الثانوية العامة بالبحرين؟؟

صباح / مساء الخير

بنات انا عندي مشكلة في بنت خالتي واتمنى اتساعدوني اني احلها لها

المشكلة اهي انه البنت دشت ثانوية عامة تخصص علمي وبسبب ظروف قاسية عليها ما قدرت اتكمل الا الاول ثانوي وبعدها دشت ثاني ثانوي ورسبت في أكثر المواد وكان والدها يبي ينقلها الى مدرسة ثانية بحجة انها اقرب حق بيتهم وهي كانت رافضة هذه المدرسة وما تبي تدرس فيها بس راحت غصب بس كل يوم كانت توقف عند الباب لحد ما يجي وقت الهدة او انتهاء الدوام ويجون اهلها لها وطبعا هاي كان اول الى ثاني اسبوع بس من بداية المدرسة وعقب قالت لهم انا طلعت من المدرسة وهي كانت حابة اتكمل المدرسة واتصير مهندسة ودشت التخصص عن قناعة بس لظروف نفسية ومادية ما قدرت اتكمل ، لكن الحين اهي ودها اتكمل وموب عارفة شنو اتسوي هل اتروح تقدم على منازل وتدرس في البيت او تروح الى معاهد يقدمون دراسة الثانوية العامة الاجنبية وبتكاليف باهضة الثمن وعلى فكرة البنت تشتغل الحين يعني تقريبا تقدر تشيل روحها او انها تسلم امرها لله واتقول خلاص هذا قدري معنى اهي حابة اتكمل وما تدري ويش اتسوي وعلى فكرة عندنا بالبحرين اذا درست هذه الشهادة الاجنبية لازم اتروح اتعادل المواد واتصدقها من السفارة عشان اتصير معترف فيها ، والبنت صار لها تقريبا من خمس سنوات هي تاركة المدرسة بس ما تدري شنو اتسوي وتتفشل اذا احد جاب طاري المدرسة او الجامعة والاكثر من هذا انه عندها اخو ومرت اخو كل ما بين فترة وفترة يعايرونها بحجة انه يبونها اتكمل بس بطريقة ومعذرة على اللي بكتبه بس هذا عن لسان صاحبة الموضوع وايقول لها مثلا :( انتي بقرة وما تفهمين اي شي وبعد ايقولون لها كملي احسن بس لازم اضافات جميلة من هذه الاضافات ) وعلى فكرة البنت كانت من الشطار والاوائل وبعدها بدا ينزل مستواها الى حد ما وصلت الى الرسوب وكان هذا بسبب ظروف نفسية ومادية مرت عليها وكانت من اصعب الظروف اللي اتمر على الوحدة يعني مثلا بسبب الظروف المادية انها لما تبغى اتسوي بحث او شي والمدرسة تعطيها مدة معينة اتروح حق والدها انها تبي اتسوي البحث ايقول لها نطري لحد نهاية الشهر واتطوف المدة فما تقدر اتقدم البحث واتضييع علامتها وما كان عندها لا انترنت ولا كمبيوتر في ذاك الوقت مع العلم البنت شاطرة وقوية جدا في الانجليزي والرياضيات بحكم كانت في مدرسة خاصة في الابتدائي وبعدها كملت بحكومة وكانت بالعكس وايد متفوقة بس من وصلت الى الثاني الاعدادي وبدا ينزل المعدل الى ال 80 وبعدها في الثالث اعدادي وصل الى 60 لحد ما دشت الثانوي ورسبت ، وعلى فكرة البنت اتحاول اتطور روحها من خلال دراستها لبعض الكورسات مثلا درست شهادة احترافية في المحاسبة يعني كدروس مساعدة لها عشان تقدر تشتغل وتعوض اللي فاتها والحين بعد قاعدة اتقوي لغتها الانجليزية اكثر واكثر وبتدرس في البريتش كونسل بس اهي حابة اتكمل الثانوية وماهي عارفة شنو اتسوي ؟

شنو تنصحون اتسوي


ابليز قولي لي الحل ولكم دعوة حلوة من قلب والله يجزاكم الف خير ( هذا عن لسان البنت )


ملاحظة : نسيت اقولكم البنت حالتها متدهورة نفسيا لانها تبي تكمل وتحاول وتحاول لكن ما تلاقي الا الاحباط وكل يوم والثاني تموت روحها من الصياح :confused::confused::confused::confused:


وأعذروني على الاطالة بس حبيت اشرح حالتها من الالف الى الياء