بتوتتي تعشق الروضة ..!

الفاطميه 30-11-2008 19 رد 2,407 مشاهدة
ا
تحياتي لجميع الأمهات ..

بداية الموضوع ليس مثل ما فهمتموه منذ قرائتكم الموضوع ..
إبنتي منذ عمر السنتين والنصف أضطررت لإدخالها شهرين في حضانة الأطفال .. أحبت طفلتي الروضة بشكل كبير وخصوصاً أنها تلتقي بأخواتها كما تسميهم وهي وحيدتي فتجد هناك اللعب والترفيه ..
عموماً جاءت العطلة الصيفية وعند بداية عام جديد دخلت بنت عمها الروضة وهي أكبر سناً منها ,وماكان من بنتي إلا البكاء تريد الذهاب أيضاً , المشكلة أن الروضة لدينا والتي حوالينا لا يقبلون الطفل إلا لثلاث سنوات ونصف:( , فرجعت وأدخلتها الحضانة في شهر ذي القعدة كاملاً ومنذ أمس السبت بداية ذي الحجة خليتها بالبيت وطول اليوم اتصيح وصراحة ما ودي أوديها إلا السنة الجديدة الروضة ولأسباب :
1- أخاف اجي وقت الروضة إتكون الطفلة ملت ..
2- أخاف ما تاخذ راحتها في النوم ..
3- وأخاف أن تكره الدراسة مستقبلاً..

بعد القصة الطويلة أريد أعرف هل أنا مصيبة فيما أفعل من منعها الآن بالذهاب أم أتركها تذهب للروضة ..
وهل هناك أم حصل لها هذا الموقف مع ابنتها ..
ا
هلا اختي ماشاء الله عن بنوتك ربي يحميها
انا رايي خليها تروح الروضة دام هذا مطلبها بالعكس لا تمنعيها وانتي قلتي بنتك وحيدة وتزهئ بالبيت لحالها

واسبابك اللي ذكرتيها صحيحة بس ماتنطبق على اغلب الاطفال لان كل طفل يختلف عن الثاني بميوله وهواياته وتفكيره

وكمان هي صغيرة يعني اعتقد ب kg2 انا رحت الروضات احسهم يلعبوا وينبسطوا ويتسللوا اكثر ماهو تعليم لانهم بعدهم صغار وماعندهم هالدراسة اللي تخليهم يمللو

وبالنسبة للنوم اهم شي تاكدي انها تنام بدري على 8 كويس وبهيك راح تنام كفاية وحتصحى مرتااحة

ربي يخليلك ياها وتجيبلها اخ ولا اخت يسلوها
ا
بيني وبينك أختي أنا كل اللي حوالي اقولوا لي حرام عليج لا توديها والله يحميها من كل عيون الحاسدين فيها نباهة و مدرسات الحضانة طلبوا مني تعويذها كل صباح ..لأنها تحفظ اللي تسمعه في صفوف الروضة ..
ومشكلتي معها في النوم أحياناً إتنام على 8 ونص وأحياناً الساعة عشر وإذا نامت هذا الوقت ماودي أوديها يوم ثاني .. واللي يخليني اوديها ذيك الفترة إنها اهي اللي اتقعدني من النوم الصباح علشان أحممها و لاتتأخر يعني نامت بدري لو متأخر غصب غصب تبي الروحة للحضانة..
.
.
.
مشكورة خيوه الدمشقية على تعليقج وتشريفج موضوعنا ..
ز
ماشاء الله تبارك الله ..
أنا لو مكانك أخليها تروح وماأقطعها والله البيت مافيه الا الملل خليها تغير جو وتتعلم ..
ر
خليها تروح الروضه اذا هاي ارادتها وطلبها

وما بتمل لان هذا طلبها

بنتي تبغى تروح عمرها ثلاث ونصف لكن قلت اليها بتروحي واني اجلس بروحي قالت خلاص بجلس معاك

وتركت السالفه لاني ناويه تروح سنتين بس
r
اللهم صل على محمد و آل محمد
الله يخليها لكم و يحفظها ان شاء الله
مثل ما قالوا لك الأمهات اذا هذي رغبتها وديها
على الأقل علشان نومها ينتظم من جهة
و من جهة ثانيه تختلط مع أطفال ثانيين و تتعلم أحسن لها من قعدة البيت
ا
زهر البان;7929781:
ماشاء الله تبارك الله ..
أنا لو مكانك أخليها تروح وماأقطعها والله البيت مافيه الا الملل خليها تغير جو وتتعلم ..


