بنتي تغيرت!!! انصحوني

shahad999 20-11-2008 7 رد 2,099 مشاهدة
s
انا بنتي عمرها 3 سنوات ومن عمرها سنه انا اوديها الحضانة وكانت تحب شي اسمه حصانة وما شاء الله تعلمت وايد وعلى فكرة تراها حضانة تعليمية يعني مكلفة والي يشتغلون فيها عرب ..المهم كانت لما ترجع البيت تسولف شو سوت وتطبق الي تعلمته مع انها خجووووووووولة يعني في الحضانة ما تتكلم ولا تحب تلعب مع الأطفال بس المشكلة ان صار لها فترة ما تحب طاري الحضانة ولا تبي تسير تغيرت فجأه...لدرجة وصلت الصياح وصرت ادخلها الصف بالغصب والله نفسيتي تعبت مرة تقول ان في ولد يضربها وكلمتهم بس هذي الولد معاها من زمان وما كانت ترفض تروح مع ان كان يضربها ..ما ادري شو السبب ولا شو اسوي..قلت بسير اليوم بجوف شو السالفة بس شو تنصحوني.؟؟؟ شو اسوي الله يخليكم..
ا
الله يكون بعونك ياااارب والله قصتك قريبة لقصتي اللهم ان ابني هي اول مرة يروح مدرسة
وبدا بحماس ومن اسبوعين راح الحماس وصرنا كل يوم نبكي ......... وفعلا هالشي يسببلنا ازمة نفسية الله يكون بعونك وعوني

بس انا حاولت معه هالاسلوب بكذا طريقة ونوعا ما نفعت معه جربي هالطرق اللي راح اقولها علّ وعسى تنفع من بنوتك

_ صرت احاول قدر الامكان اني انيمه بكييير بحيث ياخذ وقت كاافي للنوم ويرتاح ويفيق رااايق ومصحصح لان بتعرفي الاطفال اذا مو نايمين كفاية يضل يومهم كللله معكر ونفسيتهم زفت بعيد عنك

_ ولما اصحيه الصبح اجلس انا وهو ونتكلم واجلس بقى اكش عليه خخخخخ وامدحه واقوله الابلة تقول عنك شاطر وحبووووب (( وهالشي صحيح والله )) وانا ان شاء الله اذا قدرت بمر عليك واشوفك ووووووو هيك يعني
بحيث اطمن قلبه اني راح اشوفه واجيله اذا قدرت وهو يطمئن ويسكت نوعا ما

_ ابوه خصصله كل اسبوع جااائزة في حال قضى ايام اكثر من غير بكا وتعب قلبي .... صار الاخ ياخذ الهدية ويتعب قلبنا ههههه ..... بس عن جد هالاسلوب شجعه لان بتعرفي اطفال هالزمن مادييين ومصلحجية كمان هههههه

_ انصحك ترجعي من جديد وتروحي معها وتجلسي معها بالمدرسة وتراقبك من بعيد وبعدين هب تروحي وتختفي عن انظارها لمدة يومين بس اذا هالشي يريحها ويساعدها بنظرك

_ والاهم من هذا كلله روحي على المدرسة واعرفي قصة هالولد وشوفي شو اللي مدايقها ..... والله المستعان يكون بعونك ...... لسى المشوار طويييل وهنن من هلا متعبينا
م
هلا بك أختي الكريمه

أختي هذه طفله...و تعبيرها عن مشاعرها واضح

معناها في شيء تكرهه في الحضانه

تأكدي بالضبط هذا الطفل إيش يعمل معاها...يمكن هي مش عارفه تعبّر

روحي لها الحضانه و خليها تقول لك بالتفصيل اللي يصير أمام المعلمه و الأطفال...يعني خليها تستعيد ثقتها بنفسها...

أهم شيء تعرفي السبب علشان تعالجيه


أختي هذه أي حضانه ؟ و في أي إماره ؟
م
ماشاء الله كلنا نعاني.. أنا ولدي معذبني بعد بس عرفت السبب يبي عيال خالي اللي كانوا معاه السنة اللي فاتت وراحوا مدرسة ثانية.. او إذا غابت المدرسة مايبي غيرها.. غابوا أصدقائه يقول لازم آغيب آنه بعد...

بس الحين شوي شوي هدأ .. قمنا أنا وزوجي نغريه بطلعة بنهاية الأسبوع وإذا تحجج كل يوم ماراح ناخذه وخصوصا بيت أهل زوجي أحنا مانروح الا يوم الجمعة فنقول له هالأسبوع إذا ماصرت مؤدب ورحت الروضة بهدوء ماراح تروح لهم...
هدية واعدته بها مديرة الروضة اليوم إذا ماصاح وبكى.. مادري عاد عطوه الهدية اليوم أو لا...


أنت حاولي تشوفين قصة هالولد. .لأن بنت خالي بعد أذكر كرهت الصف وكانت تصيح بسبب ولد يضربها ولما عزلوهم البنت رجعت طبيعية...
كافئيها بهدية بآخر الأسبوع او طلعة خارجية....
.
ما قصرو البنات

سوي مثل ما قالولك
n
مشكلتي غير بقي بس تشبها في شئ واحد هو بكاء الاطفال
كان ابني في حضانه حلوه اوي وكان ابني بيموت فيها لدرجه ان اليوم الاجازه كان يعيط وعايز يروح مع ان عمرع سنتين بس وفجاءه انا اللي كرهت الحضانه بسبب الدادات والمهم اتذكيت ومشيته من الحضانه قال ايه ان اكيد لراح الاقي حضانه اسن منها وبعدين روحت وديته لحضانه تانيه بس ابني كل مايدخل الحضانه يعيط وعايزني اخده وكان الاول بيعيط علشان يدخل الحضانه
د
انشاء الله مايكون فيه شي خطير يخليه ماتحب تروح روضتها

الله يهديها بس اكيد في شي مضايقها انتي اسألي اكثر وشوفي يمكن يكون هالشي بصالح بنتج ..ماتدرين شاللي يصير من وراج لمن تروح ..

تحياتي لج
s
مشكورات اخواتي على الرد..:) بنتي الحمدلله وقتها منتظم يعني حدها الساعة 9 وترقد.. وبالفعل انا احس ان الولد مب مخلينها على راحتها وان اعصابها مشدودوة على يكون موجود..وراح اكلمهم يغيرون صفها لأن الكل متأذي منه...
X