مضايقه وحبيت افضفض

أمواااج 30-11-2008 31 رد 1,500 مشاهدة
أ
:(هلا بنات
اشحالكم

والله حبيت افضض لكم لاني واي مضايقه
السبب............ زوجي
من تزوجنا مشاكل لاننا ما نتفق
المهم تهاوشنا مؤخرا اكثر من اسبوع
وانا يوم تهاوشنا كنت ببيت اهلي
والاخ مطنشني ولا يتصل
وانا بعد مطنشه ولا راح اتصل بس
انا مضايقه من الوضع
على فكره حاولت اتصل به كذا مره
ما رد
حسيت اني مهانه
اول مره يطنش وما يرد
حدي معصبه ومضايقه

اريد منكم خدمه تقوفون معاي بالازمه وتدعون لي
بليز............ لاني وايد مجروحه
B
الله يصلح ما بينكم والله يهديييييه يا رب وان شاء الله ما تجوفيييييين الا متصل لج وترجعين بيتكم والله لا يعيييدها من مشاااكل وتعيشوون في سعادة:8875:
ا
الله يعينك بس بين الزوجين حبل اذا واحد شد الثاني لازم يرخي علشان ماتسقطوا الله يهديكم بس يمكن يتغلى علشان ماتتعودي معاه على هالاسلوب لاتتخذوا اسلوب العناد ابدا خليك معاه رقيقة ودلوعة بس مو على كل شي تزعلي فكري زين قبل كل خطوة وكبري عقلك خليك رزينة وحاولي تصححي اخطائه بطيبة قلبك شكلكم معاريس صغار بكرة بتكبروا وبتعرفوا الحياة الله يهديكم ويجبر بخاطرك ويسعدكم وتتفقوا ودائما اقرائي اية (واعتصموا بحبل..)
رسلي له رسايل حب وكلام عتب حلووو
أ
لكم الشكر
خواتي
والله مشكلتي ما قلتها
حق اهلي
قلتها اخواتي بنات المنتدى
×
الله يفرج همك ويسخره لك ويسخرك له واتفق مع الاخت ايسمار كلامها عين العقل والله

يهدي النفوووووووس ويصلح مابينكم
غ


ولا يهمك يا غالية خليه يطنش زي ما يريد والله احنا

النسوة علمناهم الدلع دا هو يطنش وهي تصالح

ومن المفرود احنا اللي نطنش يلا الدنيا انقلبت اتركيه كدا

وراح يجي يبوس ايدك والله يهديه ويجمع بينكم بسعادة تامة

ا
الله يصلح ما بينكم وانا كنت مثلج في البدايه وتعبت من هالحاله بس اللحين عقلت وصرت اعامله مثل الطفل اذا زعلني اسامحه لاني انا الخسرانه انا اللي بتتعب نفسيتي ولا هو بيطلع وبيسافر وبيونس روحه مع ربعه كبري عقلج واذا زعلتو من بعض فاجيئه اذا رد البيت بكشختج وبريحتج الزينه ولا كأن شي صار بيحس ع دمه ..
ر
الله يفرج همك
ويحنن قلب زوجك عليك
عاجلا غير اجل يارب العالمين..
ب

