خلطة جربتها على شعري وطلعت شعري ناعم

صباح/ مساء الخير

إشلونكم بنات شخباركم؟ إنشاء الله كلكم بخير وبصحة وعافية

انا جربت خلطة على شعري وطلعته ناعم الملمس بس قبل ما اقول لكم الخلطة بقولكم شعري ومميزاته العجيبة :ss:

1. شعري جاف ومتقصف
2. كثير التجاعيد يعني بالعربي كيرلي ومن الصغار بعد
3. لما اخذ شاور يتشابك ويصير صعب التسريح ولازم فيها :confused:
4. اذا استشوره لازم اقعد عليه ساعة على الاقل
5. ما فيه لا لمعة ولا شي

وما خفي كان أعظم ولك الحمد يا رب


المهم هذه الخلطة مكوناتها :

زيت الحشيش الاخضر الاصلي وتكون ريحته اشوي خايسة

حمام زيت فاشكول على الثوم

زيت جوز الهند باراشوت

زيت جوز الهند الاصلي


انا جبت كل المقادير وكان حمام الزيت اللي عندي تقريبا ما باقي عليه شي ويخلص يعني تقريبا ربع العلبة ونفس الشي حق الباقي قلت ليش ما اخلطهم كلهم واستخدمهم حق شعري بدل ما اجرب واحد واحد وخلطت الخلطة كلها مع بعض وغلب عليها اللون الاخضر الغامق يعني لون زيت الحشيش وتركتها فترة على التسريحة في الحمام وكل يوم اقول بجربها وانساها

المهم أمس جربتها وخليتها بس مدة عشر دقايق على ما بال أجهز ملابس اللي راح البسها بعد الشاور واجهز الحمام


تدرون شنو النتيجة يا بنات

شعري صار فيه لمعة غريب

وقعدت على الاستشوار بس عشر دقايق

وشعري صار اسهل في التسريح يعني لا تشابك ولا شي

وقبل الاستشوار صار من الكيرلي الحجم الصغير الى الويفوي يعني كيرلي بحجم كبير ومموج حلو صاير وهذه اول مرة اجربه وإنشاء الله راح استمر عليه واقولكم شنو النتيجة


**** بس يا بنات انا بقولكم بعد نصيحة سمعتها من أخصائية الشعر في المستشفى واتقول انه الوحدة قبل ما تجرب الخلطات اي خلطة كانت حتى لو طبيعية لازم اتروح تفحص شعرها وتفحص دمها وتراقب طريقة أكلها لان كل هذا يحدد نوع علاج الشعر ويساعد على توازنه وانا قبل ما اجرب هالخلطة سالتها وسويت الفحص وقلت لها طريقة اكلي ونصحتني اني اجربها لانها إنشاء الله بتفيد