محتاجة رايكم يا بنوتات...........

حبيبتى فى كذا نقطة لازم تكون واضحة ليكى الاول

1- اولا اكيد انتى عارفة اضرار الصبغة من تقصف و بهتان و خشونة و تقصف فى الشعر غير كدة كمان اى واحدة بتصبغ شعرها كتير بيطقطق كلة فى الاخر يعنى ممكن تبقى فى نصف العشرين او حتى مكملتيش عشرين و شعرك كلة طقطق ابيض بقتى 50 و انتى لسة عندك عشرين و دى طبعا بعد كدة هيخليكى غصب عنك تصبغى دايما لان اللون الابيض بيقلب اورانج مع الحنة فا مش هيكون عندك خيار غيرتدمير شعرك لللابد باستخدامك المتواصل للصبغة

2- انا مش كليا ضد الصبغة بس انا شايفة ان الواحدة كدة كدة لما تكبر هتظطر تصبغ علطول فا الموضوع مش ناقص كمان تضمرى شعرك و انتى صغيرة انا مع الصبغة الخفيفة فى مناسبة مثلا او للتغير + عناية مكثفة

3- لكن فكرة انك صبغتى شعرك فى العيد الصغير و عايزة تصبغى تانى فى العيد الكبير دى دمار شامل بجد

4- و بعدين انا مش بحب فكرة خالص ان حد يشترى صبغة من الصيدلية و يحطها هو لوحدة كدة اولا لان فى احتمال 90% ان يطلع اللون الى مش انتى عايزة و دى طبعا هيعصبك فا تظطرى تصبغى تانى عشان تحسنى اللون الى طلع معاكى و كدة بقى نقول البقاء للة على شعرك خالص انا شايفة انك حتى لو فكرتى روحى طبعا احسن مليون مرة لكوافير نضيف اوى يعملك هو اللون الى انتى عايزة و عايزة اقولك ان فى نوع صبغة من لوريال خفيف جدا على الشعر اقل موت من الصبغات التانية فا لو لقتى حد بيعمل بيها يبقى احسن كتير لو انتى من مصر فى واحد اسمها اميرة بتشتغل بيها

5- و طبعا فى شامبوهات و لاين كامل للشعر المصبوغ عشان يحافظ على اللون لاطول وقت ممكن فى من VO5 لاين كامل لونة احمر

بس لو عايزة نصيحة بجد

مش تصبغى شعرك خالص على الاقل سنة كدة و اهتمى بى و اعمليلوا برنامج تمشى علية

و عايزة اقولك ان التغير مش بس بلون الشعر لا التغير بالقص و لو هتموتى و تصبغى فى شامبوهات الملونة دى بتستخدميها عادى اكنها شامبو و اللون بيروح من 2- 6 غسلات على حسب و دى اخف بكتير طبعا

تقبلى تحياتى(f)