أهلا فيكم ياأمهات المنتدى.. من زمان ماكتبت ويوم رجعت لكم بالكتابة بديت بمشكلة وآبي لها حل لأن خلاص باستجن من ولدي.... مشكلتنا كلها بالروضة......
الولد شاطر ماشاء الله عليه ويمدحون فيه وحتى امي تقول لين آخذه الظهر مافي أحسن منه ينزل من فوق مستانس.. المشكلة كلها صايرة معاي...
من نقوم الصبح وهو يحن مايبي يروح الروضة .. الروضة كريهه.. الروضة بايخة.. آنه مابي آروح.. بطني يعورني (عاد هذي قصة البطن قصة كل يوم يتحجج بها عشان مايروح ويقول عطوني عسل)..
ومرة كان متحجج مايبني أوصله الا يبي أمي وقعد يصيح بالسيارة بطنه وكنا وقتها عند دوار المطار وقمت نزلته المطار قلت يمكن صج يبي يدخل الحمام.. الحين خذها حجة من نطوف عند المطار قال بطني.. ومرة من البيت قال بطني بيعورني خل ندش حمام المطار ههههه (يبرز الدواء قبل الفلعة)....
اليوم خلاني ربع ساعة واقفة أقنعه ينزل من السيارة ويدخل ومافي فايدة..آخر شي سكرت السيارة ووقفت عند باب الروضة وناديت المديرة قلت لها تصرفوا معاه تعبت وكان مسوي هالحركة فيني يوم الأربعاء اللي فات.. المهم المسكينة المديرة تقول لي ولدج شحلوه ومافي أحسن منه ماصدق يسوي جذي.. يات معاي للسيارة ومن شافها نزل حتى قبل لاتقول له شي ونزل لي كم دمعة.. يمكن تصرفي غلط بس شاسوي ما كان في حل...
روضته نفسها اللي كان فيها السنة اللي فاتت بس لأن السنة اللي فاتت بنت خالي معاه وهي السنة نقلوها المدرسه مع أخوها.. وأخوي بعد هناك.. وولدي عنده حجج ليش كلهم هناك وآنه لا.... قلت له ماما إن شاء الله السنة الياية أنت بعد بتكون معاهم.. لا كل يوم لازم يلومني....
وطبعا عيال خالي كل ماجافوه قالوا له أحنا في المدرسة الفلانية.. وآسمعه يرد عليهم ويقول روضتي كريهه آنه آبي مدرستكم....
طبع بعد متعلم هالكم شهر نص الليل يقوم ويشرف عندنا بالحجرة وينام بوسطنا.. تعبت معاه...
شاسوي معاه.. يعني آنقله لمدرسة أخوي وعيال خالي.. أو أخليه مايمشي كلامه ويستمر ولين السنة القادمة إن شاء الله أسجله معاهم..
تعبانة والله تعبانة من عناده وقصته كل يوم .. البارحة والله أتعشى ودمعتي على خدي.. مو قادرة أسيطر عليه وهو بأربع سنوات.. يعني لين وصل الثانوية شنو بيكون حالي؟؟؟
شكلي بستجن من تصرفات ولدي
م
16-11-2008 | 11:17 AM
م
16-11-2008 | 11:23 AM
يا هلا أم عبد الله
أختي اللي فيه عبد الله وضع طبيعي...يحاول معاكي بكل الطرق يخليكي تنقليه لمدرسه عيال خاله...
هو شكله يحبهم و يريد يظل معاهم أطول فترة ممكنه...
مش عارفه لو ينفع تحويل الآن...صرنا بنص السنه...
أو عاد تحاولي معاه لحد ما تمر هذه السنه على خير...قوليله لو خلصنا المدرسه و كنا شاطرين راح نروح مدرسه عيال خالو...و مدرستهم بس للكبار الشاطرين...و لازم تكون شاطر...
عارفه هم الكلام يأثر عليهم...
الله يحفظلك إياه
أختي اللي فيه عبد الله وضع طبيعي...يحاول معاكي بكل الطرق يخليكي تنقليه لمدرسه عيال خاله...
هو شكله يحبهم و يريد يظل معاهم أطول فترة ممكنه...
مش عارفه لو ينفع تحويل الآن...صرنا بنص السنه...
