السلام عليكم خواتي بعد تفكير وتردد كبير قررت ان أكتب موضوعي مع ان الشكوى لغير الله مذله
انا متزوجه من ولد خالتي وهذه هي المشكله يعني امي تعرف بعيوب زوجي من قبل ما أتزوجه لان أمه ماقصرت فضحته عشان تسوي مشاكل بيني أنا وزوجي بس أنا ما اهتميت لأنها أشياء صارت قبل الزواج فما اقدر أعاتبه
وحاولت اعيش وياه على الرغم من كثر الحاسدين ومن ظلم أمه وأعوذ بالله منها والله انها شرانيه لأبعد الحدود وقذره بطبعها وتفكيرها
بس أنا عشت ويا زوجي على الرغم من مشاكل أمه ويبت منه عيال بس كل مايصير بيني انا وزوجي مشاكل تعرف فيها أمي يا عن طريقي أو عن طريق امه والأكثر عن طريق أمه تم أمي تييب لي سوالفه مال أول ان هو كان على علاقات وان هو راعي سوالف ومايستاهلج وهومايحبج وهو منافق
وانا اسمعها وافكر ان أطلق وبعدها تقولي اصبري عليه عشان عيالج ومره تقول هو طيب بس أمه ومره تقول كيف صبرتي عليه
والله أنا احترت يعني قلبي لعبه مره تقول رمسه ومره تغير وزوجي أنا أحبه وما أرضى عليه وساعات تتلفظ عليه بألفاظ ماتعيبني وانا أسكت بس انقهر من داخلي
والله زوجي طيب وااااااااايد يحبني مستحيل يكون منافق واحس ان كل مايي بيت أهلي تستوي من بينا مشاكل
أنا ما أعرف شو أسوي صرت من بين طرفين زوجي وأمي الي ما أقدر أزعلها لانها مريضه
شو الحل ياربي
أمي بتكون سبب في ضياع حياتي
أ
26-11-2008 | 02:05 AM
ب
26-11-2008 | 02:15 AM
اختى نصيحه من اخت لاختها
حتى لو كان الكلام الى قالوه عنه صح!! بس هذا ماضي وكل انسان عنده ماضي
يعنى الشي صار وانتهى وما تقدرين تعاتبينه عليه
الحين انتى زوجته واقرب وحده بالنسباله
وانتى مثل ما تقولين واثقه من حبه لج وانتى تحبينه فليش تسمعين كلام امه ولا امج وتخربين عليكم
لو انه كنت مكانج ما بخلي كلام امى ولا خالتى ياثر علي مهما قالوا اسمع واسكت
سمعى الكلام وسكتى ولا بتدين اى اهتمام ابدا طنشي ولا كانج سمعتى شي ولا تهتمين
عيشى حياتج واهم شي الثقه بينكم
والله يوفقج حبوبه ويديم المحبه بينكم
حتى لو كان الكلام الى قالوه عنه صح!! بس هذا ماضي وكل انسان عنده ماضي
يعنى الشي صار وانتهى وما تقدرين تعاتبينه عليه
الحين انتى زوجته واقرب وحده بالنسباله
وانتى مثل ما تقولين واثقه من حبه لج وانتى تحبينه فليش تسمعين كلام امه ولا امج وتخربين عليكم
لو انه كنت مكانج ما بخلي كلام امى ولا خالتى ياثر علي مهما قالوا اسمع واسكت
سمعى الكلام وسكتى ولا بتدين اى اهتمام ابدا طنشي ولا كانج سمعتى شي ولا تهتمين
عيشى حياتج واهم شي الثقه بينكم
والله يوفقج حبوبه ويديم المحبه بينكم
ب
26-11-2008 | 02:22 AM
أختي صارحي أمك قولي لها
انا تزوجته عن اقناع وانا أحبه كما هو
وما أريد أن أخرب بيتي وافرق أولادي عن أبوهم
ولكن بطريقة لطيفة وأسلوب طيب
والله يفرج همك
.
