الي تعرف خلطه تعطير الشعر

حبيبتي بخري شعرج وبعدين خذي دهن العود وحطيه مسحه خفيفه على يدج ومسحيه بشعرج بس تسوين هذا كله بعد ماتطلعين من الحمام يعني شعرج يكون رطب

وانشاءلله تروح الريحه

الغالية لوكنتي في الإمارات كنت برسلج مخمرية وااايد حلوة روحي الرصاصي وخذي من عندهم مخمرية وحطيها على شعرج اول ماتطعين من الحمام واتمنى لج التوفيق

ماعليج امر شسمها المخمرية من الرصاصي

طبعا ما في حل غير المخمرية واتلاقينها بمحلات العطور العربية
مثل عبدالصمد القرشي، الرصاصي، جنيد، أجمل، أصغر علي (هاي عندنا في البحرين)

وممكن تسوين خلطتك الخاصة
أنا أخلط مخلط دهن عود يعني شي تكون ريحته ناعمه توله كامله + كوب ماء ورد
وأعبيهم في غرشه بخاخ وكلما غسلت شعري رشيت منه وشعري رطب

وهالطريقة وايد زينه خصوصا في الشتا

وعندي طريقة ثانية لما آخذ المخمرية الجاهزه أعبيه في غرشه بخاخ بعد وأزيدها ماء ورد عشان يسهل إستخدامها.

واللي يقول دهن العود يسبب شيب ما عليج منه أنا صار لي زمان أستخدمه ولا شفت شيب الحمد لله.

أذكر مره في عرس أخوي حطيت في شعري دهن عود ومخمرية وبخرت شعري وهو رطب ولما رحت الصالون كانت الكوافيره كلما تسشور شعري تطلع ريحة العود في كل مكان والناس تشم هالزين.