من فيكم ندمت على الزواااااااج!!!!!!

صباح الخير اختي

فديتج شوفي الحمدلله صارلي الحين سنتين وبدش على السنة الثالثة من زواجنا وكل يوم يمر علي اندم انه تأخرنا عرسنا اقول ياليتك في حياتي من زمان .... صدقيني والله ما تسود الدنيا الا اذا سافر عشان الشغل وغير كذا مابغي يفارقني ...

حاولي تحبيه حاولي تكوني حكيمة في كل تصرفاتك ... لميه وخليه كل شي في حياتك .... صدقيني حاولي تشوفي الدنيا بعيون حبيبك وحاولي ترضينه وتكشخين له وتسوين كل شي يخليه يموت فيج اكثر والدلع ترى الرجال يموتوا على الدلع ....

صدقيني انا عودت حبيبي على عادات ما يقدر يهدها ابدا لو مهما صار وان شافني في لحظة سهيت او سرحت يتضايق يقولي مابغي شي يشغلك عني ....

يا حبيبتي عيشي زواجك بكل لحظاته باجمل ما فيه والله جددي في حياتك يومياتك مع زوجك ودلعيه وخلي بينك وبينه كلام بالاغاز ومحد يفهمها غيرك انتي واياه بتشوفي حلاة الشي .... حتى اذا قالج كلمة قدام الناس او قدام اهله انتي بتفهميها والباقي لا ...

وعادي تمر على الحياة مشاكل كثيرة بس الحكيمة اللي تنساها وتبدل مكانها الفرحة ....

قومي جهزي حق يوم زواجكم وخلي احلى ايامج باحلى الليالي الرومانسية ....

صدقيني نصيحتي حبيه وحبيه وحبيه وبتشوفين النتيجة في عيونه .... حاولي تعوديه حتى في رقاده ما يرقد الا على حضنج ....

اتمنى افدتج وبقولج بامانة ما عمري في يوم ندمت على زواجي وبالعكس ندمت على كل لحظة قبل الزواج كنت بعيدة عن حبيبي .... وعلى الاسبوع القادم مخصصين يوم نحط بنتي عند امي ونطلع طلع يوم كامل بعيد عن كل الناس ونسويه شهر عسل جديد ان شاء الله ...

واكثري من الاستغفار هذي كلها وساويس شيطان وبتشوفين النتيجة ....

الله يوفقك واذا بغيتي نصايح وحركات واشياء تنور حياتك ان شاء الله ما ببخل عليج ....

في حفظ الرحمن

فديت قلبج تعوذي من ابليس .... يمكن قرارج كان متسرع وخطأ انج لجأتي لزواج عشان تهربين من مشكله معينه .. بس اللي صار صار وعلى قولتهم احنا عيال اليوم ... ابيج تشيلين هالفكره من راسج ... انتي بعدج بأول حياتج والمشاكل تصير بين أي اثنين حتى لو كانوا يموتون في بعض ... اللي تمرين فيه شي طبيعي وهذا كله بسبب الفكرة اللي زرعتيها في راسج .... اتقربي من الله أكثر وادعي انه يحط محبة زوجج بقلبج ويقربكم من بعض ... ولا تفكرين فالطلاق فكري كيف تبنين حياة سعيده مستقرة وصدقيني بتلقين نفسج تتصرفين بتلقائيه وتحلين مشاكلج بذكاء بدون ما تفكرين بالطلاق لانه مب حل .. وانا مب شايفه سبب مقنع يخليج تستسلمين وتلجئين للطلاق ... فكري زين حبوبه ولو احتجتي أي شي او اي نصيحه احنا حاضرين

تقبلي تحياتي

ياقلبي مادمه زوجك كويس معاكي ماله داعي شيلي الفكره من بالك
لأنه على كلامك كويس معاكي فلا تخسريه عشان شوية مشاكل او أحساس يروح ويجي
بالعكس المشاكل ملح الحياة واذا ماصارت المشاكل مابنحس بطعم
الراحه ياقلبي والسعاده تعوذي من الشيطان واكيد ربي كتب لك الزواج
من هذا ألأنسان اكيد في مصلحتك ياقلبي وربي أكيد يبغالك الخير