أو عاد تحاولي معاه لحد ما تمر هذه السنه على خير...قوليله لو خلصنا المدرسه و كنا شاطرين راح نروح مدرسه عيال خالو...و مدرستهم بس للكبار الشاطرين...و لازم تكون شاطر...
عارفه هم الكلام يأثر عليهم...
الله يحفظلك إياه
م
16-11-2008 | 11:28 AM
أسعدني ردك السريع أم مريم.. أنا عارفة إن هذي كلها محاولات علشان أنقلة المدرسة.. بس صعبة أنقلة بنص الفصل وأنا لحد الحين دافعة قسطين لهم وباقي القسط الأخير نهاية هذا الشهر...يعني إذا نقلته المدرسة مع عيال خالي تعالي دفعي أقساط أخرى وجهزي له ثياب جديدة...
م
16-11-2008 | 11:36 AM
لا طبعا صعب جدا
ما في غير تضحكي عليه و تحايليه...و تخليه بطريقة ما يفهم إنه روضته أحلى من الثانيه...و إنه الشاطر بنغيره و ننقله للروضة الثانيه
ما في غير تضحكي عليه و تحايليه...و تخليه بطريقة ما يفهم إنه روضته أحلى من الثانيه...و إنه الشاطر بنغيره و ننقله للروضة الثانيه
ع
16-11-2008 | 11:46 AM
شكلج تتكلمين عن مصبح خخخخخخخخخخخ
تدرين والله اليوم مطلعتنه الباص بالعصا لا وضربته شوي بعد
خلاااااااااص بموت منه .. يحب الحضانه ويموت فيها لما ارجعه البيت يقول كل يوم ابا اروح
والصبح يقوم كأنه شايف ابليس .. انا مريض انا في حراره .. الحضانه تعبتني ومن هالخرابيط .. المشكله لو انا الي موعيتنه من النوم بقول .. لكن هو يكون واعي قبل موعد صحيانه من النوم ..
ومن يقوم يكره الشغاله يكفخها ما يباها عنده مع انها من سنتين عندنا ويحبها ويموت فيها بس الصبح يكره يشوفها .. وانا ماقدر اطلع معاه لين برا الباص .. حدي نص الحوش ..
الصبح بس يروح بالباص الرجعه انا اروح له .. وكل يوم قصه يبا يشوف التلفزيون الصبح ولا يبا يتحرك .. يرافس ويضرب ويبلط مكانه ما يتحرك اللا بصراخ و هواش وتخويف .. (ترا جربت المساير ابد ما يمشي معاه) يكلمني وهو معصب ويرفع الضغط ..
بس ليش جي ما فهمته والله مع انه مب مغصوب ويحب الحضانه بس سبحان الله الصبح ما يباها ..
سامحيني ماعندي حلول انا بروحي زدتج ههههههه شسوي اعاني يمكن اكثر منج
ونفسج ياما صحت من عناده واني ما اقدر اسيطر عليه لدرجه اني قلت لأبوه ولدك من يكبر بيفرني بالشارع
تدرين والله اليوم مطلعتنه الباص بالعصا لا وضربته شوي بعد
خلاااااااااص بموت منه .. يحب الحضانه ويموت فيها لما ارجعه البيت يقول كل يوم ابا اروح
والصبح يقوم كأنه شايف ابليس .. انا مريض انا في حراره .. الحضانه تعبتني ومن هالخرابيط .. المشكله لو انا الي موعيتنه من النوم بقول .. لكن هو يكون واعي قبل موعد صحيانه من النوم ..
ومن يقوم يكره الشغاله يكفخها ما يباها عنده مع انها من سنتين عندنا ويحبها ويموت فيها بس الصبح يكره يشوفها .. وانا ماقدر اطلع معاه لين برا الباص .. حدي نص الحوش ..
الصبح بس يروح بالباص الرجعه انا اروح له .. وكل يوم قصه يبا يشوف التلفزيون الصبح ولا يبا يتحرك .. يرافس ويضرب ويبلط مكانه ما يتحرك اللا بصراخ و هواش وتخويف .. (ترا جربت المساير ابد ما يمشي معاه) يكلمني وهو معصب ويرفع الضغط ..