الله يفرج همك اختي

عليك بالدعاء له واكثري الاستغفار

وحاولي تقربيه لك والله ييسر أموركم على خير

ع
الله يفرج همج اختي ويصلح بينكم يارب

بس نصيحة اختي حاولي باسلوبج وشطارتج انج تبتعدين عن المشاكل كثر ما تقدرين

يعني اذا شفتيه معاند انتي رخي ولا تعاندين معاه

زاذا كان معصب انتي خلج هاااااااااااااااادية وخليه يطلع كل اللي بخاطره

وانتي اسكتي ورديه عليه بكل هدوء وحاولي تتجنبين المشاكل

ماعليه بتتنازلين وايد.......... لان احنا الحريم لازم نتنازل عن وايد اشيا

بس عشان نرضي الريال

وسالفة انه مطنشنج وانتي بيت اهلج ..... صدقيني اختي بس لاتزعلين من كلامي

تلاقينه مرتاح من المشاكل

لانج تقولين انه بينكم دوم مشاكل

عسب جيه خلي الحياه تكون حلوة بينكم

لا تحسسينه ان وجودج بحياته معناه كل مشاكل بمشاكل

صدقيني وانا اقولج هاكلام عن تجربة

اجذبيه لج باسلوبج الحلو وسوالفج وفرفشتج

حتى لو كنتي مهمومه ومضايقة لاتبينين له هالشي

لانهم بكل بساطة ما يحسووووووووووووووون

والله يفرج همج ويسعدج يارب
ا
الله يهديكم يارب ويسخره لك

حبيبتي مثل ماقالوا خواتي لك ترا كثرة المشاكل تولد الكره وانتوا شكلكم توكم متزوجين يعني حاولي تبينين له انك عاقله وحاولي انك ماتزيدين من حدة النقاش ولا تجادلينه كثير وامسكي نفسك واسكتي واتركي العناد ترا اغلب المشاكل اللي تصير من عناد االمره والرجال فحاولي ترخين الحبل وفي نصيحه قالها لي عمي الله يوفقه وماانساها ابد اذا شكيت له من زوجي من اول قال لي اسكتي ولا تقولين شي وادخلي غرفتك وابكي ترا الرجال اذا شاف زوجته تبكي يحن عليها ويراضيها مو لازم بالاعتذار بس يحاول يكلمها او يسكتها
وترا الرجال مهما كان مايرضى بالاهانه ومايحب يتنازل ابدا
انتي حاولي تدقين عليه واذا ماارد صح بتنقهرين بس تحملي وارسلي له رسالة اعتذار او عتاب بس حلوة وتاثر فيه
الله يصلح بينكم
ق
الله يهديه ويصلح من بينكم
S
اختتتي نصيحتي لج زعلي بس لا تطلعيين من البييت قعدي بالبيت بس زعللي..او ربي يصاللحكم ويرجعكم احسن من اول ياااااااااارب
ع
اختي اسمحيلي بكون صريحه معك ليه تطلعين من بيتك مهما يصير مابينكم لاتطلعين ازعلي لكن لاتطلعين وانا واثقه لي خلك تطلعين بيت هلك شديد القوي بس لا ..لانك تفتحين له باب انت اصل غنيه عنه ورجل والله ماينترك الوحده وبعدين اخذي كلامي بعين الاعتبار عليك بالاستغفار والان اغتنمي الفرصه شهرذي الحجه فضله اكثر من العشر الاوخر فغتنميه بصيام والقيام وصدقات عليك بصدقه وقراهء سورة البقره وشغلي راديو او شريط اما إذاعة القران البحرين او الامارت او السعوديه انا رتبتهم لك ليه لان اذعة البحرين اف ام دائم قران نادر مايجبون برامج وهذا المطلوب ان ذكر الله مستمر ودائم قولي دعاء بسيط اللهم كفنى شره بما شاءت
وبرسلك رساله خاصه اتمنى ساعدتك ولو بلقليل والوحده ماله الا زوجه وبذات حنا الخليجين مانقدر نتزوج 3 مرات حنا مره وبالعزر تجي هههههههه صح ولا الله يبعد عنك كل هم وغم
ب
ما قرأت ردود أخواتي بس بقولك رأيي

بسنوات الزواج الأولى لازم تكون في مشاكل بين الزوجين

ولازم تعرفي تتحكمي بمشاكلك وتحليها بعيد عن أي طرف ثالث

لأن الأطراف الثانية تكبر المشكلة أكثر .. وإنتي أقدر بحلها لأنك في المشكلة

وحاولي تشدي مرة وترخي مرة
وتبتعدي عن المواضيع اللي مايحبها أو تنرفزه

وصدقيني الزوج أكثر واحد يتحمل زوجته لأنها حبيبته وأم عياله
يتحملك أكثر من أهلك

وحاولي لم يعصب إنتي تسكتي ولا تتكلمي أو تضحكي لأنه يزيد وممكن يرفع يده عليك لا سمح الله ..


