خايفة على حمودي من غرفة نومي

عروس ديرتي 24-11-2008 14 رد 1,593 مشاهدة
ع
مرحبا امهات


باختصار غرفه نومي احسها كلش مو سيفتي يعني السرير فيه نقشات وحدود احسها خطيره ونفس الشي الكبت والكمدينو والتسريحة والحين حمودي بدا يتوقف على كل شي وكل حين يطيح وكلش خايفه عليه يطيح على حدود السرير ولا الكبت او التسريحة ويتشوه لا سمح الله وانا حدي وسواسيه بخصوص هالشي لدرجه البارحه مانمت الا حاطه قطن ولصقته على كل حد وطلعت النتيجه ان حجرتي صارت يضحك شكلها وجنها مرقعة


مو عارفه شنو الحل ابي خبرتكم امهات عروس واادري انكم ما بتقصرون
ر
لازم تاخدي سرير خاص للطفل وتعوديه ينام بمفرده وماتخليه ينام على سريرك

واذا كان ينام على سرير بمفرده لاتدخلي معاه الغرفه الا وقت النوم

ولاتخافي واجد ترى الي يخاف يوقع في الشيء

خلك منتبه له وراقبي تصرفاته بحرص
b
اي حبيبتي خليه ينام في سرير خاص بو حواجز
الحين انا بنتي تنام ساعات وياي بس الحين كبرت يعني تعرف تنزل بروحها من السرير يوم توها توقف كانت في سريرها محجوزة
ع
ربيعية وبنت البحرين مشكورين على ردودكم بس حمودي عنده سرير خاص انا اقصد حزة اذا يلعب مااخليه دايما داخل السرير لانه يتقيد فيعني انزله في الارض شوي ولازم انه يوقف على الاشياء هذا كان قصدي
!
اذا مو قصدك وقت النوم ، بالاوقات الثانية خليكم بالصالة معاه او بغرفة ثانية .. !


يعني تظل غرفة النوم بس لوقت نومكم !
ر
لاتدخليه الا وقت النووم بيكون على سريره

و قفلي الغرفه طول اليوم على شان لايدخل لها

تحياتي
ب
مثل ماقالوا الاخوات لا تخلينه في غرفة النوم

ولا توسوسين وااايد ترى التفكير في الشي يصير
r
حبيبتي خلي ثقتك بالله قويه
الله الحافظ
مثل ما قالوا لك الأخوات لا تدخليه غرفه النوم الا حزة النوم
و ما عليه شر يا رب
ج
مثل ما قالوا لك الأخوات لا تدخليه غرفه النوم الا حزة النوم
الله يحفظه
B
حبيبتي قل لن يصيبنا الا ما كتب الله لنا خليكي مهتمه بيه بس مش زياده و ان شاء مش حيحصله حاجة
ا
لاتصيري وسواسية اني غرفة نومي مثلك فصار ابني الاول لازم ينام معي واحيانا يغلبني النوم وما ارجعه سريره وحصل كم مرة طاح ويتنفخ راسه بس الله الحافظ ولله الحمد بس الحين احاتي ابني الثاني بدأ يحبي واخاف عليه بس احاول انتبه له والله يحفظهم من كل سوء من ناحيتك لاتدخلي الغرفة الا وقت النوم ولو حصل كنتي متواجده معاه انتبهي له زين وبدون وسواس لاتصير عادة عندك
B
خلي باب الغرفة مقفول على طول ولاتدخلين معاه الا وقت النوم

الله يحفظه ويخليه لك
ع
مشكورين أمهات وشكلي ما بشوف غرفتي الا حزه النوم مع اني احب اقعد فيها واطالع التلفزيون هناك بس سلامة ولدي اهم
ا
(y)(y)(y)(y)(y)(y)(y)
rawiyah;7867059:
حبيبتي خلي ثقتك بالله قويه
الله الحافظ
مثل ما قالوا لك الأخوات لا تدخليه غرفه النوم الا حزة النوم
و ما عليه شر يا رب
أ
في بيبي شوب قطع امان للأطفال تركب ع الزوايا وقطع مثل الإسفنج حطيها لماتكونوا بالغرفه وشيليها عقب
الله يحفظه
X