بملس شعري و خايفة

دلوعة قلبه;7850053:
السلام عليكم و رحمة الله و بركاته

انا يا عرايس ناوية املس شعري و انا شعري طويل و اسود و كثيف و مو مجعد لدرجة التجعيد بس شوي خشن و سمعت ناس يقولون ان التمليس يطيح الشعر و يسويه قرعة و يجعد الشعر لما تخلص فترة التمليس اكثر من اول
فهل هالكلام صحيح لو بس كلاااام
و ياليت اللي جربت تفيدني بتجربتها.؟....؟

مرحبا

و عليكم السلام ورحمة الله وبركاته

انا ما انصحج بالتمليس لان اللي سمعتيه صح والتمليس حق اللي شعورهم وايد تعبانه وانتي ما شاء الله فالاحسن انج تاخذين لج كريم مناسب حق شعرج يعني مثلا بارشوت او بيرل كريم وحطيه في شعرج وسوي لي في الاسبوع مرتين حمام زيت وبصير اوكي

تقبلي تحياتي (f)

حبيبتي ماانصحك تملسين شعرك
لاني جربته ومرة طاح شعري واصلا شكله مايطلع حلو يبين انه مو نعومة طبيعية
وانا بعد ماطال شعري وقصيت اللي ملسته خلاص ماعاد المسه
احلى شي الشعر يكون على طبيعته

انا ما انصحك فيه ابد مدام شعرك مو خشن مررره امي شعره مو نااعم لما راحت عند الحرمه هي وبنت خالتي بنت خالتي شعرها مو ناعم مره يعني خشن قالت الحرمه لاامي انصحك ما تسوي لكنها اصرت بس طلع شكلها مو حلوو ااابد صار وقف مدري كيف شكله والحين متحسفه انها ماسمعت كلام الحرمه بس بنت خالتي طلع حلو لان شعره في الاصل خشن واتمنى البنات يفيدوكي و الاموره شجن ومعشوقةخطيبي ما قصروا وانصحك تسوي خلطات وزيوت لانه تنعم الشعر وبنات المنتدى ماقصرو واسمحلي على الاطاله

هلا اختي انا ماجربته بس انصحك لا تسوينه لاني اسمع انه مو زين من تجارب البنات والسموحه اختي

شوفي اذا تبين تسوينه سويه عادي بس بشررررررط عند صالون عدددددل و سنع عندج ايلي و جان ريلاكس مالهم حلو و مايخرب الشعر و انا و اختي من سنييييييين وياهم كل 6 شهور نجدد الريلاكس للجذور بس
و شعورنا نفس طبيعة شعرج مو خشن بس فيه تموج
اذا ماتبينه يخترب وخري عن الصببببببغ ترا هو الي يخرب الشعر

استشوار وايد و صبغ يخرب الشعر خصوصا الهاي لايت

انا شعري ناعم مشالله بس اطرافه شوية ملفلفة بنعومة..
يعني ابدا مو خشن..
وزوجي يحبه ستريت وسايح..
ولمن سافرت شهر العسل مع زوجي ماليزيا خاطرت وسويته هناك..
ومشالله مرة طلع حلو..صح شكل شعري خفيف لانه هوا اصلا خفيف..
بس كان كانه طول الوقت مستشور..
بس عيبه الوحيد اطرافه ما كانت حلوة..

ولمن شعري طلع جديد ما كان باين الفرق مرة..
وكان يساعدني لمن اروح مناسبات بس الفه ما يحتاج سشوار مشالله..

وانشالله لو سافرت رح اسويه مرة تانية وما اجازف اسوي هنا..
ومشالله شعري ما طاح كثير..يعني الطبيعي..

وبس بالتوفيق

ابد ابد ابد ما انصحك اخني

انا تصدقين ما اعرف شعري الا مملس ومن انا صغيره امي كانت تملسو ليه ماكنت عارفه طبيعه شعري والحين يمكن بعد خمسه طعش سنه ههههههه حلوه خمس طعش سنه
تركت التمليس تقريبا ليه سنه ومت قهر انه شعري مو خشن بس امي ماشاء الله عليها شعرك سايحه وعبالها شعري خشن وانا مسكينه شعري مموج بس
والحين عد سنه بدون تمليس بات اعتني بشعري وماشاء الله بدات احس بطبيعه شعري وحلااوتو بس وربي راح تندمي ادا ملستينه

انا جربتها قبل سنتين مره وندمت وخاصه ان شعري مو خشن بس مموج خفيف قبل مااملس كان شعري مره كثيف وبعد ماملست الله لايوريك وش صار حيل ندمت