26-11-2008 | 02:29 AM
حبيبتي انصحك نصيحه انا عارفه ان الكلام يحز بالخاطر ويأثر بس دام زوجك ابن حلال معاك خلاص انتهى الموضوع انتي لا تتكلمين عنه قدام امك الا بالخير واذا ع المشاكل ترى تسير بكل بييت بس خلي عندك عقل وحكمه في حلها بدون الجوء الى امك لاكن اذا سار وعرفت وبدأت وقتها تتكلم عن زوجك وقفيها بكل ادب واحترام وبكل اسلوب حلو وقوليلها انك ما ترضين عليه وانه مهما سار هو ابو عيالك ,,,
وكمان جيبي هدايا لامك وقوليلها انها من عند زوجك عشان تحببينها فيه والله يوفقك ,,
وكمان جيبي هدايا لامك وقوليلها انها من عند زوجك عشان تحببينها فيه والله يوفقك ,,
(
26-11-2008 | 08:47 AM
قوليلها يمه هذي حياتي .. خليني انا اتصرف في حياتي بالشكل اللي اشوفه مناسب ورجاء لاتدخلين في حياتي ..
وخلاص ..
لان صج هذي حياتج وانتي ادرى بمصلحتج وان تدخل طرف ثالث بينكم بتخترب السالفه ..
وخلاص ..
لان صج هذي حياتج وانتي ادرى بمصلحتج وان تدخل طرف ثالث بينكم بتخترب السالفه ..
ش
26-11-2008 | 09:26 AM
شوفي فديت عمرك
انتي تحبين زوجك خلاص
اذا رحتي لاامك قولي لها عن مدح لزوجك ولاتجيب لها المشاكل
وقولي لهاتغير وصار زين وحت هو قوليه لاتطلع مشكلنا برع
دمتي بود
انتي تحبين زوجك خلاص
اذا رحتي لاامك قولي لها عن مدح لزوجك ولاتجيب لها المشاكل
وقولي لهاتغير وصار زين وحت هو قوليه لاتطلع مشكلنا برع
دمتي بود
a
26-11-2008 | 09:53 AM
الله يعينج اختي ويصبر قلبج
م
26-11-2008 | 10:00 AM
هلا بك أختي
أختي الحل بيدك إنت
وقت ما يكون في مشاكل...و هذه تصير لكل العائلات...ما تجيبي سيرة لوالدتك...
و حتى لو حسّت أو سمعت من أختها...و كلّمتك...قولي لها لا يا يمّه ما في شيء ابدا...زوجي عمره ما زعلني...
على فكره...كثر كلامك عنه بالخير راح يأثر فيهم بشكل أكيد...
يعني دايما إمدحي فيه أمام والدتك بالذات...و حتى أمام والدته...
مرة على مرة راح يلاقوا ما في فايده منك...و خلاص إنتي مقتنعه بزوجك...راح يبطلوا يكلموكي في هالموضوع
الله يوفقك إن شاء الله
أختي الحل بيدك إنت
وقت ما يكون في مشاكل...و هذه تصير لكل العائلات...ما تجيبي سيرة لوالدتك...
و حتى لو حسّت أو سمعت من أختها...و كلّمتك...قولي لها لا يا يمّه ما في شيء ابدا...زوجي عمره ما زعلني...
على فكره...كثر كلامك عنه بالخير راح يأثر فيهم بشكل أكيد...
يعني دايما إمدحي فيه أمام والدتك بالذات...و حتى أمام والدته...
مرة على مرة راح يلاقوا ما في فايده منك...و خلاص إنتي مقتنعه بزوجك...راح يبطلوا يكلموكي في هالموضوع
الله يوفقك إن شاء الله
ا
26-11-2008 | 10:26 AM
هلا اختي
اختي لا تخليهم يدرون بمشاكلج حتى لو عندش شي فضفضي حق احد غيرها ليش تخبرينها اصلا او خالتج ليش تخلينها تدري
امج اتحبج يمكن تضايق وتقط اي كلام بس ما تبغيج تهدمين بيتج والدليل كلامها اصبري عليه عشان عيالج ومره تقول هو طيب بس أمه
وانتي قلتي بكل ثقه
والله زوجي طيب وااااااااايد يحبني مستحيل يكون منافق
مادام عندج ثقه بزوجج وبحبه ما عليج من احد او ايش يقولون
واذا كانت روحته عند اهلج تسبب مشاكل لا يروح الا اذا تقدري تهدئي الموضوع
تمنياتي لج بالتوفيق والحياه السعيده
اختي لا تخليهم يدرون بمشاكلج حتى لو عندش شي فضفضي حق احد غيرها ليش تخبرينها اصلا او خالتج ليش تخلينها تدري
امج اتحبج يمكن تضايق وتقط اي كلام بس ما تبغيج تهدمين بيتج والدليل كلامها اصبري عليه عشان عيالج ومره تقول هو طيب بس أمه
وانتي قلتي بكل ثقه
والله زوجي طيب وااااااااايد يحبني مستحيل يكون منافق
مادام عندج ثقه بزوجج وبحبه ما عليج من احد او ايش يقولون
واذا كانت روحته عند اهلج تسبب مشاكل لا يروح الا اذا تقدري تهدئي الموضوع
تمنياتي لج بالتوفيق والحياه السعيده
أ
26-11-2008 | 01:04 PM
مشكورات خواتي وان شالله كلامكم على العين والراس
@
26-11-2008 | 01:08 PM
مرموم;7886825:
هلا بك أختي
أختي الحل بيدك إنت
وقت ما يكون في مشاكل...و هذه تصير لكل العائلات...ما تجيبي سيرة لوالدتك...
