لأول مرة في تاريخ المنتديات...خرشت سبزي بالصور ومن مطبخي

هونت مب رايحة الكورس

نبدأ بسم الله الطريقة:

نحط اللوبيا في جدر جانبي ونصب عليه ماي بارد ونحطه على النار لحد ما يستوي نص سوى لأن راح يكمل سواه مع الخضار و اللحم
IMG]http://www.3roos.com/uploder/uploded20080901/15833/01227529758.jpg[/IMG]

نسخن كمية لا بأس بها من الزيت في القدر الرئيسي اللي راويتكم اياه في بداية الموضوع


نضع البصل ونفرشه في الجدر ونقلبه عدل مدل


نخلي البصل يحمر الى ان يصير لونه جذي


نضيف الكزبرة الخضراء للبصل المحمر ونقلبه زين ما زين " يعني عدل مدل يعنييييييي جيدا :wink:"


لاحظو الماي البني في قاع الجدر "القدر" و الكزبرة ذبلت وطلعت الماي... راح نستمر في التقليب لحدما يجف ماي الكزبرة تماما بس حاذري لا تحرقينها لأن طبختج راح تقطينها لأن ريحتها بتصير وععععععععععع :rolleyes:


بعدين نضيف الشبنت و نقلبه زين و عدل مدل


و ذي شكله بعد مايستوي ويتجانس مع خلطة البصل و الكزبرة


ألحين يه دور زعيم الطبخة
وجبة باباي المحببة
و هو السبانخ المفيد
نضيفة على الخلطة السابقة و هات يا تقليب



يينا للخطوة اللي بعدها وهي إضافة الماجي و الليمون الأسود و البهارات
ولاحظو الماي اللي ظهر من السبانخ وهذا الماي اللي يخلي الطبخة حلوة وطعمها مركز



نستمر في الخلط و التقليب و نلاحظ الماي تبع الخضار راح يزيد


نشخل اللوبيا النص مستوية و نضيفها للخلطة السابقة


لاحظو اللوبيا راح تستوي فماي الخضار وطعمها راح يتركز فنتركه يغلي شوي مع التقليب المستمر


نشيل اللحم النص مستوي من ماي اللحم و نخليه على خلطتنا الخضراء الجميلة


نقلبه ونتركه ياخذ من ماي الخضار


و بعد عدة دقايق نغلي ماي اللحم و نجهزه عشان نضيفه على الخلطة السابقة.... على فكرة ما عليكم من الخضرة المنثورة في الماي ترى انا حطيت قفشة التقليب فيها بلغلط بس مردها بتصير متروسه خضره خخخخخخخخخخ يازعم اتكيت :wink:


هذي شكل الخلطة بعد ما أضفنا ماي اللحم عليها
وبهلخطوة نكون شارفنا على انتهاء الطبخة
ونخليها تغلي لحد ما تقل كمية الماي وهذ اللي راح تعرفونه من خلال الصور اليايه >>> حشى برنامج تلفزيوني خخخخخخخ


شوفو الماي نزل مستواه و الخلطه تجانست أكثر و هذا بعد 20 دقيقة تقريبا من الغليان


اَخخخخخخخخخخ يوعانه ماعندي صبر اَكل














يله نكمل














ما بقى شي




نغطي القنبلة اقصد الجدر بورق الألمنيوم


نتركه على نار هاااااااااااااااااادية لمدة نص ساعه الى 45 دقيقة



و هذا شكله النهائي بعد ما غرفته:
واااااااااااااااااو شكله تحفه >>>>>اللي يمدح نفسه


*ملاحظات هامة:
ممكن ناكل هذي الأكلة بالرز الإيراني المشبع بالزبدة و الزعفران
بس مانصح به للي يسوي رجيم
و هذا اسمه "زرشت بلو" يعني رز بالزعفران و حبات الزرشت وهو نوع من انواع الزبيب الحامض كما في الصورة" مو من عندي هذي من النت"

أو بخبز الخباز الطازج بعد الصورة مو من عندي هذي من النت"


ممكن إضافة البقل بعد ما يستوي البصل وطبعا يخلي الأكله أطعم و قوامها أسمك و هذا بعد تقطيعه قطع صغيرة و رزمة وحدة او رزمتين كفايه و باقي الخطوات كما هي
و البقل هو نفسه الكراث كما يسميه البعض و للأسف ماحصلت له صورة


و عليكم بألف عافية ولا تنسوني بصالح الدعاء لي ولوالدي ولزوجي وذريتي