بس ليش جي ما فهمته والله مع انه مب مغصوب ويحب الحضانه بس سبحان الله الصبح ما يباها ..
سامحيني ماعندي حلول انا بروحي زدتج ههههههه شسوي اعاني يمكن اكثر منج
ونفسج ياما صحت من عناده واني ما اقدر اسيطر عليه لدرجه اني قلت لأبوه ولدك من يكبر بيفرني بالشارع
د
16-11-2008 | 11:56 AM
أم عبدالله أنا من رأيي ما تستجيبي لمحاولاته حتى لو في إمكانية ... قرأت مرة أن هذا يعلم الطفل الابتزاز ، هم أذكياء جداً ما شاء الله عليهم وشكلهم من أول ما يجوا ع الدنيا سياسيين يجيدون الحرب النفسية جداً ... إذا استجبتي هالمرة كل مرة يبي طلب مهما كان مبالغ فيه بيلجأ لنفس الاستراتيجية الضغط النفسي
أ
16-11-2008 | 12:16 PM
رقم;7767027:
أم عبدالله أنا من رأيي ما تستجيبي لمحاولاته حتى لو في إمكانية ... قرأت مرة أن هذا يعلم الطفل الابتزاز ، هم أذكياء جداً ما شاء الله عليهم وشكلهم من أول ما يجوا ع الدنيا سياسيين يجيدون الحرب النفسية جداً ... إذا استجبتي هالمرة كل مرة يبي طلب مهما كان مبالغ فيه بيلجأ لنفس الاستراتيجية الضغط النفسي
هذا رأيي أنا الأخرى
أيام كنا صغار ما كنا نستجري نقول لماما مش عايزين نروح أو نعيط ونتعصب ... الموضوع غير قابل للنقاش أصلا ومن غير ضرب أو زعيق
مشكلة أطفالنا إننا بنعاملهم كأنداد ... لأ
انتي ولية أمره ... وفي هذا السن الديكتاتورية (مجازيا) هي الأفضل للطفل ... طبعا يختار لبسه لعبته الحاجات البسيطة دي بس جميع الأمور الأخرى تحت سيطرتك أنت فقط لا غير
أنا من رأيي تلفتي نظره لأن سلوكه غير مقبول ... قولي له العياط مش هيخليني أنقلك معاهم بالعكس ... المدرسة الجديدة بتبقى للأطفال المؤدبين اللي بيسمعوا كلام ماما من غير صراخ
سياسة الابتزاز عند الأطفال يجب أن تقابل برد فعل حازم وجازم حتى لا يتمادى في هذا الأمر ... يجب أن يعلم من البداية أن الصراخ لا يفيد ومحاولات الضغط على الوالدين لا تفيد بالعكس قد تأتي بنتائج عكسية
أصلح الله حال أولاد المسلمين جميعا
م
16-11-2008 | 12:22 PM
أمةالله;7767189:
هذا رأيي أنا الأخرى
أيام كنا صغار ما كنا نستجري نقول لماما مش عايزين نروح أو نعيط ونتعصب ... الموضوع غير قابل للنقاش أصلا ومن غير ضرب أو زعيق
مشكلة أطفالنا إننا بنعاملهم كأنداد ... لأ
انتي ولية أمره ... وفي هذا السن الديكتاتورية (مجازيا) هي الأفضل للطفل ... طبعا يختار لبسه لعبته الحاجات البسيطة دي بس جميع الأمور الأخرى تحت سيطرتك أنت فقط لا غير
أنا من رأيي تلفتي نظره لأن سلوكه غير مقبول ... قولي له العياط مش هيخليني أنقلك معاهم بالعكس ... المدرسة الجديدة بتبقى للأطفال المؤدبين اللي بيسمعوا كلام ماما من غير صراخ
سياسة الابتزاز عند الأطفال يجب أن تقابل برد فعل حازم وجازم حتى لا يتمادى في هذا الأمر ... يجب أن يعلم من البداية أن الصراخ لا يفيد ومحاولات الضغط على الوالدين لا تفيد بالعكس قد تأتي بنتائج عكسية
أصلح الله حال أولاد المسلمين جميعا
و الله عجبني كلامكم جدا...
يعني طلع الأطفال فاهمين و يبتزّونا كمان !