و حتى لو حسّت أو سمعت من أختها...و كلّمتك...قولي لها لا يا يمّه ما في شيء ابدا...زوجي عمره ما زعلني...
على فكره...كثر كلامك عنه بالخير راح يأثر فيهم بشكل أكيد...
يعني دايما إمدحي فيه أمام والدتك بالذات...و حتى أمام والدته...
مرة على مرة راح يلاقوا ما في فايده منك...و خلاص إنتي مقتنعه بزوجك...راح يبطلوا يكلموكي في هالموضوع
الله يوفقك إن شاء الله
متفقة مع كلام الاخت مروم ,,, كلامها عين العقل فعلا :)
ر
26-11-2008 | 01:37 PM
شوفي ياعسل من الان ورايح لاتقولي لامك بمشاكل اللي تصير بينكم
وحتى زوجك لايقول لامه خليها سر بينكم وتصرفوا بكل حب واحترام مع بعض
قدامهم اوكي..
وامدحي زوجك قدام امك وطلعي محااااسنه وطريقه مع اولاده وحبه لك ووووووو
وكمان وقفي امك اذا تكلمت عن زوجك بدون احترام بس بطريقه لطيف وخليك حااازمه
مثلا"امي حبيبتي هذا زوجي ابو عيالي احبه ويحبني وياما شفت منه كل حب وموده ومو
مقصر معي ولا مع العيال فارجوك مارضي ان اسمع عليه كلام زي كذا"
وربي يسعدك مع زوجك ويسخر لك يارررب
وحتى زوجك لايقول لامه خليها سر بينكم وتصرفوا بكل حب واحترام مع بعض
قدامهم اوكي..
وامدحي زوجك قدام امك وطلعي محااااسنه وطريقه مع اولاده وحبه لك ووووووو
وكمان وقفي امك اذا تكلمت عن زوجك بدون احترام بس بطريقه لطيف وخليك حااازمه
مثلا"امي حبيبتي هذا زوجي ابو عيالي احبه ويحبني وياما شفت منه كل حب وموده ومو
مقصر معي ولا مع العيال فارجوك مارضي ان اسمع عليه كلام زي كذا"
وربي يسعدك مع زوجك ويسخر لك يارررب
أ
26-11-2008 | 01:45 PM
مشكورات خواتي للمره الثانيه بس زوجي ما يقول حق أمه أي شي ولا أنا بس هي شرانيه لأبعد الحدود يعني واايد مرات تطرش عيالها يتجسسون علينا شو نقول أنا وريلي داخل الغرفه أو اذا ريلي عصب او شي تسمع وعلى طول تتصل في أمي وتقول لها أنا سمعت وأنا سمعت وبنتج ما قالت لج وفي مشاكل من بينهم وحتى اكتشفت ان الخدامه تودي لها الكلام وتعطي الخدامه فلوس زياد يعني فتره يتني أنا ارقد بروحي في غرفة وزوجي في غرفه لاني كنت حامل وتلوع جبدي من زوجي فقلت له روح بعيد عني راحت الخدامه قالت لها مدام نوم غرفه بابا غرفه راحت خبرت الكل ان في بينا مشاكل واحنا مافي بينا شي حسبي الله ونعم الوكيل حتى توصل انها تفتش زبالتنا شو فيها واذا شافت شي على طول تتصل في أمي وتقول لها شفت كرتون حلاوه شفت عشا من برع وكله في الزباله حتى أمي صارت تكره أختها بس أنا اعرف ام ريلي شرانيه بس أمي والله انها تأثر فيني يوم تشكى من ريلي حرام والله ان أحسن من وااااايد رياييل وان شالله بسوي الي قلتولي عليه
س
26-11-2008 | 01:50 PM
اختي حبيبتي ما دام زوجك يحبك وطيب وسعيده معه ماتسمعي كلام اي انسان حتى لو كانت امك
اسمعي وطنشي
اسمعي وطنشي
u
26-11-2008 | 02:46 PM
الغاليه اتمنى تاخذين كلام اختي مرموم بالاعتبار ..
