قصة ولادتي ببنـــتي .... مــريـم

السلاام عليكم ورحمة الله وبركاتهـ



أبدأ قصتي بالدعاء لكل وحدة للحين ما حملت أن الله يرزقها بالحمل وتفرح بأولادها يارب
وكل وحدة حامل مقبلة على ولادة الله يسهل لها ياربي ..



بكتب لكم قصتي باختصاااااااااااااار
مافيني اكتب التفاصيل خخخ


الولادة كانت يوم الجمعة
تاريخ 10/10/ 2008م
الساعة 10:45 صباحا تقريبا


موعد ولادتي كان 30/9
بس الله راد وأولد 10/10

:)



يوم الخميس قبل ولادتي بيوم نمت بدري بدري بعد صلاة العشا على طوووول
كنت وايد وايد تعبانة / ظهري احسه متكسر ... كان يألمني لدرجة اني ماقدر اقعد
المهم .. هذي الليلة كنت أتألم أنا نايمة / صحيت الساعة 2 من الألم .. تقلبت شوي في السرير من الألم ونمت بعد ماخف..:(

صحيت مرة ثانية الساعة 5 الفجر لأني حسيت ببلل في ملابسي ..رحت للحمام ..الله يكرمكم..لقيت نازل مني شوي مااااي ..<<< خفت وايد..ماكان في أي ألم..
:o


صحيت زوجي وقلتله قوم صل الفجر قام يصلي ورجع ابوو الشباب بينام// جيت له وأنا في عيووني دموع من الخووف وأقوله السالفة .. قال يلا المستشفى..

هالوقت من صحيت الفجر مافي اي ألم
طلعنااا وانا في الطريق اتصلت على امي :D <<< اقوولها صباح الخير واخبارج واشحالج وااخذ اخبارها .. نسيت سالفة الولادة خخخ < كنت امهد لهاا ..قلت لها انا في طريقي للمستشفى أحس اني بولد .. < لسة مو متأكدة :ss:

الساعة 6 كنت أنا في المستشفى

دخلوني غرفة المراقبة ...وكان هالوقت الماي ينزل مني شوي شوي ..

المهم..

الآلام بدأت من الساعة 7 على خفيف ..
صار يجيني الالم قوي كل 5 دقايق تقريباا بعدهاا
واستوى مسلسل الصراخ عندي << وزوجي يقولي لاتصاارخي .. :mad::mad:

أقوولهم بووووووووووووولد << قالولي انتي لسة لسة :rolleyes:
قلت هذا الألم ولسة :ss:

<< لاتلوومووني بكرية
وامي تقولي لسة هذي البداية <<:confused:

جت الممرضة تقيس لي لقت الرحم مفتوح 4

كان الطلق شديد ومؤلم والله..
تمنيت ان الوقت يمشي بسرعة واخلص من الآلام ذي

هالوقت وصلت امي ..


المووهيم

بدأت الآلام تقوى أكثر واكثر وعلى الساعة 8 جت قاست لي لقت الرحم مفتوح 8 سم
كان الطلق متعبني ... تقولي الممرضة لاتدفعين لما يجيكي الالم علشاان الرحم لسة مانفتح ويمكن لو دفعتي يصير عندج تمزق ووووو .........الخ
اقولها انا حاسة بولد وهي تقولي انتي بكرية ماراح تولدي الا بعد صلاة الظهر.. البكرية تاخذ وقت اطول
والله والله كلامها خلاني اعصب :mad:

صار يجيني الالم قوي واريد ادفع بس من كلامها احاول ما ادفع اجلس اصااااااااااااااارخ
لأن جد جد تعباااااااااااااااااااانة

<< زوجي جا ويقولي الصراخ واصل لبرا المستشفى لا تصارخي :mad:
اقوووله غصب عني وش اسوي :confused::confused::confused::confused:


الساعة 9 تقريبا ودوني لغرفة الولادة
قلت هانت راح اولد<<:D

رحت لغرفة الولادة وزوجي وامي معي

الام الطلق تروح وتجي وكانت قوية .. الساعة 9 ونص كان الرحم مفتوح 10 سم
قالت لي الممرضة كل ماتحسي بألم ادفعي ..
قلت واخيرا يعني :(

الطلق برد .. صار يجيني شوي ويتأخر شوي
يعني ادفع ..وبعدها اوقف وقت واطول
تعبت من هالسالفة
تقولي ادفعي بقوة ..وانا دفعي كان سيء << على قولتهاا
وصلت الدكتورة هالوقت ..
شوي ارتحت لما شفتهااا

تقوولي لما تحسي بالم لازم تدفعي بأقوى ماعندك عشان تولدي ..اقولها انا ادفع بقوة تقولي لااا .. اقوى اذا تقدري
جسمي كان تعباااان والله

جت الساعة 10 .. وتقولي الممرضة الراس نحن نشووفه لازم تدفعين
احااااااول ..ادفع بقوة
وكل شوي ادفع..بقوة
الدكتورة قالت .."" انتي ماعملتيش حاجة""

قلت كل هذا ولسة ماعملتش حاجة :ss:
تعبت والله

جت الساعة 10 ونص
قالت لي ماراح اصبر .. البيبي نبضه خف وراح اوديكي غرفة العمليات لو طولتي ..
:ss::ss::ss::ss:

يوم قالت العمليات ... ارتعبت
انا انتظر الخلاص وهي تقول عملياات :(

بس من الخووف ..بعد كلامهااا
صرت ادفع بقوة بقوة بقوة ..

وهي تقولي ايوة ايوة كمان كويس .. براااااافوو << حشا مباراة :o
ودفعت وشوي .. وبعدها مرة مرة ماحس بشي
فتحت عيوني ..الا وبنتي خلاص طلعت
والله ماصدقت
ماصدقت اني خلصت وولدت
بكيت من الفرحة ومسكت الممرضة وقعدت ابوسهااا واقول الحمد لله

<< شو مالقيتي غير الممرضة تبوسينها:tongue:

قالت الممرضة الحمد لله ماطولتي << قلت توك يعني :mad: .. اقولك بولد وانتي تقولي بطوولي مابتولدي


المهم

هذي قصة ولادتي بمريووومتي


الله يخليها لي يارب