خشمـــي والعطــور .. شـي خيــالي

n

nabooda

عروس جديدة

24-11-2008 | 02:11 AM

اهليـــن صبـــايا

حــبيــت اعـرض عليكــم مشكلتــي مع " العطـــور "

مشكلتــي انـي لحيـن مـالقيـت العطـر الي يناسب مـزاجي

تعجبنـي بعـض العطور واحب ريحتــها .. بس ماتقبلـها مـادري ليش

يعني مثــال : من فتـره رحــت اشتـري عطـر مـاركه عجبتني ريحته وخديت ورشيت منه في ايدي ورحت اتسـوق وبعـدين لزقت الريحه فيني ورجعت البيت لايعه جبدي منهـا .. قلت يمكن فتره وتعـدي والصبح بتسخدمها مره ثانيه رشيتـه ريحتـه حلوه مـافيها شي بس بعـد فتـره صرت لمـا اشـمها فينـي تلـوع جبـدي وراسي يدور مع ان ما صار لي حتى يوم واحد عشان امـل منها :ss:

وفي محـاولات مع عطـور ثـانيه.. بعـد مـاقدر على ريحتـهم تلوع جبدي منهم .. يمكن العطر الوحيـده الي لحين مواصلـه عليه بدون مـشـاكل " اسكـادا الزرقـه "

يعنـي مشكلتـي بإختـــصار لمـا استخـدم عطــر واشــم الريحـه فينـي وتصير لازقه في راسي خلاص ماطيقهـا وتلوع جبـدي منها من اول مره استخدام :eek: مع انـي ما اثقل في الروايح يعني رشه رشتين .. وهالمشكـله معـاي من زمــان

مـــادري المشكـله فينــي لو في العطـــور .. ودي اتعطـر مثل النـاس وبأحلى العطـور بس مـاقدر عليهم يعني لو تجيبي لي اغلى العطـور واحسنهـا يوم يومين وتلوع جبـدي منهـا .. لدرجه اني حزتها همـي الوحيـد اني اغيـر ثيـابي وافتـك من الريحـه

مـــادري شســـوي

ا

الميدالية الذهبية

عروس مشرقة

24-11-2008 | 03:54 AM

أتوقع بما أنك حابة ريحة أسكادا الأزرق يعني مزاجك قريب للروائح الخفيفة والفريش

وأسكادا الأزرق يعتبر من الروائح المائية

حاولي تختارين العطور المستوحاة من روائح الغابة الخضراء ونسيم البحر والأزهار البحتة بدون أضافات

رح تناسبك أن شاء الله

B

BntZayed

عروس ماسية

24-11-2008 | 07:14 AM

موفقــــــــــة أختـــــــــــــــي

ج

جلي55

عروس جديدة

24-11-2008 | 07:26 AM

وانا بعد مثلك:eek:
يعني مثال: عطر سينما وعطر الين ...تلوع جبدي منهم..حتى وان شميتهم من الناس:o
بس احب العطور الخفيفه.
مثل اسكادا ...نوا ...فري سكس..الستنت جيرلان.......والكثير من الروائح الهادئه(f)

ه

هات العلم

عروس رائعة

24-11-2008 | 09:14 AM

يمكن تحبين العطور الهادية عشان كذا جربي العطور الخفيفة وشوفي

{

{بنت قطر}

عروس رائعة

24-11-2008 | 12:30 PM

جلي55;7860232:
وانا بعد مثلك:eek:
يعني مثال: عطر سينما وعطر الين ...تلوع جبدي منهم..حتى وان شميتهم من الناس:o
(f)

بصراحه انا اكرة عطر الين

واكرة سينما

ريحتهم كلللللش مو حلوة

تغثني من اشم الريحه :cool:

احس دفش وايد

:D ارتحت الحين يوم سبيت هالعطرين

ههههههههههههههاي

ا

الأمل الوقاد

عروس متألقة

27-11-2008 | 01:08 AM

مالج الا الروايح الهادية (احس عطورات جنفر لوبيز تليق لج)

ب

بنت بلادها

عروس نشيطة

27-11-2008 | 10:58 PM

مبرووووووك إنتي حامل خخخ :D :tongue:

اممممم شوفي حبوبه مثل ما قالن خواتي العضوات استعملي العطور الباردة الخفيفة

شو رايج تستخدمين عطور "فالنتينو" ؟!

