بنات عفية شلون تشيلون البقع من ملابس اولادكم؟؟

اهلا خيوه
عن نفسي لما تصير بقع اول شي اقوم اغسل القطعة على ايدي بماي فاتر وافرك مكان القطعة بس بشويش مو بقوة
لما تخف البقعة احط فوقها فانيش اذا كنت بيضا احط فانيش للملابس البيضاء واذا كانت ملونة احط للملابس الملونة واسكر القطعة على بعضها وخلص احطها في الغسالة مع بقية الغسيل وتطلع ولا احلى..

حبي اذا بقعة عصير جيبي اي صابون حجر وفركي مكان البقعة عدل وخلاف غسليها عادي بتروح

هلا حبيبتي معانتنا مع ملابس عيالنا ما تنتهي

انا وعن تجربه استخدمت كل شي ما نفع خصوصا اذا كانت بقع فواكه

بس الي فادني وريح بالي النشر في الشمس

يعني اغسلهم با الغساله بشكل عادي

وانشرهم في الشمس لمى تجف تختفي البقع

جربي وبتحسين با النتيجه

انا بعد اعاني من البقع في ملابس ولدي مثل ماقلتي لبسة وتخترب وتظل مالبسها اياه

جربت فانيش مانفع وجربت الصابونة الحجر ظل مكانها مثل الباهت وللحين ماعرفت شو استخدم

ياليت احد يفيدنا

وانا مثلكم كنت اعاني

لين حصلت هالرش العجيب :)
والله عجيب بس لازم تستخدمونه صح

اول ما تتوسخ بدلة ولدج او بنتج
على طول ترشين المنطقة المتوسخة بها الرش تنتظرين عليها فترة صغيرة شوي وعقب تفركينها بالماي والله يروح الوسخ

بس شوفي اكيد فيه بقع عصيبة وما تشيل الوسخ
مثل الموز
او الكركم اللي بالصالونة
يعتمد على سرعتج
انا مخلية واحد بغرفة الخدامة
علشان عيالي من اشوفهم توسخو على طول اييب الرش وارش الثياب وافسخهم وبعد شوي افرك المنطقة وتروح

بالعافية صورت الرش مو راضية كاميرة التلفون
وبعد صراع هذي الصورة

بتحصلونه باي جمعية كبيرة ضمن اشياء التنظيف

نفس المشكله أعاني منها
اللبسة من أول مرة تنتهي صلاحيتها

إن شاء الله أجرب طريقة شهودة ، أميرة بكلمتي و نستفيد مشكورات حبيباتي

انا استخدم صابونة لوكس وافرك مكان البقعة واذا مافاد استخدم الفانيش وافرك مكانها واذا مانفع اضيف صابون تايد او غيره واضيف الفانيش في طشت مع ماء وانقع الملابس حتى لو اتركهم كم يوم وبعدين تروح البقعة لكن الصور المطبوعة على بعض الملابس ممكن تخترب اتمنى فهمتوا قصدي اللي مثل الاستيكر

اخزاتي مره كنت عند اهل زوجي نتغدى وبنتي اخدت رمانه وكانت حمراء ولبسها ابيض

فيه الوان المهم تغيرلونه وتبقع بقع بنفسجيه حقت الرمان وقالو بتخسري لبستها

جربي فانش قلت لهم مجربته السائل والحبيبات ومانفع لكن انا استخد

اومينو قالو نتحدى اذا جبتيه مره ثانيه نضيف وماغسلته الا ثاني يوم الظهر وراحت البقع كلها ورجع

كانه جديد

هو سائل تضعيه على البقعه وهي ناشفه وتتركيه من عشر دقائق الى ربع ساعه حسب قوة البقعه وبعدين ياتغسليه في الغساله او تشطفيه بيدك مع قليل من الفرك


وهاي صورته لاني مره تكلمت عنه وماعرفتوه







اذا ماحصلتو ه في المراكز بتشوفوه في رامز وسعره 7 ريال بس

جربو ما بتخسرو شيء

اني استخدمت فانيش والصابونه الحجر واستخدمت اومينو
اومينوا ينفع كثيييييييييير

صباح الورد على الحلوين...نجرب اومينو ..

مشكورات خواتي ع المعلومه

حبيبتي ما في احسن من الصابون القالب البلدى تفركى بيه البقعة تروح والافضل اول ماتصير البقعة تنقعيها في ماء بارد علي طول لانه اذا ضلت بالملابس تصعب ازالتها

شكرا لكل اللي جاوبتني بس اغلب المساحيق اللي قلتوا عليها مو موجودة هني

انا استخدم الصابون المبشور طبيعي وداخل فيه زيت زيتون وصحي للاطفال

بصراحه اكثر شي استخدم التنقيع

والملابس البيضه انقعها بشويه كلوركس

وحتى الملونه إذا الألوان فاتحه

واستخدمت اومووا وانقع الملابس تروح البقع

وبعض الأحيان انقعها في صابون القالب بس ما ادري شنو يسمونه في اماكن ثانيه

اتمنى اني افدتك

وفي افكار ثانيه بعد ما قصروا الخوات

انا استخدم الصابون الوكس وتختفي البقع واغسلها على يدي موبالغساله لان الغساله تعدم الملابس تخليها كانها قديمه وجربي وشوفي

انا جربت بتنورة اختي الجديدة استخدمت الوان ولونت هم التنورة فقمت خذيت معجون اسنان وحطيت مسحه على كل بقعة في التنورة وخليتها لين اليوم الثاني وجيت غسلتها وطار كل لون وكان لون التنورة ابيض ورجعت نفس الشي
هذي الطريقة قريتها في مجلة واعتبرتها من اهم النصايح في عالم البقع

عارفه أختي ما المشكله

إنه نوعية الملابس نفسها صارت رديئة...

يعني الملابس ما عادت مثل زمان...تنغسل 10 مرات و تظل كإنها جديده

الحين لو مرتين تحسي كإنك شارياها من سنين

لأن الكل صار يغش في الصنع للأسف...و هذا سبب اللي تشوفيه

فانيش عملوا لنا دعايه قلبت راسنا...على ولا شيء...ما حسيت بالفرق...

أتمنى أشوف الأشياء اللي فادونا بها الأخوات

في أمان الله

والله نفس المشكلة حبيبتي
بس قررت اجرب بعض نصائع الاخوات
وان شاء الله تفيد
شكرا لطرح الموضوع
لانة راح يفيد الكل:)