لكن حبيت اطمنج عندج وعندنا خير .. انا والدتي الله يهداها نفس الشي مره كبيره وماقدر ازعلها وتتنظر الزله على زوجي بحجه بدون تتكلم عليه وكرها له واضح ,, واكثر من مره تلفظت عليه جدامي بالفاظ ماكانت ولازالت لاتعجبني
حاولت طريقه اختي مرموم بي ما نفعت مع امي .. فالحال كان كلاتي .. خفف كلامها شوي بس ما تغير شي من صوبها..
اول شي ما قمت ايب طاريه لا في خير ولا في شر
زياراته خففها وصارت بالمناسبه فقط .. يعني عندج عيدين ورمضان..
مشاكلي محد يعرف عنها ابدا لدرجه ان امي متصوره اني ما تهاوش معاه ابدابدا .. ودام تقول اني عايشه سعيده .. وبدون مشاكل ..
عطيها تصور ان زوجك ينفذ كل رغباتج بطريقه غير مباشره .. وبالشي هذا راح تحس ان زوجك مب قصر عليج ..
انا والدتي عباالها زوجي خاتم في يدي ..
النتيجه .. امج ما راح تتكلم عنه الا في ما ندر وبتتصيد الزله .. واذا ما مدحت ما بتذم...
وبالنسبه لامه اتقي شرها وحاولو لمن تصيدكم مشكله تطلعون وتناقشوها برع بالكورنيش مطعم بالسياره اي مكان واذا الياهل يفهم خليه عند امج او امه ,, وبعد ما تخلصون رجعو .. ودائما دائما مثلي انج سعيده حتى لو كنتي العكس .. او على الاقل ان ماعندج مشاكل..
ام جنى
لكن حبيت اطمنج عندج وعندنا خير .. انا والدتي الله يهداها نفس الشي مره كبيره وماقدر ازعلها وتتنظر الزله على زوجي بحجه بدون تتكلم عليه وكرها له واضح ,, واكثر من مره تلفظت عليه جدامي بالفاظ ماكانت ولازالت لاتعجبني
حاولت طريقه اختي مرموم بي ما نفعت مع امي .. فالحال كان كلاتي .. خفف كلامها شوي بس ما تغير شي من صوبها..
اول شي ما قمت ايب طاريه لا في خير ولا في شر
زياراته خففها وصارت بالمناسبه فقط .. يعني عندج عيدين ورمضان..
مشاكلي محد يعرف عنها ابدا لدرجه ان امي متصوره اني ما تهاوش معاه ابدابدا .. ودام تقول اني عايشه سعيده .. وبدون مشاكل ..
عطيها تصور ان زوجك ينفذ كل رغباتج بطريقه غير مباشره .. وبالشي هذا راح تحس ان زوجك مب قصر عليج ..
انا والدتي عباالها زوجي خاتم في يدي ..
النتيجه .. امج ما راح تتكلم عنه الا في ما ندر وبتتصيد الزله .. واذا ما مدحت ما بتذم...
وبالنسبه لامه اتقي شرها وحاولو لمن تصيدكم مشكله تطلعون وتناقشوها برع بالكورنيش مطعم بالسياره اي مكان واذا الياهل يفهم خليه عند امج او امه ,, وبعد ما تخلصون رجعو .. ودائما دائما مثلي انج سعيده حتى لو كنتي العكس .. او على الاقل ان ماعندج مشاكل..
