((al_shms));7875482:
اختي ان شالله يتحقق حلمج ^_^
بس اول شي بنسبه لي اهم شي انه اتكون عندج الموهبة والقدرة على ظبط المكياج ..يعني يدج اتكون خفيفه وبدأي مارسي المكياج في البداية على نفسج تدربي على رسمات العيون على طرق مختلفه في وضع الشدو وعقب تدربي على عيون مختلفه يعني على خواتج او على احد من اهلج ..لانه كل عين تختلف عن الثانيه في وضع المكياج في عيون سهله وفي عيون صعبه ومن هالشغلات يعني
وممكن اتعززين موهبتج بشهاده من معهد يعني تروحين دورة اعلمونج بعض الاساسيات مع انه بنسبه لي مو مهم ماعرف ليش ^_^ احس المكياج فن وموهبة اكثر من انه شي وتتعليمنه يعني مثل الرسام صح في اساسيات في الرسم بس دايما الفنان الحقيقي من وجهة نظري اهو الي يبدع من غير ما يحط حق نفسه حدود
طلعت عن الموضوع ماعليه هههههههه
المهم مثل ما قلت لج فوق ابتدي تدربي على نفسج وعلى خواتج او اي احد عندج من البنات ..وعقب لمى تتقنين المكياج ..مايبيله شي الموضوع تروحين وتشترين المكياج واكون الاساس اناسب الوان البشره يعني السمره والبيضه والحنطاويه الي اخره يعني وفي نظري اهم شي هذا انه اكون اساسج ممتاز وتغطيته حلوه وواناسب لون البشره ...وبس باقي المكياج عادي من شدو وكحل ومرطب والفكس و الرموش ووووووووووووو ..ولاتنسين جودة المكياج لازم اكون زيين مو من اي ماركة والسلام ..وبعد هذا الكلام مو معناته انه الغالي زين والرخيص مو زين لا ..[س انتي شطارتج وخبرتج في المكياج جوفي الزين من كل شي واخذيه
وبس ^_^
طبعا انا من زماااان كنت افكر جذي والحمدالله اعرف احط مكياج وبديت احط حق نفسي لين انروح الاعراس والحفلات الخفيفه وعقب احط حق اختي وامي وتموا اهلي يسالون من حاط لج المكياج ويوم دروا انه بروحي جم وحده قامت اتيني احط لها في البداية ببلاش وعقب قمت اخذ فلوس هههه وبس الحين في ناس دروا انه احط بس لحين ما انتشرت ولا صرت مثل الي احطون مكياج يعني لحيين مو مهتمه واايد بهشغله لان بالي مشغول اشوي بشغلات غير ^_^ ... بس دام انتي تبين ان شالله تصيرين مشهوره ^_^
صح طولت وايد بس اتمنى اني افدتج ^_^
والله اوفقج
و الله كلامج كله صح 100%
وراح ابدأ مثل ماقلتي بين الخوات
بس بعد الكورسات تنفع
لأن اللي عندها شهادة تعزز مكانتها عند زبوناتها و بالتالي تحط لهم وبكل ثقة لأن على علم ودراية <<<< كأن وايد تفلسفت؟؟:o
انزين دام انج خبيرة مكياج
أي ماركة تفضلين للاساس و للظل؟
لأن هلشيئينن أساسيين في الميك اب
ناطرة ردج وتسلمين على نصايحج الذهبية