لو البنت تخطب بدل الشاب .. تخيلوا موقف الشاب

السلام عليكم


لو البنات بدال الشباب شوفوا وشلون يخطبون


تخيلوا الموقف معي خلاص :wink:،،،،،، يله

*******
يعني تتفاجأ في يوم وأنت قاعد تقرأ كتاب رومانسي و مشغل

أغنية رايقة و سرحان في حبيبة مجهولة :eek:, الا و أمك داخلة عليك

و توها جاية من الاستراحة و تقولك: يا ولدي ودي أكلمك في موضوع.

ترد أنت بكل خوف : خير يمه؟

تقول أمك: ترى جارتنا أم خالد تبي تخطبك لبنتها.

وأنت ما شاء الله كبرت و احلويت وكلن يبيك. ها وش رايك؟

ثم تنزل أنت راسك في الأرض و تلعب باصبعك في شعرك (أو شنبك)

و ترد و أنت مستحي و خدودك حمرة (هذا إذا كنت محلق اللحية) :o و تقول:

الشور شورك يا يمه إهئ إهئ

تقول أمك: أنا بصراحة ما أشوف في البنت شي. ما شاء الله عليها محترمة

و وظيفتها زينه و راتبها ممتاز و من عايلة محترمة و من البيت للمسجد

و من المسجد للبيت . ولا عندها سوالف السفر و الخربطة

و لا تروح لاستراحات البنات. يعني بنت ما عليها.

تقول أنت : بس يا يمه هي ما شافتني من أول. أنا دايما متلثم بشماغي :cool:

تقول أمك: هي شافتك و أنت نازل من باص المدرسة بس و سألت عنك

و قالوا لها خوش ولد ماهوب راعي سوق و كوفي شوب و ما يطلع الا مع ابوه.

و تراها هي و أمها جاين يوم الخميس علشان يشوفونك.

تسال أنت: اوكي يمه ابوي شرايه

تقول أمك: أبوك ما يدري خليه حايس في المطبخ يحضر عشا.

تقول أنت :اللي تشوفينه يمه.

وتطلع أمك من الغرفة

وتنط أنت قدام المراية و تاخذ نص لفة يمين و نص لفة شمال

تشوف جسمك و تمشط شعرك و شنبك بدلع و تقول

: اه اخيرا حست و خطبتني.:D

و قبل يوم الخميس تروح أنت لكوافيير رجالي و تكون مسوي

حجز و تقعد و تصبغ شعرك (ميش) و تحف حواجبك و تشيل شعر يدك

و رجلك بحلاوة و تطلع زي فلقة القمر

وتجي البيت و تلبس الثوب اللي فصلته عند المصمم( عبده شولق)

لثياب الأعراس و الحفلات واللي فيه فتحة من عند الساق و فتحه في

الظهر و بدون اكمام و ذاك المكياج وذاك العطر و تنزل للصالة

ويقولك أبوك : يالله دخل العصير على خطيبتك ترى أمك ذبحتنا تسال عنك

تقول أنت بكل خجل: واي واي يا يبه أنا استحي

أبوك يقولك وهو يطق على كتفك و يضحك يا ولد روح لعروسك إهئ إهئ

تقول أنت: يا يبه دايما تحرجني أنت واي واي

و تاخذ صينية العصير و تخش المجلس اللي فيه البنت و تقول بصوت

ناعم: احم احم الس سسسلام عليكم(صاير حكيم على غفلة)

ترد هي بعد ما وقفت و عليكم السلام ( و هي تناظر فيك و في كل قطعة فيك)

و تقولها تفضلي

تقول هي: وش الاحلى العصير الاحمر و لا الأصفر؟ بزعمها تبي تلطف الجو معك

تقول أنت: كله حلو

تقول هي: أكيد كله حلو لانك أنت اللي مسويه :o


ثم تحط الصينية بسرعة و يدك على فمك و تضحك و تروح داخل بسرعة

الا إخوانك يستنونك و يقولون: ها وشلون شكلها

تقول أنت: واي واي تهبل تهبل حلوة و دمها خفيف و ذوق اهههههه

الا أبوك من المطبخ (يزغرط بالمصري)

لللللللوووولللللوووووشششششششش مبروك يا ولدي

الا بدخلة أختك العربجية من بره و حاطه عبايتها على كتفها

و معلقة السجارة في فمها و تقول : خير وش فيه

يقوله أبوك : قصري صوتك في وحده داخل خطبت أخوك

تقول أختك: وهي وين شافت اخوي علشان تخطبه هاه؟؟؟؟ :mad:

و تعطيك كف و تصرخ والله لالعن أمها اللي جايه تخطب اخوي

إلا بدخلة أمك و تضرب أختك كف و تطلع أختك بالسيارة و تشفط

و تروح للاستراحة البنات . ::

و تمر الأيام و أنت تجهز ثوب العرس و الكوشة و بيت الزوجية

و خلال هالفترة تمرك زوجتك بالسيارة تتمشون و تحاول

إنها تمسك أيدك و أنت مستحي ( ومن هناك ودك و بتموت)

و يجي يوم العرس و تقعد أنت في الكوشة و كل الشباب حوالينك

يرقصون و يغنون على أنغام طيران فرقة الشاطئ للرجال

وشوي الا العفسة قايمة : ترى العروس جايه (i)


و ينطون الرجال و الشباب كلن يلبس شماغه و يتلثم

و تدخل العروس مع أمها و أخواتها (أخواتها يتمخترون قدام الشباب )

و تقعد العروس جنبك و ترفع الطرحة (طرحة البسام بصمة خمسة)

و تقولك: الله صاير مثل القمر (y)

ثم تلف وجهك وأنت مستحي :o

و يتم الزواج و بعد تسعة شهور الا أنت تصرخ في الليل فيك الطلق :ss:

و يودونك المستشفى و تولد و تجيب توأم

وتطلع من المستشفى إلى بيت اهلك علشان ينفسك أبوك ( النفاس 40 يوم)

و تاخذها زوجتك فرصة و تسافر مع البنات و يهيصون قبل

ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك :confused:

ويزيد حدة الخلاف و تاخذ شماغك و عيالك و تروح لبيت اهلك

و تصلح أمك ما بينكم و ترجع الحياة مثل أول.

منقوووووول بس زدت عليه الصور للإثاره
ههههههههه شو رايكم ؟؟ فــنــتــكه