والله يوفقك في حياتك ويسعدك يارب
أمـــــــــــــــــــــــــــــــــين

سيحان الله نفس افكاري انا ماصارلي وااايد لما كملت سنتيين توني يعني ولما كملت السنه كانت ششاعري مثثللج ظظبط بس ترى هاي عين الناس لانه اللوحدة الحين يلالالالالالالالالالالالا تحصل رييال وخاصصه اذا كان زين وانا ريلي استوتلى مشاكل قبل العرس وكنت افكر اطللق بس عققب قالواللي بيتغير ريلي من النووع اللى كل شي ممنوع اتخيلي حامل ويقولي اتنقبي وانا كنت ادووخ ن النقاب وفعلا صارت في كذا مكان انى ازووع وااطبح بسبب النقااب بس ترى ريلي مقدر صبري ويياه واحس انه مب قادر يستغني عنى حتى لما كملت سنه وشي يعني تقريبا من سنه بالظببط طلبت الطلالاق وصاااااح ومن يومها عرفت قدري عنده عرفت انه يحببني ومقدر صبري على عصبيته ترى ريلي عصبي بشكل اتتصوريينه ومايخلينيي اطلع ويه احد بس لو صار طيب ماافي حد اطيب عنه تعبت نفسيا ويياه احسس ماتهننيت بزوواجي كل شي بامررره وانا مش مرتتااحه مع اهل ريلي اهنا اققوولج مااحسيت انى عرووس مع انى ررحت شهر العسل احللى مدن العالم بس والله ممااستانيسست نققاب ولاتتتكلميين وماخذت حرريتي اببددددد بس تدريين اخر شي اكتششفت انه ششييطان يعني لو ماكنت تزوووجت شو بيكون صيري الحين عري الحين 24 سنه بكون اكيد على اعصابي وابى اعرررررررررررررس لانه الللى حوالي معرس وابى ياهههل ترى الله عطاانه اشيا واايد بس نحن مب حاسين بالنعمه وواايد بنات يتمونون الزوواج والاستقرار اذا رييلج زيين خلالالاص انسي اللى كان بينكن صدقيين انا وااايد اشيا نسيييتها والللى ذكرتهااهنا ولالا شي عشان جي عيشي ايام زوواجج انا الهم والندم ماخلانى اعيش لحطات زواجى صح مثل الاخت اللى قالت فمن الحين الحقى نفسسج وعيشي لحظات زواااجج صدقيني عقب قفتره بتشووفين اثننين وبتتحسريين انه مثلا هالاثثنين توة عندهم واحد مب عشرره وتوهم يتعرفون على بعض عندهم وللد واااحد مثثلا وانتى حامل بالثاني ولالا الثاني وييياج فمن جي عيشي ايامج انا يو اشووفف اثننين اتحسر انه انا ماعششت هالاللحظات الا اللهم في شهر العسل وعقب ررحت الجامعه ادرس وحملت فماكان يطلعنى كل مكان ويياه مثل قبل اتعوذذي من ابلييس وييالييت تستفيديين من تجاربنا انتى في نعمه ترى

عروس البحرين2

ما أدري ليش مشكلتج نفس مشكلتي بالضبط

كاني أشوف نفسي فيج

بس الفرق اني صار لي سنه و 4 اشهر

سبحان الله .. هذا ملح الحياه .. والمشاكل لابد منها ..

قولي الحمدلله انه ريلج زين وحبوب :) في هالوقت اللي عندها زوج زين تتعلق بيدها وريولها فيه .. بس ماتعق عمرها عليه ..

ياحبيبتي انا اقدم منج فالزواج .. سبحان الله الوحده بيت اهلها غير وبعد الزواج الحياه تتغير ب180 درجه وتكونين حساسه زياده عن اللزوم بس بعدين تتعودين .. يمكن انتي فاضيه وماعندج عيال يشغلونج او دراسه .. لاتخلين الشيطان يلعب بمخج واملي وقت الفراغ بالمشي والرياضه والزيارات والمحاظرات الدينيه


وبمناسبة مرور اول سنه .. البسي فستان ابيض مثل العروس .. اذا عندج فستانج لبسيه واذا ماعندج سيري اشتري فستان بسيط لونه ابيض . او وايت . ذهبي . فضي . يعني سوي نفسج عروس مره ثانيه ورفعي شعرج مثل تسريحات الصالون وحطي مكياج ثقيل .. لاتنسين الورود والشموع والعشاء الرومانسي والاضاءه الحلوه ...


