تنصحوني بدواء لفتح الشهية ؟!!

ماما حسون 18-11-2008 14 رد 10,411 مشاهدة
م
مساء الخير على احلى امهات :)




كيف حالكم !!






بنات عندي مشكلة حاليا مع ولدي الكبير وهو عمره 4 سنوات و8 شهور تقريبا وهو في الاساس اكله قليل وجسمه نحييييييف خصوصا انه ما شاء الله طويييل فالنحافة واضحة جدا عليه ،، المهم ان ولدي هالفترة صايرة شهيته تقريبا معدومة وخصوصا على الوجبات او الاكلات المفيدة والنتيجة انه زاد في النحافة بشكل ملفت للنظر وااااايد حتى ثيابه وسعت عليه والاهل معقديني من كثر ما يسألوني عنه وعمي ابو زوجي يقول انه يحاتي حسون لانه صاير جلد على عظم ولا ياكل ( لان عمي متعود يوميا ياخذ حسون ويوديه يتغدى معاه فيشوف أكله شلون صاير ) ..


والحين هالشي مأثر على نفسيتي وايد ،، وافكر اجرب معاه فاتح شهية وابوه ما كان متحمس في البداية بس الحين احسه عادي لو عطيناه ..

هل عندكم معلومات عن هالنوع من الادوية ؟؟
شنو احسن نوع ؟؟

جربتونه او سمعتوا عن تجربة احد تعرفونه !!!


واذا بغيت اعطيه وين اروح يعني اروح الصيدلية ولا اروح المستوصف ولا عيادة اطفال خاصة ولا ويييين !!



بانتظار ردودكم :)
B
شوفي عزيزتي أنا أت زوجي ودت ينتها للدكتور و وصفلها لبنتها فاتح شهية و أنا حاسه أنه عمل مفعول مع البنت فا انتي روحي للدكتور أفضل و هو يكتبلك اللي ينفع ابنك
أ
أخذيله مستر تومز أو تومي..

حلاو فاتح شهيه مع فيتامين..

يهبل للجهال.. اللي بهالعمر
ح
نفس مشكلتي وية ولدي بالضبط <<هذي مشكلة عندي ازلية شكلهاااا>> مو يوم عمره سنة واني احاتيه ما ياكل كلشش يوم كبر اشوي اكتشفنا ان فيه مرض لين عظام وكان محتاج لتغذية وفي هالفتررة ما ظل دوا فاتح شهية ما استخدمته وظليت 5 شهور استخدم اليه وكل مرة نوع وكل من وصف الدكاترة ما يفيد ويكتبون لي واحد ثاني
رغم ان اسمع من ناس ان يفيد وية عيالهم وطلع فاتح الشهية مو وية الكل ممكن يجيب نتيجة على حسب الطفل يختلف من شخص للثاني

واني قلت اليش تجربتي والحين اذا اسمع احد بياخذ فاتح شهية ما اشجعه لانة تعبت من هالادوية ولا استفدت منهم كلششششششششش

بس حبيت اقول اليش نقطة هذا الدوا اذا ما فاد ما يضرر وما في مشكلة تروحين صيدلية وتاخذين من عندهم او تروح للدكتور يكتب اليش ما تفررق يعني لانة هالنوع من الادوية انواع واشكاااااااااال
ن
مشكلة !! اتوقع كل الاطفال بهالعمر اتقل شهيتهم !!

ولدي بمثل العمر تقريبا ما ياكل ولا يتشجع على الاكل .. اكل الروضة اذا رد من الروضة اشوفه مثل ما حمله يرد ابه الا بس العصير يشربه .. واذا اكل في البيت بس جبس مع كتشب وصاير لي ضعييف وزنة 15 كيلو بس وصاير كلش جلد على عظم .. افكر اعطيه ادويه تفتح شهيته بس كنت افكر ان يمكن ما يفيد معاه ,, ومثل ما قالت حبيبة جيمي ما نفع مع ولدها ..

