عرايس الاردن2008-2009 اسماء المحلات التي تلزم كل عروس والاستفسارات والنقاشات

sama_3;7881798:
يسلمو ياأختي

يعطيكي ألف عافية واتمنى ان يكون هناك نشاط جيد لعرايس الأردن

انا سما من عمان وعرسي بآخر شهر 7 بإزن الله تعالى
لسة ماحجزت قاعة بس هيني عم بلف وبدور

ويسلموووو عالموضوع

عروس الأردن امتى عرسك حجزتي ولا لسة؟؟

emi_tm;7882036:
شكرا كتير عنجد استفدت منك...:9_33::9_28:

mariam86;8093068:
مشكورين بنات ويا ريت تحطولنا تفاصيل اكتر عن لقاعات وشو احسن شي وبالنسبة للكوافيرات برضو مين اشطر اشي لانو عرسي رح يكون بالاردن.. لاني بصراحة ما بعرف شي عن الاوتيلات بالاردن :(

أمورة وقمورة;8093334:
بنات في صالون بمنطقة شعبية رحت عليه يوم حفلتي بالتوجيهي ومع إني من سكان الهاشمي الشمالي وعنا صالونات كتير بس هالصالون شغلهم كتير مرتب ورخيص اسمه صالون اللمسات الجميلة في جبل النظيف وصاحبته اسمها أم نضال شاطرة كتير وبتجهز العروس بمبلغ كتييييييييييير رخيص وكمان بتدلك على محل فساتين عرايس بجبل الحسين بأجرك البدلة البيضا والشوز والشنتة والتاج وبوكيه الورد ب 50 دينار بس، وكمان في صالون عنا بالهاشمي منيح كتير بس أغلى شوي من اللي قبله اسمه ماسة النجوم بشارع الامير راشد
أن شاء الله اكون فدتكم

salma84;8420012:
هاي بنات انا اشتركت مخصوص عشان اشارك بهادا الموضوع و نرجع نفتحوا و نساعد بعض فيه ,,,,

انا عروس و عرسي ب 29 مارس و طبعا بلشت اجهز باغراضي و خصوصا انو هاي فترة تنزيلات و ممكن الواحد يستفيد و يلأوط اشياء المهم ...... اكتر الاماكن الي استفدت منها :

1. la sinza : لفيتو بكل فروعو و من كل محل كنت اخد اشياء و اكتر اشي استفدت منو القطنيات و الأندرويرات


2. women secret : بيعئد هادا المحل و عامل 70% خصم , خصوصا البيجامات و فساتين البيت القطن و الحلو انو بيكون مع كل بيجامة slipper بلبئلها و الاندروير الخاص فيها kteeer cute el sh'3lat eli 3ndo

3. la vie en rose : كمان عندو شغلات عرايسي و عامل تنزيلات

و باقي الشغلات ناوية انزل على محلات جبل الحسين و صويفية بقولو في شغلات بس انا ما انزيلت

الفساتين :

انا صراحة عن نفسي خيطة خياطة , اشتريت القماش من la prima , و بس اشتريت واحد جاهز من محل بخلدا اسمو lana coutour صراحة عندها شغلات حلوة كتيييييييييييير و غريبة انا ما شوفت زيها بمحلات تانية, و بدلت العرس كمان خياطة

بالنسبة للصالون انا ناوية احجز عند امل عبد الله شعر و مكياج و في كمان وحدة شاطرة انا عملت عندها يوم خطوبتي اسمها sona بصويفية صراحة كتير شاطره

بالنسبة للشغلات التانية بكملكم اياها بعدين خصوصا القاعة و تحضيرات العرس بحكيلكم شو حجزت و الاماكن و الاسعار و افكار الي بدي اعملها في العرس

انشالله ما اكون طولت عليكم و استفتو

thanks byeeeeeeeeee

salma84;8431242:
اهلا حبيبتي و يسلمو عل رد

بالنسبة لفستان العرس انا اخدت القماش من la prima اخدت قماشة مشكوكة و ناعمة و اخدت عليها حجار شوارزوفكي من نفس المحل و تقريبا كلفني 700 دينار ممكن تلاقي اقل بس انا الشوارزوفكي كان غالي علي و الخياط رح ياخد مني 400 دينار يعني البدلة كاملة رح تكلفني 1200 - 1300 دينار تقريبا بالنسبة للموديل عملتو strap من فوق و مشكوك كتيييير و بيجي مكسم للخصر و بعدين بينزل flow مع ديل طويل و خليت كمان الديل مشكوك مع داير البدلة و الطرحة عملتها 3 طبقات و رح تكون على كل طبقة من الداير مشكوكة خفيف و رح احط تاج كمان معها و صيتو من la prima كمان ..... هادا بالنسبة للفستان

و ازا بدك اي مساعدة انا جاهزه خصوصا بأسماء محلات القماش الحلوة و الخياطين الشاطرين و انا معك كلها هالمرة رح نلبس الفستان فحلو يكون اشي مميز و خاص فيكي

بالنسبة للجحاز انا باقي علي قمصان نوم طويل مع رواب و شوية لانجري ,,, ممكن تحكيلي اديش جبتي بيجامات واديش قمصان ..... لأني مرات بحس حالي اني كترت و مرات انو لأ لازم اجيب كمان................:o


هلأ بالنسبة للعرس انا حجزت بجبري و التصوير اختو من مزايا صراحة هدول اشطر ناس بالبلد و الDJ و توابع الحفلة من افكار من Dream :

اخدت منهم:
DJ*
* جهاز ال SMOKE و Bubles
*ليزر شو
* و كمان رح يكتوبلي اسمي و اسمو باليزر و تنحط بالقاعة طول الحفلة

* الالعاب النارية (عل الكيك , على المدخل القاعة , و على المدخل الرئيسي لجبري)

* و gust book

و عندهم افكار بس انا اخدت هاي الاشياء

و في شغلة انا ناوية اعملها في وحدة رح ادريبني على الرقصة الأولى الي رح نرقصها سوا رح نرقص على اغنية انا البي داليلي تبعت ليلى مراد

هاي الشغلات الاساسية الي متزكرتها و انشالله ما اكون طولت عليكي و استفدي مني
و اي شغلة من عيوني انا حاضرة

thanks byeeeeeeeeeeeee