عيشي حياتج واستمتعي مع ريلج .. والله انتي فنعمه .. انتي احسن من وايد ناس رياييلهم (خمر . سهر. بنات . مايصرف . شديد . مانعنها من الطلعه ..... الخ


قوالي الحمدلله والشكر وادعي الله يحبب زوجك لك ويحببك له ..

انا حبيبتي لو جاني مجرد احساس بالندم ما جلس مع رجل ولا ثانية ولو عندي منه درزن اطفال .. بس المشاكل بعض الاحيان تخليكي تفكري انك ندمانه ... بس بعد ما الغيمة تعدي كل شي يرجع لطبيعته ..

بس انا على حسب ما فهمت ... ان زوجك رجل كويس وما في منه .... ليش ما تحبيه ؟؟ في كثيرات من تزوجو من غير حب .. وعايشين مع رجالهم تمام ..
حتى لو ما تحبيه ... ولا تحسي تجاهه بشعور .. بس اعتقد ممكن يتعاشر ... وممكن تتعايشي معاه ... وممكن تكون بينكم في عشرة حلوة اكثر من لو تزوجتي شخص تحبيه ....

ممكن كان تتزوجي شخص تحبيه ... بس يكرهك فيه .ويكون انسان لعوب او كذاب او منافق تجلسي تتعذبي طول عمرك معاه ...

فكري بطريقة ايجابية ... انتي مش صغيرة ... فكري بطريقة ناضجة ... الحب مش هذا الشي اللي تشوفيه في الافلام والمسلسلات ... انا تزوجت زوجي عن حب وعمرنا ما عشنا مثل ما هو في الافلام والمسلسلات.. اهم شي ان عشرته طيبة وانسان تعيشي معاه بالك مرتاح ..

لا تكوني تحني على خراب عش ... تندمي عليه في يوم من الايام

مادري وش اقولك بس حابه ادعيلك
الله يسعدك مع زوجك وتروح عنك الوساويس وترتاحين معه

الاخوات كفو ووفو هاي كلها وساوس شيطانيه ابعديها عنك وجددي حياتك وتعوذي من الشيطان.. تمر على الحياة مشاكل كثيرة بس الحكيمة اللي تنساها وتبدل مكانها الفرحة ....

حبيبتي كلنا باول حياتنا عانينا لازم اسان جديد وحياه جديده بس حتشوفي لما تخلصو اول سنه وتفهوا بعض زين حتصيري ما تقدري تفارقيه قولي الحمدلله جالسه مع زوج طيب ماشاءالله ناس كثير تتمنى تتزوج وناس متزوجه كثير تتمنى ادنى احترام من زوجها حطي زوجك بعيونك واذا افتكرتي فكره الطلاق عيشيها بينك وبين نفسك كيف حتقدري تسيبيه انا اعرف اننا الحريم بدون الرجال مانسوى بس شويه نتغلى عليهم ونضحك على انفسنا والله هم احلى مافي الحياه عسانا ماننحرم منهم ويحببهم فينا ويحببنا فيهم ويجمعنا على طاعته ورضاه

انا وحده اظمن لج مئه بالمئه ان هذا وسوسه شيطان
ترى احسن الشياطين بين ربعه هو اللي بفرق بين مره وزوجها......
والمرأه الصالحه ربي ما طلب منها جهاد ولا شي غير انها تادي فروضها اتجاه ربها وترضي زوجها وما يكون جزاها الا الجنه
تعوذي من ابليس
ويلسي معا نفسج بس وفكري كيف بيكون حالك بدون هالريال....
وترى على فكره اول سنبن الزواج اصعبها
يعني يدوب يبيلج 3 سنين يالله تعرفين شي من ريليج
كله تعوذي من ابليس
وتحري الاجر في صبرج
وصدقيني بيي يوم بتقولين امووووت فيه مادي شلون كنت بخليه

حبيبتي .. دايما في البداية الانسان يمر بهالظروف وخصوصا وان الزوجين جايين من بيئات مختلفة فأكيد

بيكونوا بحاجه لفترة معينه حتى يتمكنوا من الانسجام مع بعض ...

