شخبار؟؟
منزمان كنت أمبي أنزل هالموضوع.. واليوم شفت عندي فراغة شوي وقلت بنزله
مرت أخويي ما بغت تسوي توزيعات للبيبي.. خصوصاً أنها ما ولدت في البحرين.. وعلى هذا الأساس قررت أنها توزع بس جوكوليت وتزين صينية عشان تحط فيها الجوكليت..
وبما أنها ما كانت تدري شنو بيجيها (بنت أو ولد) فكرنا في لون محايد وطريقة محايدة لتزيين الصينية
فكرة النحلات مو جديدة! والحديقة بعد مو جديدة.. بس كانت شي مناسب ان احنا نسويه في وقت كلش قصير..(ما فكرت في موضوع الصينية إلا في شهرها) <<< ومحد تغربل غيري .. لأن ولدت قبل موعدها واضطريت اسوي كل شي بسرعة بسرعة! وفي يوم واحد بس (يوم ولادتها)
منزمان كنت أمبي أنزل هالموضوع.. واليوم شفت عندي فراغة شوي وقلت بنزله
مرت أخويي ما بغت تسوي توزيعات للبيبي.. خصوصاً أنها ما ولدت في البحرين.. وعلى هذا الأساس قررت أنها توزع بس جوكوليت وتزين صينية عشان تحط فيها الجوكليت..
وبما أنها ما كانت تدري شنو بيجيها (بنت أو ولد) فكرنا في لون محايد وطريقة محايدة لتزيين الصينية
فكرة النحلات مو جديدة! والحديقة بعد مو جديدة.. بس كانت شي مناسب ان احنا نسويه في وقت كلش قصير..(ما فكرت في موضوع الصينية إلا في شهرها) <<< ومحد تغربل غيري .. لأن ولدت قبل موعدها واضطريت اسوي كل شي بسرعة بسرعة! وفي يوم واحد بس (يوم ولادتها)
أول شي جبنا الصينية (بلاستيك كبيرة وعادية بدينار من رامز)
وبعدين بدأت العمل بمساعدة البابا بتغليفها بالأسفنج
واكتمل التغليف
اشترت مرت أخويي من قبل الخلق مع الشلش ووديتها أني محل تنجيدات قبل بيومين من ولادتها.. طبعاً رسمت له وقلت له بالضبط شنو أمبي.. ونجد ليي الصينية بهالطريقة
وبما أن مرت أخويي كانت تبي حديقة فيها نحلات.. اشترت هالبيضات من فلين (من الأنوار) عشان نسوي بهم نحلات
واحترت!! بشنو أرسم خطوط النحلات على البيضات؟؟ وفي الأخير رسمتهم بألوان قماش (كانت أسهل)
بعدين سويت أجنحة النحلات بسيم
وبعدين غلفتهم بجوراب أبيض شفاف ولضقتهم على النحلات.. ولصقت عيون صناعية جهة الوجه ورسمت لهم فم باسم بالقلم الأحمر.. وبعدين زينت الصينية بهم وسويت حديقة
هالخطوات كلها ما صورتها لأني كنت واجد مستعجلة وكنت قاعدة أسويها في اليوم اللي ولدت فيه مرت أخويي
هالخطوات كلها ما صورتها لأني كنت واجد مستعجلة وكنت قاعدة أسويها في اليوم اللي ولدت فيه مرت أخويي
وهذا جزء الحديقة اللي لصقت على الصينية سور صناعي (اللي يحطونهم في حوض السمك) وسويت خلف السور حديقة من زهور صناعية ملونة ولصقت فوقهم النحلات
وهذي الجرة في الزاوية المقابلة للحديقة في الصينية.. حطيت فيها صمغ سيليكون (المسدس) وخليته بطريقة سايحة كأنه عسل نازل ولصقت عليه ورود ونحلة
وبعدين عقب ما جف صمغ السليكون صبيت عليه الصمغ الأصفر عشان يبين لونه لون العسل وتركته يجف
صور عامة
وهذا في المستشفى بعد ما حطينا فيها جوكليت من باتشي
أدري الورقة اللي مكتوب عليها welcome mariam صايرة مدعوسة ومو واضحة.. هذا نسيت أعدلها قبل لا أصور
شرايكم؟؟؟
ملاحظة: ما بكتب اسمي على الصور..وما عندي مشكلة في النقل.. بس اللي بتنقل تذكر المصدر وتذيل اسمي Oriana بالموضوع.. أو ما أحللها