راح أغير وجهة نظري عن الأطفال كليا :rolleyes:
ا
16-11-2008 | 12:26 PM
ههههههههههههههههه يا حليلة حبوب والله و لا عن سالفة البطن و العيارة ذكرني بخوي كله علثته البطن حتى يغيب
اختي انا اتذكر روحي يوم كنت في الروضة كنت هلون و ماحب اروح لأنها كانت مرحلة يديدة و آحس بالوحشه لكن احب اقولج هي مرحلة وقتية لا أكثر و كل ما بينتي تساهلج زاد و باين عليه عليه وواضح أنه يستغل حبج له و عطفج عليه و الدليل أول ما شاف المديرة قام أما انتي لاعب عليج ...
لا تنقلينه و خليه يتعلم ان المدرسة مكان يتعلم فيه و مب شرط ان يكون فيه احد يعرفه و خله يكون صداقات يديدة و يصير اجتماعي .
. شجعيه و حببيه في الروضه و خليه يوله على أصدقائه و ذكريه ابهم .. و خلج حازمه معاه
لا تقولين ليس المرحلة الثانويه هي مسألة وقت بس يبي لها حزم
اختي انا اتذكر روحي يوم كنت في الروضة كنت هلون و ماحب اروح لأنها كانت مرحلة يديدة و آحس بالوحشه لكن احب اقولج هي مرحلة وقتية لا أكثر و كل ما بينتي تساهلج زاد و باين عليه عليه وواضح أنه يستغل حبج له و عطفج عليه و الدليل أول ما شاف المديرة قام أما انتي لاعب عليج ...
لا تنقلينه و خليه يتعلم ان المدرسة مكان يتعلم فيه و مب شرط ان يكون فيه احد يعرفه و خله يكون صداقات يديدة و يصير اجتماعي .
. شجعيه و حببيه في الروضه و خليه يوله على أصدقائه و ذكريه ابهم .. و خلج حازمه معاه
لا تقولين ليس المرحلة الثانويه هي مسألة وقت بس يبي لها حزم
م
16-11-2008 | 12:45 PM
مسكينة يا أم مصبح هقيت أني الوحيدة اللي أعاني!!!!! طلعوا من أشكالي وايد هههههه..وبالضبط عبودي نفس مصبح.. عبودي بعد يقوم من نومه شبعان وحتى قبلنا يمكن يصحى من النوم يعني مو غاصبته على الإستيقاظ... ونفس الحالة بس خل تقرب منه الشغالة او يشوفها بطريجه تقولين إبليس والعياذ بالله طايف جدامه... والله الولد ماكان جذي السنة اللي فاتت كان ما أحلاه بس السنة معتفس وزوجي يقول أنت واحد ومسوية في عمرج جذي ومافيج صبر لين ياج الثاني شبتسوين بعمرج..... والله لين لقيت حل مع عبودي باعطيج إياه والله يهداهم.. بس أم مصبح أبتعدي عن العصا أحسن بعد لاتسوي له عقدة خو عيالنا هالأيام ناقصين عقد.....الله المستعان....
أخواتي رقم وأمة الله... عجبني رايكم وكلامكم ريحني... وصح ليش أخليه هو اللي يمشي كلامه.. خلني أكون شديدة معاه يكون مايتعود يمشي قراراته علينا....صدقتوا يوم كنا صغار مانتجرأ نقول كلمة لا إذا والدينا طلبوا منا شي.. والله أذكر حتى من نشوف الساعة صارت ثمان وبدت الأخبار (ههههه على أيام مافي الا قناة او قناتين بالتلفزيون) خلاص من نفسنا نركب فوق بدون محد يقول لنا يله قوموا وقت النوم والحين الف لف ودوران عشان ينامون....
أم مريم.. شفتي شلون عيالنا مو سهلين كل شي ماشاء الله يعرفونه وأحنا طلعنا الغشيمين.....
reddish يحليله أخوج بعد كانت عنده عيارة البطن.. عرفنا يعل الخدعة لايقص علي.... ولا آذكر مدرسته أول مافتحوا تقول لي وليش ماتودين ولدج يكشفون عليه وايد يشتكي من بطنه ويقول لنا أمي ماتوديني الدكتور.. العيار يطلعني آنه أم مو مهتمة مع إن والله بالصيف مسوية له تحاليل....