مشكلة .. اتمنى البنات يفيدونا ...
B
مايشوف شر حسوون

ترى حتى الصيدلاني يعرف لانه فاتح شهية بس وديه الطبيب يمكن عنده التهاب او شي لانه بعد يسد شهية الاطفال
r
أولادي نفس ولدك ما يأكلوا و شهيتهم دايما مسدودة
ألحين أتبعت معاهم نظام جديد ما فيه شراب و لا خرابيط إلا بعد ما يكملوا وجبتهم و لحد ألحين ماشي معاهم هالنظام بس إلى متى الله أعلم
جربي معاه هالشئ إن شاء الله ينفع
ر
انا ابنب عمره سنتين ونص ونفس المشكله شهيته ضعيفة للأكل وجبتله فاتح شهية اسمه كيددي واحس انه صار يطلب الكل ويجوع والله يعينك لأنه انا كنت اعاااااااااااااااااااااني من هلموضوع كتير
أ
نفس مشكلتي مع عزوز وصف له الدكتور هالعلاج

بس جنني مارضى ياخذه
.
ألف سلامه على البطل
الأفضل تزورين الطبيب وتشرحين حالة ولدك وكيف تغير أكله وضعفت شهيته
يعمل تحاليل وفحوصات ويعرف السبب ويعطيك العلاج المناسب
م
وه كلنا نعاني يا أم حسون.. بس ترى عادي بهالسن تشوفينهم منطلقين ومايقعدون وبالهم في أشياء بالنسبة لهم أهم من الأكل..

لما كان عمر عبودي سنة عطيته نفس الفيتامين اللي حاطة صورته أم عزوز.. كان فاتح للشهية وحتى ماكان في البحرين خذيته من السعودية..


الحين شريت له الفيتامين اللي مثل الجلي وآشوف الحمدلله تحسن شوي وقام ياكل.. هو ماظن فاتح للشهية لكن فيه كل ناصر الفيتامين,, هو نفسه اللي تقصده أختنا M.Sayer.. وهذي صورة مشابهه له . بس هو شركة ثانية ماحصلت صورتها وغطاها أبيض بس أول ماتشترينه الغطاء يكون مغلف ببنفسجي...

ع
روحــي للطبيب يشخص حالة ولدج
وهو بيوصفلــج الفاتــح المنـاسب
ح
rawiyah;7798081:
أولادي نفس ولدك ما يأكلوا و شهيتهم دايما مسدودة
ألحين أتبعت معاهم نظام جديد ما فيه شراب و لا خرابيط إلا بعد ما يكملوا وجبتهم و لحد ألحين ماشي معاهم هالنظام بس إلى متى الله أعلم
جربي معاه هالشئ إن شاء الله ينفع


اني جدي ما اعطي صدوقي اي شي قبل الوجبات الاساسية من خرابيط وغيرره لكن بعد شهيته ضعيفة واذا اكل زين يكون اني قاعدة الهيه بشي او بلعبة او بالاتاري واني اكله يعني مثل البيبيااات ما ادري لمتى بظل على هالوضع

يعني ياكل برروحه مستحيل ما ادري ليش يكررره الاكل جدددددددددي
م
مشكورين بنات على ردودكم ...


انا ولدي شهيته على فترات يعني فترة يصير اكله اوكى وفترة يندمررررر والفترة اللي طافت كان ياكل نوعا ما زين والحين مرة وحده ما شفته الا مو راضي ياكل ..

مع العلم ان ما اشوف عليه مشاكل ثانية سواء صحية او غيرها <<< نسيت اقول ان ولدي مسوي عملية اللوز وشايلنهم من اللعام يعني ما اعتقد ان عنده صعوبة في البلع :(


وعن الدواء الجيلي سمعت عنه من قبل وكانت تستخدمه اختي الصغيرة بس كنت اظن انه مجرد فيتامينات اول مرة ادري الحين ان فاتح شهية بعد !!



وعن تأكيل الطفل انا بعد للحين حسون احط له اللقمة في بوزه مثل البيبيات وع الوجبة نقعد انا وابوه كل واحد يستلم له واحد ويأكله واما قدام الناس لازم احصل انتقادات الا ولدج كبر وللحين تأكلينه ولا متى بتخلينه يعتمد على نفسه وووووو ............. الخ ،، بس شسوي لو ما نأكله ما ياكل بروحه والحين زاد بعد نلاحق وراه ونشتري له اللي يبيه ونوعده باشياء يحبها ولا يرضى ياكل بعد :16:



ان شاء الله الليله بروح الصيدلية وبشوف وش يعطيه الصيدلي ويا رب يستفيد ويتحسن أكله (w)
ا
ما انصحك بفاتح شهيه للطفل
بدون مبالغه اي طفل في اهلي استخدمو له فاتح شاهيه كبر وصار يعاني من السمنه الزائده
ما انصحك
تقبلي مروري
X