرف سيء عمله...

كل ما تكتبي مشكله تبدأي إنه وقت الولادة عمل كذا و كذا...و إنه مع أمه عمله كذا و كذا...لذلك أختي حكمك بيكون غلط في هذه الحاله...

لكن لما الأمور تروق و لا قدّر الله يطلّق...راح تقعدي مع نفسك...و تقولي إيش اللي أنا عملته هذا؟...يعني ما كنت عارفه أتحمل هالتصرف...يعني ما كنت عارفه أدبّر أموري في هذا الموقف...

المشكلة إنه القلوب الحين شايله من بعضها...و يحتاج لكم فتره علشان الأمور تتصلح..

تعلمي أختي من البنات اللي ساكنين في بيوت أهل أزواجهم...و مخليين أم الزوج صديقتهم الحميمه و في مقام والدتهم ! حتى لما ييجي الزوج يتخانق معاها...تلاقي الأم ما وقفت في صف إبنها...بل زوجته...لأنها تحبها !


دايما ردّدي ( حسبي الله لا إله إلا هو عليه توكلت و هو رب العرش العظيم ) طول الوقت علشان ربي يفرجها عليكي...و فكري مرة ثانيه في كلامي بالعقل من غير إنفعال...و يا رب تلاقي فيه الفايده
أ
مرموم;7940289:
أختي شيخة الخليج...

راح أقول لك رأيي...و يمكن تزعلي منه...بس عايزاكي تفكري فيه ضروري...

إحنا طول الوقت قاعدين نسمع منك إنتي بس...و ما سمعنا من زوجك !

من كلماتك...حسّيت إنه زوجك شايل منك بشكل كبير...

ما تقولي لي والدته...حتى لو أمه ظلّت تزنّ في أذنه طول الوقت...وقت ما بيرجع و يلاقي زوجته من أفضل الناس...ما راح يصدّق كلام أمه !

يعني لحد الآن مش قادره أفهم سبب عداء والدته و أخته معاكي...و ليش كل مرة يتكلم فيها زوجك يقول ( تخربي بين عيلتين ) ؟

مش معقول يجيب هذه الكلمه من فراغ...

و أذكر مرة كتبتي موضوع بعنوان (سويت فتنة بين اشخاص قراب لبعض بس والله ماقصدت اني افتن ما بينهم شو الحل ؟)

و هذه المواضيع و المشاكل تهدم البيوت قبل كل شيء...

و حتى لو فرضنا أهله ناس سيئين...و أمه و أخته من غير سبب حاطينك في بالهم و ناويين أذيتك...كوني إنتي الذكيه...و إعرفي كيف تحرجيهم...و ما تخليهم يتمّموا مرادهم...مش تتركي لهم الجمل بما حمل...!

أختي كل عضوه هنا في المنتدى عندها مشكله في حياتها مع زوجها...ما في بيت ما فيه مشاكل صدقيني...

و لو كل واحده واجهتها مشكله حردت و طلبت الطلاق...ما كنتي لقيتي زوجة في بيتها...

خليكي ذكيه أختي في تعاملك...و ما تنشفي راسك...و والدتك لا تجيبي طاريها كتير عند زوجك...لأنه في شيء مخلّيه متحامل عليها...و ما تقنعيني إنه من غير سبب !

أنا مش قصدي بكلامي هذا زعلك أو أجرحك...لكن أكيد في تفاصيل إنتي ما قلتيها...

و فكرة الطلاق هذه صعبببببببببببببه...

ما تتصرفي تصرف تيجي في يوم من الأيام تتندّمي عليه...وقت ما ينفع الندم...

الحين إنتي معظمة كل سيئات زوجك...و قاعده تتذكري له كل تصرف سيء عمله...

كل ما تكتبي مشكله تبدأي إنه وقت الولادة عمل كذا و كذا...و إنه مع أمه عمله كذا و كذا...لذلك أختي حكمك بيكون غلط في هذه الحاله...