آنه عارفة دلعه ويستغل حبي له على قولة بنات المكتب دلوع رانيا.... بس من اليوم باكون شديدة أكثر معاه والله المستعان..ولا بعد يصارخ علي أمس يقول وأنت بس كل تصارخين تحجي بلعدال....
أخواتي رقم وأمة الله... عجبني رايكم وكلامكم ريحني... وصح ليش أخليه هو اللي يمشي كلامه.. خلني أكون شديدة معاه يكون مايتعود يمشي قراراته علينا....صدقتوا يوم كنا صغار مانتجرأ نقول كلمة لا إذا والدينا طلبوا منا شي.. والله أذكر حتى من نشوف الساعة صارت ثمان وبدت الأخبار (ههههه على أيام مافي الا قناة او قناتين بالتلفزيون) خلاص من نفسنا نركب فوق بدون محد يقول لنا يله قوموا وقت النوم والحين الف لف ودوران عشان ينامون....
أم مريم.. شفتي شلون عيالنا مو سهلين كل شي ماشاء الله يعرفونه وأحنا طلعنا الغشيمين.....
reddish يحليله أخوج بعد كانت عنده عيارة البطن.. عرفنا يعل الخدعة لايقص علي.... ولا آذكر مدرسته أول مافتحوا تقول لي وليش ماتودين ولدج يكشفون عليه وايد يشتكي من بطنه ويقول لنا أمي ماتوديني الدكتور.. العيار يطلعني آنه أم مو مهتمة مع إن والله بالصيف مسوية له تحاليل....
آنه عارفة دلعه ويستغل حبي له على قولة بنات المكتب دلوع رانيا.... بس من اليوم باكون شديدة أكثر معاه والله المستعان..ولا بعد يصارخ علي أمس يقول وأنت بس كل تصارخين تحجي بلعدال....
ج
16-11-2008 | 12:46 PM
مرحبا اختي
الله يخلي لك ولدك
انا بعد بنتي تسوي لي نفس التصرفات بس اهي تحب الروضه
وتحب تروح لها بس لها شروطها قبل لا تروح
يعني اهي تحدد من يوديها ومن يبيها مره خلتني اظطر اتصل لبوي الله يطول بعمره عشان يوديها روضه طبعا طلبها وما تبي تروح الا اذا ابوي ودها
بس بصراحه يستاهل ابوي انه اهو لي مدلعها
وهي تختار فطورها بنفسها وهي الي تقول شنو تبي
وساعات لين ابي اوصلها لي صف ما تبي تقولي انا بروح بروحي يعني تحب تعتمد على نفسها
وانا بصراحه عجبني هشي فيها انه اهي لها شخصيتها القويه
وتحب التنافس وتحب دووم ينقالها شاطره وماتحب حد يذمها ولين شافت حد يدرس على طول تقولي يالله درسيني وساعات ماتبيني ادرسها تبي تدرس بروحها ولو اساعدها انها تكتب شي على طول تمسحه وترد تكتبه مره ثانيه ساعات اتضايق من تصراتها بس في نفس الوقت اقول لا هم احسن لها انها تعتمد على نفسها بكل شي
وهم مدرساتها مستانسين منها ويمدحونها لي
الله يخلي لك ولدك
انا بعد بنتي تسوي لي نفس التصرفات بس اهي تحب الروضه
وتحب تروح لها بس لها شروطها قبل لا تروح
يعني اهي تحدد من يوديها ومن يبيها مره خلتني اظطر اتصل لبوي الله يطول بعمره عشان يوديها روضه طبعا طلبها وما تبي تروح الا اذا ابوي ودها
بس بصراحه يستاهل ابوي انه اهو لي مدلعها
وهي تختار فطورها بنفسها وهي الي تقول شنو تبي
وساعات لين ابي اوصلها لي صف ما تبي تقولي انا بروح بروحي يعني تحب تعتمد على نفسها
وانا بصراحه عجبني هشي فيها انه اهي لها شخصيتها القويه
وتحب التنافس وتحب دووم ينقالها شاطره وماتحب حد يذمها ولين شافت حد يدرس على طول تقولي يالله درسيني وساعات ماتبيني ادرسها تبي تدرس بروحها ولو اساعدها انها تكتب شي على طول تمسحه وترد تكتبه مره ثانيه ساعات اتضايق من تصراتها بس في نفس الوقت اقول لا هم احسن لها انها تعتمد على نفسها بكل شي
وهم مدرساتها مستانسين منها ويمدحونها لي
م
16-11-2008 | 12:56 PM
ويخلي لك بنتك يارب..
