جننتني

شخباركم ..... اكتب لكم وأنا :confused: تعبانه جننتني .......

السالفه وما فيها رزقت برجل الكل حاسدني عليه مرضيني في كل شي الله يرضيه دنيا واخره من شدة بره بوالديه والله يبوس ريل أمه تدرون لما اشوف هالشي استانس اقول ان شاء الله عيالي بيكونون بارين مثله .....
المهم حاولت ارضي أهله بالفعل كسبت قلب أبو ريلي وصار يفضفض لي لكن أمه وما أدراكم ما أمه :eek: جننتني يوم بتلقينها من أحسن ما يكون وعشره بتلقينها مبوزه ومكشره من قلب :angry: وإذا سألتها شفيج يمه تقول ما فيني شي .....
وصرت اتحاشها اسلم واسكت عنها ما اكلمها تدرون ليش اذا قعدت اسألها ولا اسولف معاها عشان اكسر الحاجز ما ترد علي طنشني قلت معليه عشان ريلي بستحمل تصرفاتها ، وفي يوم بنتي مريضه وطرش لي ريلي أكل غرفتي قامت تهاوش وتزعق على الخدامه هذي كله قاعده في غرفتها ما تعرف تاكل مع الناس وهي تدري انه بنتي تعبانه صايدتها نزله وهالكلام جدام الناس والله صيحتني .....
المهم سكت عن الموضوع ومشيته وبنتي الله ييحفظها ما ترقد فالليل عدل يعني تقعدني في الليل اكثر من 5 او 6 مرات ووممكن اكثر المهم الصبح ارقده واقعد الظهر واطلعلهم عقب الظهر او العصر واتم قاعده لين فالليل معاها ولا في فايده لين ياتني خدامتي تصيح مره قلت لها فيج الا تقولي ماما كبير تهاوش أنا <<<< على فكره ليش نتكلم كلامهم :D:D إلا ماما كبير تقول
لها انتي ليش ما خذه الصابون وتودينه غرفه مدام الصغيره الي اهي انا << والله صرت مدام :wink:
والله انا اتقضى اغراض غرفتي ما اخذ منهم شي انزين افرضو خذيت من صابونهم فيها شي
وسكت لانه ريلي مسافر بس ما استحملت واشتغل الخبث (6) كلمت ريلي وقلت له الموضوع لانها صارت ما تطاق ولاني لين الحين ماسكه نفسي وخايفه اغلط وعقب اتحسف ...
المهم الحين صار كم يوم في بيت اهلي تعبانه من الحمل وهي تدري اني كنت بالمستشفى تدرون الكل اتصل يتحمد لي بالسلامه لانه حملي صعب ويباركون لي الا هي مع اني ما غلطت عليها والله يا بنات وامس اتصلت بنتها وقالت امي عتبانه عليج لانج ما تقعدين معاها والله والشاهد الله اني اقعد معاها بس هي ما يعجبها العجب تبيني مرتزه من الصبح عند بابها اهي لو تاخذ بنتي يوم بتعرف ليش انا ما اطلع الصبح ....
بس فرجت والحمد الله :smile: ريلي عقب الي صار خصوصا موضوع الصابون مات من الغيض لانه قايم بكل شغلها مع أنه اغلب عيالها يعتذرون عن القيام بشغلها الا هو يدوس على نفسه بس ما قدرت هالشي وقرر انه لما يرجع من الحج لانه الله يحفظه مشرف في احدى الحملات يدور لنا شقه ولا النار الي احنا فيه .....

ليش جذي صاروا أمهات الريل ليش يبون الخير لبناتهم ويكرهون مرة الولد حرام والله