شاكرة تواجدج خيوة زهر البان ,, انا أساساً كنت متحمسة انها اهي اللي راغبة لكن اللي حوالي وصديقاتي من كثر ماقالوا لي حرام وماتنام وخليها تلعب في البيت مع العلم ان الحضانة كلها لعب ورحلات خلوني احاول اني اقطعها بسد مدامكم اتشجعوني اني اخليها ان شاءالله من بعد اجازة العيد برجعها..
.
.
لا عدمنا تواجدكم ..
ا
ربيعيه;7930432:
خليها تروح الروضه اذا هاي ارادتها وطلبها

وما بتمل لان هذا طلبها

بنتي تبغى تروح عمرها ثلاث ونصف لكن قلت اليها بتروحي واني اجلس بروحي قالت خلاص بجلس معاك

وتركت السالفه لاني ناويه تروح سنتين بس


حياج الله اختي ربيعية ...انا اتصدقين كنت ناوية اوديها بس سنة وهذا كلامي من يوم اهي صغيرة أما اللحين اتغير الحال واتصدقين قلت لها كلام قريب للي قلتيه لبنتج مثل مين بنام اياي الصباح وبيقعد معاي وبيفطر تدري ويش قالت لي ؟؟!
ماما انتين روحي الكلية وانا باروح الحضانة ؟:eek:
.
.
شاكرة تواجدكم المعطر لصفحتي ..
ا
rawiyah;7930546:
اللهم صل على محمد و آل محمد
الله يخليها لكم و يحفظها ان شاء الله
مثل ما قالوا لك الأمهات اذا هذي رغبتها وديها
على الأقل علشان نومها ينتظم من جهة
و من جهة ثانيه تختلط مع أطفال ثانيين و تتعلم أحسن لها من قعدة البيت


صحيح كلامج اختي بالنسبة للنوم انتظم نومها واجد وحتى صارت مطيعة لأنها كانت اتجنني لما اناديها من بيت عمها او بيت اهلي كانت ما ترضى تقعد في شقتي دايماً مع اولاد عمها او اخواني و من وديتها الحضانة واهي منتظمة في النوم وتسمع الكلام ..

من آخر الردود عليكم قررت اني اكمل معاها ..
والله يعين كنت اريد اوديها سنة اللحين نص سنة في الحضانة وسنتين ونص في الروضة يعني بتقعد ثلاث سنوات
.
.
قلمكم نورنا عزيزتي rawiyah
ا
اللهم صل على محمد وعلى ال محمد
ماشاء الله تبارك الله والله اكبر
الله يحفظها ويحرسها من كل عين
وديها دام هي رغبتها وما اظن يضغطوا عليهم بالعكس بتنتظم في كل شي وبتصير اجتماعية انا ولدي كان مثلها يلح علي وكان في الروضة فرحان مرررة بس هالسنة مع المدرسة ماعجبته في البداية يفتكر بس لعب والحين حبها الاطفال الوحيدين والاجتماعيين هذي رغبتهم وما عليها مضرة ان شاء الله ولا شي مثل الاجانب يتعلموا صغار وما عليهم الا العافية
ا
ايسمار;7938504:
اللهم صل على محمد وعلى ال محمد
ماشاء الله تبارك الله والله اكبر
الله يحفظها ويحرسها من كل عين
وديها دام هي رغبتها وما اظن يضغطوا عليهم بالعكس بتنتظم في كل شي وبتصير اجتماعية انا ولدي كان مثلها يلح علي وكان في الروضة فرحان مرررة بس هالسنة مع المدرسة ماعجبته في البداية يفتكر بس لعب والحين حبها الاطفال الوحيدين والاجتماعيين هذي رغبتهم وما عليها مضرة ان شاء الله ولا شي مثل الاجانب يتعلموا صغار وما عليهم الا العافية


شاكرة لكم بصمتكم وتواجدكم المميز عزيزتي ايسمار
ر
تحذير هام احترسى من دخول ابنتك الروضه قبل الاوان انا عندى بنتى اربع سنوات وكانت احلامه كلها انها تدخل الروضه وتركب الباص
وبعد ما قدمت السنه ديه تعبت وكرهت الروضه لان كانت متوقعه الروضه لعب وضحك وترفيه ولكن الحقيقه المرة لقت تعليم وكتابه وهيه عايزة تلعب انسب سن للروضه 4 سنوات قبل كدة هيديكى فعل عكسى
ا
خيوه بنوتتي في الروضة ما تتعلم حالياً هم امدخلينها قسم في الروضة ( الحضانة ) وهذا ترفيه ولعب ورحلات وأناشيد إهي اللي تتعلمه من اطفال الروضة لما تسمعهم يغردون في فصولهم ..