لكن لما الأمور تروق و لا قدّر الله يطلّق...راح تقعدي مع نفسك...و تقولي إيش اللي أنا عملته هذا؟...يعني ما كنت عارفه أتحمل هالتصرف...يعني ما كنت عارفه أدبّر أموري في هذا الموقف...

المشكلة إنه القلوب الحين شايله من بعضها...و يحتاج لكم فتره علشان الأمور تتصلح..

تعلمي أختي من البنات اللي ساكنين في بيوت أهل أزواجهم...و مخليين أم الزوج صديقتهم الحميمه و في مقام والدتهم ! حتى لما ييجي الزوج يتخانق معاها...تلاقي الأم ما وقفت في صف إبنها...بل زوجته...لأنها تحبها !


دايما ردّدي ( حسبي الله لا إله إلا هو عليه توكلت و هو رب العرش العظيم ) طول الوقت علشان ربي يفرجها عليكي...و فكري مرة ثانيه في كلامي بالعقل من غير إنفعال...و يا رب تلاقي فيه الفايده


والله كلامج أثر فيني الله يسعدج أنا أأيدج
آ
الله يصلح ما بينكم
&
ربي يفرج همج حبوبه ..

حبوبه انتي ماعرفتي شو السبب الي يخليه يقول ع امج انهاا انسانه فاسقه ..؟

ومايجوز من الاساس تطلعين من البيت .. يعني في كل مشكله تطلعين من البيت ولو سب امج ،، ازعلي عليه واتفاهموا ويا بعض مب تطلعين من البيت ..

وبعدين بصراحه انتي غلطانه يوم قلتي حق زوجج طلقني .. معقوله هالشئ بيريحج وبيخليج مستانسنه ..

صدقيني بتندمين .. (فكري×فكري)

فكري في حياتج ولا تخلين احد يدخل بينكم .. سواء كان من اهلج او من اهله ..

وتعاملي مع اهله بكل ذكاء ولو شو مايكون ..

وربي تتيسر امورج يالغاليه وترجعون لبعض احلى اثنين ..
م
انا بعد راي انك تحكمين عقلك
وكل وحده عايشه مع اهل زوجها
تصادفهم مشااااااكل ياااااما
لكن قدروا يتخطونها بحكمه وذكاء
ولانهم ما يبون تصير حساسيه بين بعض
فلانه قالت وعلانه قالت وناس تودى كلام وتجيب كلالالام
يعني انتى المفروض عرفتي شخصياتهم
وحاولتي تتقربين منهم الواحد يحذر عدوه ويحذر صديقه الف مررره
يعني انتى فكري ثم فكري ثم فكري
واذ هو عايش طول عمره مع امه والام مافي اعظم منها
حتى لو كانت ظالمه وقاسيه ولان انتى زوجه ولدها ويمكن حاطه
في باالها انتى تخربين بينها وبين ولدها
تصدقين وحده كانت عمتها ام زوجها تسوي لها مشااكل
وتحرجها وتبدلها لكن قدرت انها تتخطى هذا الشي
ومره من المرات حست الزوجه ان الام تحب تسمع
كلام اولادها وزوجاتهم واستمعت بالخفاء
المهم سمعت ان الزوجه مع زوجها يسولفون
ويسالها شخبار امى معاج قالت امك اعتبرها مثل امي
قالها يمكن امي عصبيبه شوي ماعليها تحمليها
قالت له هاذي امى تقولي شلون اتعامل معاها
المهم الام حست انها ظلمت زوجه ولدها وصارت
الحين تحبها اكثر وحده بزوجات الادها لانها
ذكيه ولانها ماتبي تسوي مشاااااااكل
وصدقيني الكل يحب يكون يعيش بمكان منفصل
عن اهله لكن انتى اكيد يمكن ماقدرتي تتحملي
ليييش تعطينهم مجال هم يخربون بينكم ويشتتون
بنتكم والله حرااااااااام البنت تكون عايشه بين اثنين
ماراح تحسين الحين لكن بعدين بتندمين بتقولين
يااااااريت صبرت بيكون فات الفوت
ق
شوفي مالك الا الصلاة والتأني يعني لا تستعجلي في اتخاذ القرار

هو واضح انه يحبك فعشان كذا لا تتهوري وتستعجلي في اتخاذ قراراتك

والعقربة هذه يبي لها وحده تتعقرب اكثر منها

اخ اكره عقربة الحريم ياويلها ياسواد ليلها اخ بس

شوفي مادام هي مااحترمت نفسها خليها تخاف منك وريها العين الحمرا

الرجال ضعيف عند زوجته اكثر من امه

حاولي تسيطرين عليه باسلوبك وتدلعك خليه يعني مايقدر يقاوم اساليبك ويضعف قدامك

خليه يشوفك مسكينه وامه ظالمه
ش
صحيح بعض الردودود زعلتني بس مش مشكله لاني طالبه ردودكم واتقبل اي شي

بس بالله عليكم في وحدة بتفتري على زوجها ماانا مااريد الطلاق بس هو اللي جبرني واساسا هو طالب الطلاق قبلي انا ما كذبت في اي شي كتبته حتى ابوي قاله ادخل البيت وشوف ام البنت هو ماخذ على امي لان امه كثير عبته كلام مش صحيح امي زوجت بنتين قبل ولاواحد من ازواجهم اشتكى بالعكس دوم يجيبولها هدايا



والاهم انا صليت الفجر واسخرت ربي وحلمت اني امشي وسط افاعي وانه زوجي قاعد يهاوشني
ا
ربنا يكتب لك اللى فيه الخير ويهديكم لبعض
*
بما انك انتي خلاص قررتي الطلاق وهو كمان قرر الطلاق .. خلاص ما اقدر اقولك شي ...
بس عندي لك فكرة ... كلميه بكل هدوء وبدون اي استفزاز .. واقترحي عليه .. ترجعو شهر فقط بيتكم ...
وتحاولي حتى لو ما هو ما قدر ينسى او انتي تنسي ... وتقولي له نحاول فقط من اجل البنت ..
وشوفي ايش يكون رايه ؟؟

انتي لما قولتي له انك تريدي تتكلمي معاه ... عطيتيه خيرين اما تجي تتكلم او تطلق وكأنك ستفزيه بالكلام .. وهذا الشي استفزاه ولو كان عنده ادنى فكرة للرجوع بيكون عدل عنها ..

انا متأكدة بايرجع وبايحاول معك ... عطيه هذا الاقتراح ونشوف ايش يقول ..
ش
مراحب

هان هلي ووصف مي بالفاسقة ويقول لابوي انا احسن من ازواج بناتكم وقالي اني حرمة بتفرق عيلتين احسن اطلقها وسكت

لكن يروح يقول اني ما انظف بيتي ولا اطبخله النذل يشهد الله بأيش اللي كنت اسويله لدرجة اني يوم اروح بيت امه يقول لاخواته اليوم زوجتي بتطبخ النذل ويقول لابوي عرفت الحين حقيقة بنتك اي حقيقة اني كنت ادلعه والبسله واقوله ان شاء الله واقوم ابخره واسويله شاي يقولي ماابي واسكت ما ازعل ومرات اسوي العشى يقولي ما اشتي ومرة منومه في المستشفى قام ينازعني قدام الحريم وسكت ومرة تأخرت بيت عمتي بليل قالي خلي حد يرجعك واساسا حصل سوؤ فهم انا كنت انطره وهو كان ينطرني


والله غسلت ايدي منه يقول لابوي بفكر ارجعها شنو يعني ما ابيه

وادعولي عسى الله يوفقني ويظهر الحق وهذي ايام مباركة واعتبره بلاء من رب العالمين


ويلرب تتوفق كل بنت ولاتمر باللي مريته
أ
الله يكون بعونكم
و
حبيبتي ... مادري شقول والله مشكلتك ابتلاء من الله ...
بس بغيت أسألك اذا بينكم اولاد حراام استهدي بالله وفكري مية مرة قبل لا تقدمين على هالشي
حاولي تستغفري الله لان يقولون الاستغفاااار يضيع المشااكل ويهدي البال ....
وطمنينا
ا
مااقول الا الله يهديه
X