الله يوفقكم ويصلحكم ويردك لبيتك يارب ..
N
الله يفرج همك
ويحنن قلب زوجك عليك
عاجلا غير اجل يارب العالمين
ب
انا ضد ( المره تزعل وتروح بيت اهلها )

هالموضوع بيزيد الجفوه والصد بينكم ...


بالعكس لازم تكونين معاه فالبيت ولا شلون بتحلون مشاكلكم ؟؟


انتي ماوضحتي المشاكل ولكن والله اعلم انها عدم تفاهم


بالتنازلات والتضحيات من الطرفين بتقدرون ترتاحون


لكن لو كل طرف عاند وماتصل ... بتطولين في بيت هلج


حاولي تبادرين وتتفاهمين معاه



الله يهدي سركم
و
حبيبتي تبين نصيحتي مالك غير زوجك في هالدنيا وفهالزمن الي ماله أمان ... حتى اهلك ما بيدومون لك
ويمكن على البعاد والمسافات حسيتي بقيمة زوجك ومكانته في حياتك
صدقيني أموااج الأنثى هي اللي تمشي وتتنازل اكثر بس هذا لا يعني ابد انها تتنازل فحق كرامتها
لان ما في بينكم شي اسمه كرامة ... و لانها بتحصل التقدير والاحترام عند زوجها الي بيظهر بمواقف ثانية
ولا تنسين ان الله ينبذ المرأة الي تترك زوجها ينام وهو زعلان منها
حبيبتي ما تنتظري والحين سيري حق بيتكم... ايه ماتقولين لا وتعاندين صدقيني انتي الكسبانه ، سوي له مفاجأة وعشا صغير وحركات رومانسية ولبس الرجل يموووت في الدلع والرومانسية على كلمتين حلوين (ما عاش الي يزعلك حبيب قلبي) ( انت الأمان الي ربي نور به حياتي وطريقي..) ومن هالكلام الله يسلمك بينسى كل شي وبتردون اقوى واقرب من قبل بمليون مرة ... وفي النهاية المعروف ان الزوجة هي الي تستحمل زوجها لان الرجل ما عنده نفس وصبر قدها ولانها يوم بتصير ام ما بتقدر تربي وتكبر من غير تعب وصبر .... قومي الحين خططي ايش بتسوين وبتقولين حق ريلك والله يجمعكم على خير :) ....

وعلى فكرة عزيزتي بنات كثيير محرومين من الي انتي تملكينه وهي نعمة الزوج وقربه ... في ناس يتزوجو وكل واحد ببلد او منطقة والمسكينة ما تشوف زوجها الا كل اخر اسبوع .

بالتوفيق وطمنينا عنكم .
أ
خواتي الغاليات

ما اعرف اشلون اشكركم
على وقفتكم معاي
وكلامكم الحلو وعلى دعواتكم
الله يشهد انكم ريحتوني وايد
الله يريحكم دنيا واخره

بس انا ما طلعت زعلانه من البيت
انا اصلا كنت زاايره عندهم

والمشاكل اللي بينا بسبه كل شي
يسوى وما يسوى
او لان الفرق بينا بالعمر 10 سنين
وعسب جذيه ما نقدر نتفاهم
والله مو عارفه ليج ما نقدر نتفاهم
g
بالعكس الغلطه الكبيره انج تركتي بيتكم وسرتي عند ااهلج لنه بيتعود كل ما تزعلون بتروحين بيت اهلج وما بيهتم

انتي رخي وياه اتحملي خلج انتي الزوجه العاقله الصبوره انتي تقدرين بحياتج تقللي المشاكل

صدقيني بس مب عكل مشكله تتركي البيت لالا حياتي

وربي يوفقج
X