كان الله بالعون أختي جولييت شكلنا كلنا نعاني.... جوفي عيارة ولدي الحين أمي خذته من الروضة الا يقول لها خليت أمي واقفة اليوم في الشارع وآنه طنقرت (جوفوا الكلمة اللي متعلمها) ومانزلت خليتها تنادي المديرة,, أمي تقول له عيب جذي مايسون في أمهم .. تقول له شنو السبب... قال كل أصدقائي يغيبون عن الروضة بس آنه بعد ماحب آروح باغيب مثلهم.... يعني هذي حالة...
وعن بنتج تتشرط من يوصلها .. ولدي بعد له هالحركات وكان الله بالعون.. كأن الناس فاضيين بس لهم...
كان الله بالعون أختي جولييت شكلنا كلنا نعاني.... جوفي عيارة ولدي الحين أمي خذته من الروضة الا يقول لها خليت أمي واقفة اليوم في الشارع وآنه طنقرت (جوفوا الكلمة اللي متعلمها) ومانزلت خليتها تنادي المديرة,, أمي تقول له عيب جذي مايسون في أمهم .. تقول له شنو السبب... قال كل أصدقائي يغيبون عن الروضة بس آنه بعد ماحب آروح باغيب مثلهم.... يعني هذي حالة...
وعن بنتج تتشرط من يوصلها .. ولدي بعد له هالحركات وكان الله بالعون.. كأن الناس فاضيين بس لهم...
ج
16-11-2008 | 01:10 PM
رانيا البحرينية;7767538:
ويخلي لك بنتك يارب..
كان الله بالعون أختي جولييت شكلنا كلنا نعاني.... جوفي عيارة ولدي الحين أمي خذته من الروضة الا يقول لها خليت أمي واقفة اليوم في الشارع وآنه طنقرت (جوفوا الكلمة اللي متعلمها) ومانزلت خليتها تنادي المديرة,, أمي تقول له عيب جذي مايسون في أمهم .. تقول له شنو السبب... قال كل أصدقائي يغيبون عن الروضة بس آنه بعد ماحب آروح باغيب مثلهم.... يعني هذي حالة...
وعن بنتج تتشرط من يوصلها .. ولدي بعد له هالحركات وكان الله بالعون.. كأن الناس فاضيين بس لهم...
الله يعييينج حبيبتي ويعينا معااج
بس ولدج يبيله مسايسه
تسايينه يعني اول مايرد من الروضه عليج با الاستقبال الحلو ومكافئه وهذي هديه لك انه انت اليوم صرت شاطر ومدرستك قالت لي صرت شاطر وبكره بعد اذا صرت شاطر وماتعبتني وانت رايح الروضه بعد بشتري لك هديه
شتري له شريط اناشيد
انا دووم بسياره احط للعيال شريط اناشيد مال فرقة طيور الجنه ويسهون ولا يحنون تحصلينه طول طريج منسجم ويه الاناشيد وينشد معاهم
عطي هدايا يقدمه لصدقائه بروضه هدايه رمزيه بسيطه او هديه لمدرسته
واذا قدرتي العصر تطلعين معا بسياره وتقعدين تكلمينه وتعلمينا بتصرفاته وكيف يتصرف
وباذن الله بينفع معا هلسلوب كثثير
م
16-11-2008 | 01:36 PM
والله أختي جولييت مافي شي ماسويه له... خذيت له من هدايا اليانصيب الرخيصة يكون آكافئه بهم قعد يقول هذي مو زينة كجرة آبي هدية زينة.. ذاك اليوم قلت له إذا صرت حليو باعطيك هدية جان يقول عاد آبي زينة مو ذيك اللي بالكيس الأصفر... يعني بعد مو عاجبه الرخيص... ومرة سويت له DVD وحفلة صغيرة عشان يحب الروضة ووزع الهدايا بنفسه على أصدقائه....