ام جنى
ق
27-11-2008 | 12:48 AM
الله يصبر قلبج والله وياج
ب
27-11-2008 | 12:58 AM
اول شي اختي لا تطلعين مشاكلكم لا لامه ولا لامج خلي الشي بينكم انتو بس حتى لو صارت بينكم مشاكل لاتطلعونها بره
عشان محد يتدخل ولا يزن على راسج وهذا زوجج وابو عيالج وانتي مقتنعه فيه وماعليج من كلام امج عنه
اهم شي انتي شنو رايج شنو قرارج محد يقدر ياثر عليج اذا انتي تحبينه وواثقه من حبه
الله يهدي سركم ان شاء الله
عشان محد يتدخل ولا يزن على راسج وهذا زوجج وابو عيالج وانتي مقتنعه فيه وماعليج من كلام امج عنه
اهم شي انتي شنو رايج شنو قرارج محد يقدر ياثر عليج اذا انتي تحبينه وواثقه من حبه
الله يهدي سركم ان شاء الله
ج
27-11-2008 | 01:50 AM
شوفي حبيبتــي
كل انســان وله ماضي ,, واذا زوجج تاب وما عنده هالخرابيط الحين بالعكس تمسكي فيه
ولا تبخلين عليه بمشاعرج
واذا على الوالده الله يهديهــا حاولي ما تفتحين معاها سوالف عن زوجج أو امه
عشان لا تذمه قدامج وتجرحج
حتى اذا تكملت , طنشي السالفه ولا تعلقين
امج بتشوفج سكتي مره ومرتين وثلاث وعشــر ,, هي بنفسهــا بتمل من هالسالفه وبتسكت
واذا ضاقت عليج كلمي امج ما فيها شي
قولي لها (( هذا زوجي الحين ,, وشنو اللي تبونــه بالضبط تبوني أتطلق واتشتت اني وعيالي ؟؟
من تاب تاب الله عليه
وفي النهايــة هذا زوجي أبو عيالي ))
وحاولي حبيبتـــي اذا صادتج أي مشكله مع زوجج لا تلجأين لأمج وتشكين لهــا
لأنها بتزيد الطين بلــه وانتي مو قاصـــره
الله يسخر زوجج لج ويهدي الوالده والخاله ويحنن قلبهم عليكم
كل انســان وله ماضي ,, واذا زوجج تاب وما عنده هالخرابيط الحين بالعكس تمسكي فيه
ولا تبخلين عليه بمشاعرج
واذا على الوالده الله يهديهــا حاولي ما تفتحين معاها سوالف عن زوجج أو امه
عشان لا تذمه قدامج وتجرحج
حتى اذا تكملت , طنشي السالفه ولا تعلقين
امج بتشوفج سكتي مره ومرتين وثلاث وعشــر ,, هي بنفسهــا بتمل من هالسالفه وبتسكت
واذا ضاقت عليج كلمي امج ما فيها شي
قولي لها (( هذا زوجي الحين ,, وشنو اللي تبونــه بالضبط تبوني أتطلق واتشتت اني وعيالي ؟؟
من تاب تاب الله عليه
وفي النهايــة هذا زوجي أبو عيالي ))
وحاولي حبيبتـــي اذا صادتج أي مشكله مع زوجج لا تلجأين لأمج وتشكين لهــا
لأنها بتزيد الطين بلــه وانتي مو قاصـــره
الله يسخر زوجج لج ويهدي الوالده والخاله ويحنن قلبهم عليكم
آ
27-11-2008 | 02:23 AM
حبيبتي انتي عارفه زوجك وعارفه طيبته
واذا بتسمعي وبتحطي في بالك راح تخسرينه
لاكن اذا رحتى لأمك تكلمي عنه بطيبته
وحاولي تقولي ان زوجك يمدحها عشان تحبه
وأشتري شي امك تحبه وقوليلها من عند زوجي
وحاولي ان ماأحد يعرف بمشاكلكم وريحي بالك
خليها بينكم وانتو تحلوها مهما كانت كبيره
والكلام اللي يجي من امك لايوصل لزوجك
واذا بتسمعي وبتحطي في بالك راح تخسرينه
لاكن اذا رحتى لأمك تكلمي عنه بطيبته
وحاولي تقولي ان زوجك يمدحها عشان تحبه
وأشتري شي امك تحبه وقوليلها من عند زوجي
وحاولي ان ماأحد يعرف بمشاكلكم وريحي بالك
خليها بينكم وانتو تحلوها مهما كانت كبيره
والكلام اللي يجي من امك لايوصل لزوجك
ا
27-11-2008 | 02:25 AM
مرموم;7886825:
هلا بك أختي
أختي الحل بيدك إنت
وقت ما يكون في مشاكل...و هذه تصير لكل العائلات...ما تجيبي سيرة لوالدتك...
و حتى لو حسّت أو سمعت من أختها...و كلّمتك...قولي لها لا يا يمّه ما في شيء ابدا...زوجي عمره ما زعلني...
على فكره...كثر كلامك عنه بالخير راح يأثر فيهم بشكل أكيد...
يعني دايما إمدحي فيه أمام والدتك بالذات...و حتى أمام والدته...
مرة على مرة راح يلاقوا ما في فايده منك...و خلاص إنتي مقتنعه بزوجك...راح يبطلوا يكلموكي في هالموضوع
الله يوفقك إن شاء الله
صح لسانج مشرفتنا الغاليه :clap: