كل وحده تقول لنا كيف تسوي القهوه العربيه

مشكورة على الموضوع انا اموت في شي اسمه قهوة عندي ادمان بعيد عنج

بس عندي مشكلة وحدة القهوة اللي اسويها ماتجيب راسي ..ههههه وودي اعرف طريقة القهوة المظبوطة عدل ياليت القى من ورا موضوعج يالغالية

جبتيهااااا

احم احم طريقة أم فهد اولاً عشان تضبط القهوه لازم انا احمسها بيدي وبعدين اوديها حق محل عشان يطحنها لي عدل وبعدين اجيب نص فنجال قهوه من اللي طحنتها وحطها فى اممممم تقريباً ثلاث اقلاصات ماء وخمس حبات قرنفل اللي هو مسمار وشوي حليب سايل ابو قوس وزعفران وحطه ع النار لين يغلي وقصر عليه وخليه ع نار هديه 10 دقايق واحط فى الدله ملغقه وربع او حسب الرغبه من الهيل المطحون وملعقتين ماء ورد او حسب الرغبه اشيل القهوه من النار بس اخليها ثواني لين مايركد الحثل وبعدين احطه فى الدله وشيل اقشور الهيل انشاءالله تعجبكم قهوتى وانصحكم جيبو تمر وشيلو النوه منه ومرسوه وحطو عليه شوي ماء وعجنوه باليد وبعدين حطوه فى صحن وحطو عليه سمن واللي تحب حبة البركه ترش اشوي عليه مع شوي سمسم وبالعافيه ياااااااااااارب ..

الله يعطيك العافية

انا عااد قهوووتي مرررررررررة حلوة وبدوون مجااامله...كل اهي يحبووني اسويهاا لهم...
اول شي تحطين 3 ملاعق قهووة باايوني افضل الانوااع باايوني طبعاا..وبعدين زعفراان شوي مو كثير يعني حطيه بيدك..وصبي علية مويااا مغليه مو تملين الدله حطي نصها وبعدين لافااارت يعني بدت تغلي ويطلع فقاعات ..حطي ملعقتين هيل وصبي موويا فوقها وخليها تغلي شوي بعدين طفيها وخليهاا على جنب وبعدين صبيهاا بالترمس وقدميها,,,
وبالعااافية مقدمآ..:)

شاكره لكم مروركم

وحبيت أسأل عن حاجه اللي هي البهارات اللي يحطوها في القهوه :think:

يقولون عنها(( بهارات القصيم ))بيحطو ملعقه صغيره مع القهوه في احد استعملها وكيف يصير طعمها

انا طريقتي بالقهوة

اخذ فنجان قهوة بري وتكون حمستها وسط (اشتريها من باجة )واحطها بدله غلي القهوة الصغيرةوعها زعفران
واصب عليها ماء مغلي (ضروري يكون مغلي)واخليها عشر دقايق وبعدين اضيف ملعقتين هيل مطحون وهذي على قولتهم قهوة العزايم اما اذا بغيت امخمخ يعني اخذ مزاج اضيف لها بقاع الفنجان حليب ابو قوس وبعدين احط شاخول واصبها في الدله وعاد لاتنسون التمر الزين والشوكلاته

ان شاء الله اكون افدتكم

انا ياطويلة العمر احط لقهوتي بهارات القصيم

مشكووووووووراة ع الطرح

ومشكووووووورات ع المرور والطرح الرائع




وين البنات ؟

ومنكن نستفيد

:clap: :clap: :clap: تسلمي يا فنانة

اول شي اغلي المويه وعشان يطلع المقاس مضبوط اعبي الثلاجه حقت القهوه وزود عليه كوب حق الغلي وحط الكميه في الغلايه لين تغلي

احط في الكنكه او الوعاء الي راح تطبخ فيه القهوه 2 ملاعق قهوه هرري وملعقه صغيره هيل وملعقه صغيره نانخه و4 حبات مسمار وملعقة حليب سائل ابو قوس ورشة زعفران اصب المويه المغليه على الخلطه وخليهاااا تطبخ على النار لمدة ثلث ساعه على نار متوسطه

اذا البن خولاني اخليه ربع ساعه اذا هرري يطبخ كثير على النار :)

وفي الدله احط ملعقة هيل

ذي القهوه تعدل المزاج وتخليه عالي العااااال ودعولي :)

ان هذه طريقتي اول شي اغلي المويه وبعدين احط القهوه اي نوع والهيل والقرنفل بس شوي مااكثرواحط عودقرفه وحيانن احط بدل القرفه نسكافي شوي اوكاكوشويه واحط ملعقه صغيره حليب بودر اوحليب سائل اي نوع اسكب عليهم المويه المغليه وخليهم على انار مدة خمس دقاق وبعدين ارفعه عن النار وخليه دقيقه وبعدين اسكبه في الترمس و في بعض الناس يبخروادله اصفرابلمستكه وبعدين يسكبوفيهاالقهوه جربو طريقتي ودعولي يتحقق الي في بالي

يبدوا لكل واحد فينا طريقته لخاصة لصنع قهوته
بس الافضل هو يكون الواحد رايق واعصابه مرتاحة وصدقوني رح يكون طعم القهوة احلى بكتير(c)

انا ماعرف اسوي قهوه

امي هي الي تسوي الله يطول بعمرها وقهوتها لذيذه و تحمصها بروحها
و الي معاي في الشغل دايما يقولون نبي قهوة امج

مشكوره على الموضوع الرائع


بس عندي سؤال مهم جدا جدا بالنسبه لي !!!!

ايش احسن طريقه احفظ فيها البن حق القهوة بعد طحنها ؟؟؟؟؟؟

لأنه متعب اذا كل مره اسويها اطحن البن

وانا سويتها مره وطحنت كمية ولما جيت استخدمها بعد فتره حسيت طعمها غيييييييير ... اصلا مافيها طعم مره موحلوه

والله انا الي اعرفه سر القهوة هو اللهيل يكون مطحون طازج يعطي القهوة طعم وريحة جنان

متابعه

بالنسبة لقهوتي احط فنجان قهوة بن هرري في دلة القهوة و3حبات قرنفل واخليها على النار لين تغلي وبعدين اخليها على نار هادئة لمدة ربع ساعة وبعدين اصبها في ثلاجة القهوة المضاف اليها الهيل المجروش وشوية حليب سائل.
وسلامتكم