وعن الطلعة والله مو مقصرين معاه آنه أو أبوه نطلع معاه ونقعد نلاعبه ونكلمه بس مافي فايدة ماخذ موقف من الروضة.. يعني هالقصة كلها بس عشان الروضة مو شي ثاني.....
وعن الطلعة والله مو مقصرين معاه آنه أو أبوه نطلع معاه ونقعد نلاعبه ونكلمه بس مافي فايدة ماخذ موقف من الروضة.. يعني هالقصة كلها بس عشان الروضة مو شي ثاني.....
r
16-11-2008 | 01:53 PM
أعانك الله أختي
نفس الحاله مع حمود ولدي اليوم جلس الصباح ما يبي يروح المدرسه و ظل يبكي طول الوقت و يتحجج اليي ان في ولد يضايقه قلت اليه بخلي ابوك يكلم المدرسه اليوم كسر خاطري و الله ابوه يصارخ عليه علشان يركب الباص . و طبعا هالموال مو بس اليوم ضروري بين فترة و فترة يردده ما يعجبه ان ينام بدري أو يذاكر أو يسوي اي نشاط يخص المدرسه و دايما على لسانه بكرة ما بروح المدرسه أنا مريض . أنا أحب الروضة أكثر من المدرسه ما ادري ليش يمكن لأن المدرسه تشد أكثر و يمكن لأن معلمة الروضة أحن عليهم من الأستاذ
أدري رانيا بدل ما أرايحك تعبتك معاي بس الظاهر هذي مشكله عند أغلب الأمهات
الله يهدي الجميع
نفس الحاله مع حمود ولدي اليوم جلس الصباح ما يبي يروح المدرسه و ظل يبكي طول الوقت و يتحجج اليي ان في ولد يضايقه قلت اليه بخلي ابوك يكلم المدرسه اليوم كسر خاطري و الله ابوه يصارخ عليه علشان يركب الباص . و طبعا هالموال مو بس اليوم ضروري بين فترة و فترة يردده ما يعجبه ان ينام بدري أو يذاكر أو يسوي اي نشاط يخص المدرسه و دايما على لسانه بكرة ما بروح المدرسه أنا مريض . أنا أحب الروضة أكثر من المدرسه ما ادري ليش يمكن لأن المدرسه تشد أكثر و يمكن لأن معلمة الروضة أحن عليهم من الأستاذ
أدري رانيا بدل ما أرايحك تعبتك معاي بس الظاهر هذي مشكله عند أغلب الأمهات
الله يهدي الجميع
م
16-11-2008 | 02:19 PM
الله يكون بعونك أم محمد.. عادي أختي فضفضي أحنا كلنا بهالركن لازم نواسي بعض وكان الله المستعان.. يمكن ولدج عشان وضع المدرسة جديد عليه مو متكيف بعده مع الوضع بس إن شاء الله كلها أيام ويتعود يعني على الفصل الثاني إن شاء الله الوضع يتغير عنده...
أ
16-11-2008 | 04:43 PM

السلام عليكم ورحمة الله وبركاته
ههههههههه ربي يحفظه لج..
شوفي انا شو سويت ابنتي..
بنتي كانت تدرش في مدرسه مع عيال عمها وكلهم تقريبا 5-6 اتخيلي كل هالعدد كانو معاها.. مع انهم ما كانو في صف واحد وتعرفت على بنت عم عيال عمها يعني وايدين.. وكانت في KG1 لانها كانت تروح وتيجي معاهم بالسياره.. يعني تشوفهم الصبح وبالفسحه ولما ترجع البيت.. وهي واااااااااايد ما شاء الله علاقتها زينه معاهم.. لانها احتماعيه..
في السنه الثاني KG2 نقلتها لمدرسه ثانيه وهناك ما تعرف ابد اي حد..!!
خفت انها ما تتاقلم لان ما تعرف حد وثانيا خفت اتصير انعزاليه.. وفوق هذا سجلتها اتروح بالباص يعني تصحى الصبح باجير هههههههههههههه..
