أسعد الله صباحكم بالخير و النور و السرور (f)
مثل ما شفتوا في العنوان، جبت لكم معاي طريقة همبرجر دجاج صنع البيت... صحي و لذيذ :D
نبدأ بسم الله مع الطريقة و الصور...
في بادية نخلط هذي المقادير مع بعض:
صحن صدور دجاج، فرمتها بالفرامة، أو دجاج مفروم جاهز
قطعتين توست، فرمتهم مع الدجاج
بصلة صغيرة مفرومة فرم ناعم
فصين ثوم مفرومين
بقدونس و كزبرة مفرومين
بيضة
ملعقة كبيرة صلصة الباربكيو
ملعقتين كبار صلصة أجنحة الدجاج الجاهزة، و اللي تحب الحار ممكن تزود أو تحط شطة
بهارات مشكلة (ملح-فلفل أسود-فلفل أحمر-كزبرة-قرفة)
بعد ما نعجنهم مع بعض، نشكلهم أقراص و نصفهم في صينية فرن مدهونة بزيت زيتون، و نرش عالوجه بعد شوية زيت زيتون... أنا صار عندي 6 أقراص...
ندخل الصينية الفرن و نحمرهم عالوجهين، تقريباً لمدة نص ساعة...
بعدين نجهزها حسب رغبتنا و بالعافية على قلوبكم (f)
