مــــرحباااااااااا بنات هذي قصيده أعجبتني وحبيت تقرونها معي بس مادري موجوده من قبل ولا !!!!!
أصعب سؤال اللي جوابه للأسف مثلـه سـؤال
ماهو تفلسف إلا موقف صار وأسمع ثاني بيـت
البارحه يومه سـأل وش ذكـرك ذيـك الليـال
كان الجواب بكل بساطه من متى اصلا نسيـت
ادري بأن جمع الصعوبه والبساطه شي محـال
لكنها صارت كـذا واللـي آهـم انـي دريـت
ان الحياه في بعد احبابـك اذا جـف الوصـال
تعيشها لوتقتنع انك خـلاص اصبحـت ميـت
ياصاحبي لو كل شـي يمـر بالخاطـر يقـال
ماكانـت العبـره تولتنـي ليامنـك طـريـت
شفني قدرت احبس دموعي بس دمع القاف سال
وياكبرها ساكت ولكن داخـل اوراقـي بكيـت
عمر الحكي ماكان دافي لأبتـدى بكلمـة تعـال
لجل اتجاهل رجفـة حروفـي ليامنـي حكيـت
الحال فـي بعـدك قسـم بالله ماسميـه حـال
انوي على الضحكه واحس كلي خطأ لاني نويت
اتصور انك من رحلت اشوفك لجسمـي ظـلال
لاشفته امشي بابتعد واثره معي مهمـا مشيـت
مادم يعني في بحـرك لفرحتـي مليـون جـال
وش فيه موجك ماركد قربت اموت ومارسيـت
يرضيك ماعادت معي تفـرق اذا جالـك مجـال
لاني اقتنعت انك نهايه وانـي ببطـي مابديـت
صرت اعقد حجاجي اذا جابوك باطراف الجـدال
وانا قبل لاقالوا اسمك كني ميـت ثـم حييـت
تعبت اعيش بـدور وافتـح للمعاذيـر الخيـال
واتخيل اني جيت فـي بالـك وانـك استحيـت
وترد لي كلك وله وتقـول كـأن البعـد طـال
ومن الفرح ماعاتبك واقـول ياخـي مابغيـت
حتى وانا اتخيـل حشمتـك لان قلبـي لايـزال
يكرر اسمك داخل اعماقـي بنبضـه لاسهيـت
قلي شسوي فيك وانت بداخلـي اصـدق مثـال
للحب واحساس القصيد وان عانق الليل وسريت
ربي يصبرني على الفرقـا مـدام الحـظ مـال
وانت بيجي لك يوم تعرف ليه في بعدك شكيـت
واذا بلاك الله وعذبـك اشتياقـك بـس تعـال
واقرا القصايد في غيابك كل ابوها بيـت بيـت
تدري ان اصعب سؤال اللي يجـي رده سـؤال
لاقلت لي وش ذكرك ثم قلت لك متـى نسيت .؟.؟
منقول
منقول
: تحيـــــــــــــــــاتي لكم :
توتـــــــه
توتـــــــه