لاني لاحظت إنه عطورهم يوم ترشينها بسرعه تخف وتتبخر .. و الريحه اللي اتم عالقه فيج خفيييييفة

(f) ^_^

s

salfoosha

عروس جديدة

28-11-2008 | 02:58 PM

الله يساعدج

أ

أريج المحرق

عروس مشرقة

28-11-2008 | 04:30 PM

هلا أختي، إذا رحتي محل العطور قولي لهم أبي عطور ما فيها ورد أو ريحة فواكه وأنصحج تستخدمين العطور ءلي ياية على البوودر ، الظاهر ما تحبين العطورات الثقيلة وبعد لا تروحين للمحل وأنتي يوعانة أو راسج يعورج في ذي الحالة بتكرهين كل العطورات.

ب

بسمة حلااااا

عروس مبدعة

28-11-2008 | 08:10 PM

أريج المحرق;7909951:
هلا أختي، إذا رحتي محل العطور قولي لهم أبي عطور ما فيها ورد أو ريحة فواكه وأنصحج تستخدمين العطور ءلي ياية على البوودر ، الظاهر ما تحبين العطورات الثقيلة وبعد لا تروحين للمحل وأنتي يوعانة أو راسج يعورج في ذي الحالة بتكرهين كل العطورات.

صراحة انا اتفق مع اختى (اريج المحرق)....يعنى لاتروحين وانتي جوعانة ابد..لأن اختى يصير لها هذا الشئ...اذكر مرة طاحت علينا في السوق خخخخخخخخ.. :o
تقبلي مروري........(f)

ب

بنتي عروس

عروس متألقة

29-11-2008 | 06:32 PM

مسكينة ياحياتي والله حالتك صعبة

الحمدلله اني مو مثلك ..كان اهتزت

الميزانية لأن كل شوي بغير عطوري خخخخخ

الله يعينك ياعمري والله اول مرة اشوف مثل حالتك

انا عكسك اذا اشتريت العطر اعشقه واقعد اتعطر

منه لمدة اسبوع ولا اغيره مع ان التسريحة مليانة

بس من فرحتي فيه!!!!

المهم يالغالية انصحك لاتتسرعين بشراء العطور

وتتوهقين فيهم بعدين..

انتي شكلك مش عارفة العطر اللي يناسبك لأنك

من اول يومين تكرهين عطرك مما يعني انه مش ذوقك

فمثل ماقلت لك لاتتسرعين بشراء العطر..بخيه بمنديل

(مو بكرت....لأ بمنديل لأنه يثبت اكثر) وروحي للبيت

وكل شوي شميه وشوفي عن نفسك وبعدين قرري

وعسى الله يعينك

ا

ام حامد

عروس مبدعة

11-12-2008 | 02:44 PM

حبيبتي أنا مدمنه عطورات وغير هذا الشي أنا انجبر اتم بالساعات الطويلة في عالم العطورات لأن هذي هوايتي أخلط العطور والبخور وكل أنواع الطيب بس مع هذا كله فيه عطورات أمرض يوم أشمها خاصة العطورات لي بريحة الفواكه والله أمرض صدق وأتم حاسه بلوعة ودوخه قوية وزوجي مسيكين يفرح يتحسبني حامل وأقوله لاتفرح بسبب العطر دوم يقولي أتركي شغل العطر لما يحس إني أتعب بس الله المستعان المهم أنتي رشي العطر لي يعجبج في منديل وخليه ربع ساعة وعقب شميه إذا عجبج ارجعي خذيه ومثل ماقالن الأخوات إذا كنتي جوعانه ولا تعبانه آجلي العطورات وأكتفي بالبخور والمخمرية والله يريحج يالغالية:flower:

ا

الغلــــــا

عروس ماسية

11-12-2008 | 11:19 PM

للاسف انا مثلج هذا وانا راعية الدخون والعطور
يعني تخيلي اسوي دخون وبعد كم يوم تلوووع جبدي منه وانصدم انه كل زبووناتي يموتون على ريحته ويطلبون مني ارد اسويه بس اقولهم مااقدر لايعه جبدي منه مثل الحرمه اللي تتوحم وهالشي وااااااايد قام يضرني لانه ما قمت اقدر اثبت على ريحه وحده..والقهر مثلا لو لاعت جبدي من عطر وفريته الزباله بعد شهرين ارد اشمه في المحل ويعجبني وارد اشتريه ونفس الموال من ارد البيت او ثاني يوم تلووووع جبدي منه ........؟؟على قووولة راعي المحل قالي انتي ذوقج صعععععععععب بس ريلي قال انتي ما عندج ذوووووق هههههههههههههه

ب

بنوته_الامارات

عروس مشاركة

13-12-2008 | 03:19 PM

مشكووووووووره ع الموضوع

ر

ربيعيه

عروس ماسية

13-12-2008 | 03:30 PM

شكلك معاك حساسيه والفضل تبتعدي عن العطورات واستخدمي كريمات معطره للجسم او مسحات وخلاص

او البخور