السلام عليكم ورحمة الله وبركاته
غبت عنكم فترة بسبب انشغالي بدراستي واختباراتي ورجعت لكم اليوم بصور لأحلى ذكرى بحياتي وهي الذكرى الثانية لزواجي ( ادعولي بالخير والسعادة )
ملاحظة : الموضوع جهد شخصي متعوووب عليه ما اسمح لأي احد ينقله دون ما يذكر المصدر واسم المنتدى
بالبداية اخترت طاولة بالغرفة وشلت كل الاغراض الي فيها وزينتها وحطيت عليها الهدية ( تابعوا تفاصيل الهدية في الرد الثاني )
هذي الهدية بعد ما غلفتها
هذي بعض من ادوات التزيين
طبعا اول شي حطيت ريش احمر وابيض ورشيت عليه جليتر فضي
وبعد نثرت ورد مجفف ووزعت شموع
عندي هالصحنين على شكل قلوب لونهم وردي
واحد حطيت فيه حلاو وردي والثاني كاكاو
وحطينهم بالهطريقة على الطاولة
وشريت هالشموع شكلهم رووووعه
وثبتهم على الشموع الكبار الي لونهم وردي طلع شكلهم حلوووو
هذا الكرت الي كتبت فيه
كتبت على الظرف من برى ( الى من احب )
وهذا شكل الهدية النهائي طبعا شريت باقه ورد وحطيتها يم الهدية
( لو تلاحظون نسيت اصور الهدية والشموع الي على كلمة I LOVE U موجودة ) :D
طبعا بالطبيعه وااايد احلى
الحين تزيين السرير
اول شي شريت ورد طبيعي مقطع لون وردي وابيض
حطيت وردة وحدة لون وردي على مخدة زوجي ونثرت الورد المقطع ويم المخدة حطيت مخدة على شكل قلب وردي تضوي بالظلمة
وهذي صورة اقرب
عندي شموع صغار على شكل ورود سويت فيهم قلب
وهذا تزيين باب الغرفة
طبعا الورود نازلين على الجنب لي تحت
وعلقت هذي الورقة على الباب :o
وهذي مجموعه اوراق علقتها بارجاء الغرفة وفيه اوراق خاصة ما اقدر اعرضهم
الحين تزيين الحمام ( عزكم الله ) زينته بطريقة بسيطة جدا جدا
المغسله
عندي هذي الورود بمجرد ملامستها الماي تضوي
وزعتهم بالبانيو وبعد نثرت ورد طبيعي
صورة اقرب
وصورة والليت مصكر
واخر شي حطيت انشودة عن الزواج حدها رووووعه (كنت بحطها لكم بس ما يصير :()اول ما دخل زوجي مع عرض بالبوربونيت فيه صور تجمعنا من ايام الطفولة وصج كان يوم حلووو فيه تجديد
وووووبس خلصت ان شاء الله يعجبكم ذوقي وترتيبي المتواضع ولا تنسوني من دعواتكم الحلووووة وهالله هالله بالردود الزيينه
