سؤال بالنسبه لتجهيز البيبي

والله حبيبتي انا عن نفسي ان شالله عقب العيد بـقعد اشتري لها بس ماعتقد كل شي لان أحين ثياب شتويه
وانا اذا ربيه ان شالله بيكون بجينا الصـيف مب شـتا

وفي ناس يبدون من الشهر السابع وفي وانا اعرف وحده ع طول أول ماعرفت أنها حامل كل ماتشوف شي تشتريه ^.^

وتحياتي..

أنا بالنسبة إلي ما بشتري أي إشي أبل ما أعرف جنس المولود يعني من الشهر الخامس للحمل ولما تعمل المحلات sale بستغل الفرصة وبجيب معظم أشياء البيبي متل العرباية وكرسي الأكل والكراجة وكرسي السيارة

بالنسبه لي ان شاء الله ببدا من بدايه الشهر السابع
مع اني حاسه اني راح اولد في السابع لاني اصلا مولوده في نهايه السادس و نص اخواني في البيت مولودين في السابع .. واحسها بتكون وراثه و بطلع مثل امي اولد في السابع
ان شاء الله ما اولد فجاه قبل ما اجهز
الله يثبت حملنا كلنا الى حين موعد خروجه بالسلامه

السلام عليكم حبيبتي و الله يقومك و جميع الحوامل بالسلامة يارب،،

بالنسبة للبيبي يعني في نهاية السادس أو خلال السابع و الثامن.. و ما تدخلين التاسع إن شاء الله إلا شارية كل شي و بس تجهزين شنط المستشفى (أغراضك و أغراض البيبي)

ممكن من الخامس تبتدين تشترين و تستغلين فرص التخفيضات.. أو إذا عجبك شي و حابة تاخذينه مثلاً،، مع مراعاة الطقس إلي راح تولدين فيه بإذن الله..

التجهيز في الشهور الأخيرة مثل السابع و الثامن يكون متعب شوي الصراحة بس الحامل في آخر شهور أحسن تتحرك و تمشي عشان يساعد في الولاده و نزول البيبي في الحوض و غيره بإذن الله.. بس بدون إجهاد زايد طبعاً..

برأيي أحس إن الشهر السادس و السابع أفضل شي.. بحيث ما تكونين وايد ثقيلة و بنفس الوقت مو وايد مبكر..

أما الأغراض الصحية للبيبي مثل الشامبو و أغراض الإستحمام و الصيدلية و غيره تخلينه للأخير أحسن، وقت إلي تبين تجهزين شنطة البيبي..

لا تحاتين بشأن جنس البيبي وايد لأن من الأفضل تاخذين ألوان محايدة في البداية..

و إن شاء الله باقي البنات يفيدونك و تقومين إنتي و البيبي بالسلامة يااارب :-)

و الله انا اشوووف انه ف السادس او السابع افضل

انا بعد اقول في السابع واجد زين

مشكوريين عالردود
بس المشكله انه في كثير يقولون انه بعد السادس الوحده تثقل ويصير مالها خلق شي

خخخخخخ
تثقلين صح عن كل شي بس إذا كان الدعوة فيها
سوووق
وخصوصاً إذا بتشتري ملابس للبيبي
صدقيني راح تكونين اخف من زوجك
أسأليني عن تجربة ههههههه
الله يسهل عليك ويقومك بالسلامة

مجرد ماتعرفين جنس البيبي جهزي شوي شوي وبعدين على الشهر السابع والثامن حاولي تخلصين التجهيزات عشان مايجي الشهر التاسع الا انتي مرتاحه ما عدا اغراض البيبي الي من الصيدليه خليها على التاسع افضل ..والله يسهل عليش وعلى الجميع يارب ..