اول شي اول يوم خذتها المدرسه وفي الطريق كنت اتناقش معاها والقط الكلمات الي على سنها والي تفهمه.. على فكره عمرها بعمر ولدج يا رانيا.. وفي الطريق شرحتلها ان المكان بيكون جديد والناس فيه اول مره تشوفهم وهو لوحدها وكانت تسالني ليش؟ مليون مره.. ولازم تستعدين لرد ولا ترتبكين.. فهمتها ان هذا افضل لها حتى تعتمد على نفسها وتصير اشطر عن عيال اعمامها.. ويوم ثاني اجهز لها الlunch box وهي تنقي الوجبه الي تحب تاكلها..
واشتري لها شباصات بحيث تتشجع تلبسهم ليوم الثاني..
واشتري لها شنطه الي تحبها على اساس تستخدمه يوم ثاني وهكذا..
بالمختصر شوفي شو نقطة ضعف ولدج.. لو عندج وقت توصلينه وصليه وبالسياره وفي الطريق ناقشيه وبينيله انه له قرار.. لان هالشي يحسسه بنوع من الثقه ويحس ان الام معاه..
واشتريله شي يحبه ولكن لا تعودينه عليه ولا بيستغل..
شجعيه وان ابلى بلاء حسن في الدراسه كل ويكآند اوعديه على انج بتاخذينه مكان وشرط هو الي يختاره ان ما بكى طول الاسبوع..
وهكذا..
بالعكس لما يكون لوحده في المدرسه يتعلم كيف يعتمد على نفسه..
وان شاء الله تتفوقين وخبريني شو صار معاج..
ومن اول يوم
ع
16-11-2008 | 05:13 PM
رانيا البحرينية;7766650:
مو قادرة أسيطر عليه وهو بأربع سنوات.. يعني لين وصل الثانوية شنو بيكون حالي؟؟؟
بااااااااااااال والله صج يا رانيا توه زوجي يقول اذا كبرت شوي كفو تسيطرين عليها " يقصد بنتي
ما عليه رانيا اخذيه بالهداوة وكافئيه اذا طاعج
ما عليه يبيلهم صبر بس شنسوي؟؟؟؟
الله يهديهم جميع
ما عليه رانيا اخذيه بالهداوة وكافئيه اذا طاعج
ما عليه يبيلهم صبر بس شنسوي؟؟؟؟
الله يهديهم جميع
ع
16-11-2008 | 11:06 PM
هههههههههههههههه والله انه يهبل يتحايل يبي يروح حمام المطار هههههههههه عباله مسوي فيج خدعة
م
17-11-2008 | 08:06 AM
أوراق الخريف.. مشكورة أختي على تشجعيك لي من الصبح والله أمس كنت أحس نفسيتي تعبانة... وقعد العصر يصيح الا يبي عيال خالي يروح لهم لأنهم كانوا مسافرين الإمارات بالويك أند وماشافهم وهو متعود عليهم... بالليل قعدت والله ساعة أهذر معاه وشلون الشاطر بناخذه المدرسة الجديدة وراح نطلعه بنهاية الأسبوع..حتى قعد يقول ماما كل جمعة يصير أجازة قلت له أي قال ونطلع مع بعض آنه وأنت وبابا.. قلت له اي.. آشوفه هدا. اليوم الصبح كالعادة نزلنا بيت أمي الا يقول حق أختي روضتي كريهه.. يارب آقدر أطبق نصائحك ونشوف شنو النتايج....
أم شجاع.. والله آقول لج هالعيال مادري شنو اللي راح يسونه فينا بعدين.. هذي وهو واحد واعصابي منشدة.. وزوجي يقول أنت تكبرين المواضيع على الفاضي ماله داعي كل ذي....
عروس ديرتي.. اي والله أختي الخوف باجر يشكون فيني أمن المطار ويقولون شعندها ذي كل يوم بالمطار شكلها بتفجر المطار ويفتكروني إرهابية...
أم شجاع.. والله آقول لج هالعيال مادري شنو اللي راح يسونه فينا بعدين.. هذي وهو واحد واعصابي منشدة.. وزوجي يقول أنت تكبرين المواضيع على الفاضي ماله داعي كل ذي....
عروس ديرتي.. اي والله أختي الخوف باجر يشكون فيني أمن المطار ويقولون شعندها ذي كل يوم بالمطار شكلها بتفجر المطار ويفتكروني إرهابية...