عندما يصاب الطالب المتفوق بالروتين والملل !!

C

Charming_Girl

عروس نشيطة

30-11-2008 | 03:30 AM

مرحبا صبايا.
وش رايكم بعنوان الموضوع؟ هههههه
كانه سبق صحفي على قناه العربيه.. :cool:

نرجع لموضوعنا.
انا فتاه ولله الحمد متفوقه في دراستي وصاحبه GPA عالي..
حالياً ادرس بالخارج ولي فتره طويله
ادرس تجاره يعني مو هندسه ولا طب

اعطيكم التفاصيل علشان تحاولون تفكون ازمتي الغربيه!
مؤخرا صرت اشعر بالملل والروتين والرتابه والتعب والزهق << ماخليتي شي ههه
لدرجه اني افكر ارجع من غير ماكمل.
مدرس بس جد طفشت :(

هل هذا راجع لاني ادرس فالصيف وماغير جو؟
ولا لاسباب اخرى ؟؟

طيب احد ينصحني او ينبهني لشغله ممكن اسويها علشان اطلع من الحاله الي انا فيها :(

ا

الامورة شجن

عروس فضية

30-11-2008 | 12:37 PM

مرحبا

ممكن اتسويين لج برنامج مثلا يشمل الرياضة وممارسة الهوايات حتى لو انتي برة وممكن تاخذين لج بريك في فترة الدراسة وتطلعين في منطقة غير اللي انتي فيها وبجذي يتغير الجو والروتين

تقبلي تحياتي واتمنى اني افدتج

C

Charming_Girl

عروس نشيطة

03-12-2008 | 09:19 PM

اي والله

وهذا شكله الي بيصير :eek:

م

ماسة قطر

عروس رائعة

03-12-2008 | 11:36 PM

المفرووووض انتي اتحطيين لج جدول ... اصلا غلط انج وقتج كله دراسه ...

عالاقل برييك نص سااعه علشااان تستوعبيين اللي بعده....

الله يوفقج يااارب ..

ت

تمر

مشرفة سابقة

07-12-2008 | 05:05 PM

طبعاً غالتي كثيراً ما اصيبني هذه الحاله وسبب الرئيسي الضغط اكثر من الازم على نفس لدرجه حتى ان البريكات و الراحة ما تحسي فيهم وبعد ماينتهي الضغط مهما اخذتي بريك طويل ما يكفيك ..اخذي كل شيء اليه قسط معتدل وقت معتدل للمذاكره وقت للراحه صممي اليك جدول ولصقيه على تسريحتك بأهم شغلات بسويها اليوم واذا خلصتيهم كلهم في الوقت محدد كافئي نفسك ...(طلعه-عزومه-مشاهده تلفزيون)
والله يوفقنا يارب جميعا