حبيت أعرضلكم بعض صور مكياجي, طبعا أنا من أشد المحبين للميك أب و دايما أشتري أشياء يديده :)
عموما هاي بعض الصور و أتمنى تعجبكم:
رجاء لا تنقلون موضوعي أو أي صوره منه و شكرا :15:
السلام عليكم (f)
بصراحه حبيت أشكركم على تفاعلكم مع موضوعي الأولاني (صور مكياجي) :15:
وايد بنات قالولي أنه الميك أب عبيهم و يحبون يعرفون من وين عشان جي قلت بنزل كذا موضوع و بشرحلكم فيهم من وين خذت المكياج.
اليوم بقولكم عن الأساس و أحمر الخدود أو البلشر
خلونا نفتح شنطة المكياج و نشوف شو فيها
أول شي عندنا من اليسار البرايمر من ماك و فيه حمايه من الشمس و بعدين عندي That Gal من Benefit هذا ايضا ينحط قبل المكياج و ممكن تعتبرينه برايمر و أخيرا عندنا Photo Touch من SmashBox هذا أنا دايما أستخدمه فالمناسبات قبل الأساس لأنه يعطي للبشره ملمس مخملي حلو
هني أيضا عندي مجموعة أساس من اليسار Matt Touch اللي يشيل اللمعه عن البشره و بعدين برايمر و أخيرا كريم أساس Matt. و كلهم من YSL
و بعدنا نستمرين مع الأساس و عندي من اليسار كريم أساس ماركة كريولان و أستخدمه للمناسبات لأنه ثقيل شوي و بعدين Loose Powder من makeupforever و بعدين F Y Eye من Benefit و هو أساس للعيون عشان بثبت الشدو و فالنهايه عندي بودره مضغوطه من Givenchy
الحين بننتقل للبلشر و في هاي الصوره من اليسار 06 و 02 من ماركة Givenchy
وهني من اليسار Oasis و Angelika من NARS
من اليسار أيضا Elegant Beige و Silk Rose من ماركة Make-Up Studio
أما هني من اليسار 15 و 17 من YSL
و في هالصوره من اليسار البلشر الكريمي 28 من Inglot و البلشر البرتقالي من YSL
و في ختام مجموعة البلشر هذا بلشر 421 من ماركة Estee Lauder
و في الختام هاي صورة لمعة الوجه من Guerlain أحطها بعد ما أخلص المكياج عشان تعطيني لمعه حلوه للمناسبات
أتمنى أنكم حبيتوا موضوعي و ترقبوا الأجزاء اليايه قريبا (f)
يرجى عدم نقل موضوعي أو أي صوره منه و شكرا