السلام عليكم ورحمة الله وبركاته
صور من كيمرتي.. قبل شوي مصورتنه.. زوجي سافر الكويت وانا من الملل شلت عيالي وطلعت..
وكنا في الامارات مول انا وعيالي حمدان وسعيده علشان اشتريلهم لعبان لعوزوني..
وعقب ونحن راجعين اشوف السماء مغيمه اقول لبنتي شوفي السماء لونها صاير رمادي يعني بتمطر وهي متحمسه..
ويوم وصلت بيت ابوي اشوفها شوي شوي تمطر.. والا صبيب..
ما صدقت قلت بصور اراوي ريلي..
وبحط صور بعضها لكم..
ما شاء الله امطار الخير..
فناء الخلفي للمنزل..
هني صوة الرعد سبحان الله عيالي كانو برع يوم سمعوه ركيض داخل البيت من علو الصور..
هني وين الدرج داخل البيت الاشجار قامت تتلاطم ابعضها من شدة الرياح..
طبعا البيت كله زجاج يعني المنظر كان واااااااااااااااااااااااااااااو.. ما شاء الله..:rolleyes:
الصور مش واضحه بس حاولت اصورها بالقريب.. خفت ان كيمرتي تحترب من المطر.. ههههههههههههه..
والحمدلله على رحمته..
