شفاطة الحليب

حبيبتي انا بعد سمعت عنها وهالمرة شريت لي بس ماخدت الكهربائية سمعت انها تالم واااجد عند الشفط وخفت اخدها واخسرها خاصة ان سعرها غاللي
عشان جدي خدت لي يدوية بس مو النوع العادي لا اللي يصيب دايركت في مرضعة وخدتها ماركة بيجون وكانت ب 15 دينار بحريني

وفي عندش ماركة ايفينت بعد سمعت عنها وفي ماركة مذركير

شكرا جزيلا حبيبتي

انا كل اللي سالتهم الى الان مشترين اليدوية
لانهم مثل ما قلتي خافوا يشترون الكهربائية و هي غاليه و لا يستخدمونها


يا ريت احد من البنات اللي جربوا يقولون لنا اذا فيه فرق و هل فعلا مفيدة

انا اشتريت اليدوية ومشالله مرة استفدت منها خصوصا لمن اخرج واسيب بنتي عند ماما..
هي كانت تالم في البداية زي الرضاعة الطبيعية بس الحمدلله دحين مررررررررة ما في الم..
لكن مشكلتها الوحيدة احيانا توجع يدي من كتر ما اشفط..
بس بأمشي حالي بيها لانه الكهربائية غالية مو رخيصة وانا عندي هدي خلاص..

لكن اتوقع الكهربائية اريح لكن ماجربتها..

شكرا كثييييير يا دلوعة :)

انا شكلي اذا ما احد من البنات جربت الكهربائية...حشتري يدوية زي الناس و بس
والله خايفة اشتري كهربائية و اتورط

انا كمان عندي اليدويه من melda
كويسه بس تتعب
حابه اجرب الكهربائيه يقولو اسرع واريح
بس خايفه تكون مؤلمة كتير

وانا استعمل اليدويه احس اخاف استعمل الكهربائيه لان الثدي حساس

انا راح اشتري الكهربائيه ان شاء الله توفير للجهد والوقت بس لحد الحين محتاره بين مديلا وافنت :)

انا استخدم medela الكهربية
واد مرتاحه منه
تشفط بسرعه ومريحه
زوجي قلت ياخذ لي لان في البدايه ما كان البيبي يعرف يشرب من صدري
وراح مذركير وشاف اليدوين ويقول احسهم خرطي وما يسون شي
واخذ الكهربيه صج غاليه لكن علطول استخدمها
يعني بطلع قيمتها ونفعتني وايد
وانا مثلج ابي ارضع طبيعي وبعدين برجع الجامعه وبتم البيبي ويا الوالده
وختى تقدرين تحمليها معاج اذا بتطلعين
تشتغل على الجارج وعلى بطاريات
يعني اذا انتي برا ومحتاجه تشفطين عادي لكن باليدويه شوي زحمه
هاذي بس تحطينها وتشفط ذيك تعالي سحبي وحاله
انا امس كنت رايح بيت عمي وولدي قام يتحجج يشرب ويهده ويصرخ
قمت طلعتها وشفطت له في دقايق بس وكنت مركبه مرضعه ضغيره بدل الاصليه\
عشان ما تاخذ مكان
فانا ارشح الكهربيه

انا جربت اليدوي والكهربائي بصراحة الكهربائي اريح واسرع جربت الكهربائي نوعين بيجون وماديلا الماديلا احسن من بيجون بس البيجون مو بطال