مشكلة ابي حل لها ارجوكم

عصفورة الجنة 21-11-2008 5 رد 850 مشاهدة
ع

السلام عليكم ورحمة الله وبركاته


هلا خواتي ما ادري هذي المشكله ولا شي عادي ويمر علشان تغير الشخصه من سن الى سن
عندي ولدي عمره 3.5 وما ادري شفيه تيه عرات بعض الاحيان ما يبي يلعب مع اليهال وده وما وده كانه شي يمنعه يقوله لا يعني وديته مطعم وفيه العاب وماكان الا اهو واخته وجو يهال ثانين را ونخش فوق في اللعبه وليمه يو صوبه صرخ وصيح وجاني يركض وقعد يتفرج عليهم ما راح يلعب اقوله روح العب يقول لا خل يروحن الاطفال وثاني يوم يت بنت خالتي وعيالها عندنا ماراح يلعب معاهم يشوفهم من بعيد ويضحك معاهم اذا لعبو وضحكو بس من بعيد ما يشاركم اللعب
وجبت سياراته وحطيتهم وعطيت كل واحد سياره واهو بعد قلت يلا تعالو نسوي سباق
اهو راح بعيد ويلعب وطالعنا وليمه خذيت اليهال وجيت عنده را ونخش ورا الباب هذي الحاله لاحضته من فتره ونقطعت وصار عادي والحين ردت له بس المشكله انه مع اهله يعني ما صارت مع ناس اول مره يشوفهم ما ادري شنو الحل معاه مضيق خلقي من امس وانا ضايق خلقي ومتأزمه عليه ليش ولدي جذي والمشكله اخته الاي اصغر منه تشوفه وتقلده ولا قلتلها يلا روحي لعبي الله شوفيهم تروح وتلعب وعادي بس اهو لا يقعد عندي وينخش ولا دخل على ناس وانا معاه ينخش وراي ما يسلم ولا يخليني اسلم يسحبني يبيني اطلع ما يبي التجمعات وفتره قصيره وتاقلم على الوضع وصير عنده عادي بس الي استنكرته لعبه مع اليهال يعني الحاله قاعده تتطور واشوف يحط ايده في حلجه وهذا شي جديد طولت عليكم وايد
بس ابي اشوف هل في احد صار في ولده جذي وشنو سوت معاه
او وحده تعرف حل حق ولدي ومشكورين على سمعكم لقصت ولدي وابي دعواتكم
ج
اني مااعرف وش اقول الك بس اذا تقدري تاخذي لعبه مشتركه للاطفال حتى يلعب معاهم
وان شاء الله الاخوات ايفيدوك
ع
اهو عادي مع اخته بس مع الي ما يشوفهم كل يوم او يشوفهم اول مره ما يبي يلعب معاهم وده وكانه احد في داخله يرجعه يقوله لا ومشكوره علي اهتمامك وتفاعلج معاي
m
من رأيي تاخذينه لروضة أطفال وتوصين عليه الى أن يتعود على الجو ويصبح اجتماعي
ق
اول شي شربيه مي مقروء عليها قران وداااايما كل ما تطلعي من البيت اقراي عليه المعوذات وتاني شي العبي معو انتي العاب صبيانيه يعني فيها شوي من الدفاشه مسدسات ضرب بالمخدات مصارعه واعطيه ثقه بحالو وخليه يجرب كل شي ولا تخوفيه من شي ابداااااا تالت شي وديه روضه متل ما حكت الاخت ميسا هيك بيتفاعل مع صحابو وبيثق بحالو وان شاء الله تسفيدي

تحياتي وتقبلي مروري
s
حبيبتى لازم تروحى بطفلك لاماكن يوجد بها اطفال مثل النادى والحضانه لكن احذرى ان يلتقط ابنك بعض العادات والالفاظ الخارجه من الاطفال الاخرين ويفضل ان تستشيرى طبيب امراض نفسيه للاطفال وتحاولى الكلام مع ابنك لانه من الواضح انه يريد اللعب لكنه يخاف من شىء ما ويجب تدخل الاب ايضا لان غياب الاب عن طفله فى هذه المرحله يعطى للطفل شعور بالنقص والخوف
X