لما اصير عمرها 3 سنوات ونصف ينقلها لصفوف الروضة ..
لكن خلاص قررت بكمل إياها وباوديها لأنها وحيدة وتبغى اطفال تلعب معاهم وهناك تلعب وتمرح ..
.
.
اللي كان امضايقني في الأمر وخلاني أكتب الموضوع خوفي انها ما تشبع نوم وان أغلب اللي يودون اطفالهم حضانة عندهم شغل وانا متخرجة الآن يعني أقدر أعتني فيها بس ما دامت رغبتها تلعب بتركها ..
.
.
نورتي الموضوع روان اشرف عبد الرحمن .. ودائماً ننتظرج في مواضيعنا ..
أ
الله يحفظها
عادي هي تبي الجمعه والأطفال
لاتحرميها
B
خليها تروح اذا هاذي رغبتها واكيد هي بتمل من قعدة البيت والروضة فيها العاب واطفال يلعبون معاها
ر
السلام عليكم ورحمة الله وبركاتة


سبحان الله وبحمدة سبحان الله العظيم **

اللهم صلى وسلم على نبينا محمد **

لاحول ولاقوة الابالله **

استغفـــــــــ الله ـــــــــــــــر العلي العظيم **

سبحان الله والحمدلله ولاإله الاالله والله أكبــــــــر **

اللهم اغفر للمؤمنين والمؤمنات والمسلمين والمسلمات الاحياء والاموات **

لاإله الاأنت سبحانك أني كنت من الظالمين **

استغفــــــــ الله ــــــــــــــــر وأتوب اليه **

سبحان الله وبحمدة عدد خلقة ورضا نفسه وزنة عرشة ومداد كلماتة **
ا
ياهلا فيكم عزيزاتي ...
شاكرة تواجدكم وتعليقكم ...
أ
قرار صاائب أختي

خلااص خليهاا اترووح اذا هذي رغبتهاا

و اذا على النوم نظمي وقت نومها و خليها اتنام 7 أو 8 وعلى الساعة 6 الصبح بتكون ماخذة كفايتها من النوم

والله يهديها و يحفظهاا لج من كل شر
ا
شاكرة تواجدج حبيبتي أم مرااام ..
ا
اهلين حبيبتي
انا تقريبا مريت بنفس حالتك اذا ماكانت اكثر
انا دخلت بنتي رغد الروضه من عمر 3 سنوات مثل ماقلتي مو للدراسه بس للعب والاجتماع بالاطفال
بنتي وبنتوج الله يحفظهم من الشخصيات الاجتماعيه والمفرطين الحركه بالعربي مايعرفون يقعدون بروتين وملل لازم اكشن
اقولج انا لمن دخلت رغود الحضانه من اول يوم تصوري تقولي مابي بيييييييت ابي مدششه قصدها مدرسه الي اهي(الروضه)
كانت تصيح نهايه اليوم ماتبي ترجع البيت تبغى تضل
الكل لامني توها صغيره حراااااااام خليها تنام لاحقه على الشقى بتكره المدرسه بعدين و و و
وانا صدقتهم وخليتها بس ترم والله ماكذب عليج ان لمن طلعتها تازمت وكانت على طول تبكي وتغيرت نفسيتها للاسؤ صارت حنااااااانه وحسااااااااسه ( اخلاقها تجاريه) تعبت معاها لدرجه اني دخلتها الترم الثاني من جديد بعد مافات شهر على الدراسه وتسنعت البنت
والحمدلله اهي الحين في تمهيدي وللحين حبها للروضه وان شالله للمدرسه ماتغير
الحين حتى فالاجازات ادخلها نادي على الاقل شهر تبكي متى تخلص لاجازه
دخليها وتوكلي على الله
X