أنا شخصيا كنت حاسه بالندم في بدايات زواجي والحين صار لي سنتين تقريبا مع زوجي بس دايما احاول

اقنع نفسي بأن هالإنسان هو نصيبي وهو اللي كتبه الله لي ،، وكانت تجيني افكار مثل الطلاق وغيرها

وهي افكار يجملها لنا الشيطان طبعا ،، لكن الآن ولله الحمد صرت انسانه فاهمة وحسيت اني بدون

هالانسان اضيع ..

حبيبتي كبري عقلج وخلي عنج هالوساوس والافكار الهدامة وعيشي مع زوجك بسعاده .. حاولي تقنعي

نفسج وتوكلي على الله واستغفري دائما .. لانج مابتحسين بغلات الشي إلا اذا فقدتينه والمثل يقول :

ماتعرف قديري غير لما تجرب غيري ..

اتمنى لج حياة سعيده وربي يهديج ان شاء الله ويبعد عنج الوساوس والافكار هذي ..

تقبلي تحياتي ..

أنا ولله الحمد رزقني ربي بأطفال في بداية حياتنا الزوجية

تعبت في تربيتهم وللحين لانهم مازالو أطفال صغار

وأحس زوجي بعد تعب من لعيال

بس صراحة كل يوم يطوف احب حياتي الزوجية أكثر فأكثر << ماشاء الله

عودي نفسش على تجهيز كل شي لزوجش واستقباله بوجه حسن

وستكون كل شي على مايرام

حبيبتي الله يحفظكم و يخليكم لبعض

و تعوذي من إبليس

لان هذي كلها وساوس

دام الرجال زين و انتوا متفاهمين ليش تبين تخربين بيتج

و تقدرين تلجين للإستشارات الإجتماعية و العائلية أكيد عندكم مركز بالبحرين و أكيد هم ما راح يقصرون معاج

و مرة ثانية أعيد و أكرر تعوذي من الشيطان

و الله يكتب لج اللي فيه خير لج :)

الله يسعدك مع زوجك وتروح عنك الوساويس وترتاحين معه

السلام عليكم و رحمة الله و بركاته

حبيت اشكركم كلكم اللي رديتو علي
و اقولكم اني استفدت وااااااااااااااايد من الكلام اللي كتبتوه لي
و اللي سألت عن عمري الحين 21 و يوم انخطب 17 و تزوجت 20
يعني انا معاه الحين 4 سنوات

و اذا عن المشاكل و هالاشياء و العيوب اللي فيه انا ما ذكرته لأنه عامةً
اعتبر زوجي زين
بس في اشياء ما تعجبني فيه
مثل شكله( شكله زين بس ما يهتم فيه ما يحلق و ما يلبس حاله حال الصبيان و حلاقته قدييييييمه انسان مو متطور )
اسلوبه في الكلام احيانا ينرفزني احسه يطلع سبب لشي من لا شي يعني دايما يلوم مثلا مرة شكيت له بطني يألمني يقولي من الحلاوة و الايسكريم اللي تاكلينه تعتقدون السبب يناسب ؟؟؟ احسه يحب يلوم
و بعد في مشكله كبيييييييييير وااااااااااايد و هي الاهم اللي اهيا انه ما يحس فيني اذا زعلت مستحيل يسألني اشفيج مو تكبر منه لا يقول انتي ديما تزعلين نفسج
اتصدقون مرة في الخطوبة 18 يوم ما شفته و لا كلمته في التلفون و لا يوم احد كنت زعلانه عليه و لو انا ما ابتديت كملنا سنه بعد
في اشياء وايد اتنرفز منها في تصرفاته بس الحين شكتب و شخلي بس اللس مصبرني عليه انه يحبني و يموت فيني ( اعيش مع واحده يحبني و مو واثقة من حبي له و لا اعيش مع واحد اموت عليه و هو ولا داري عني )

اما انا ما حملت و احس ان هذا الش مسبب لنا فراغ كبير اقول يمكن لين الله رزقنا بالبيبي يمكن تصير حياتنا حلوة بس اخاف اتكون غلطة العمر
مثل ما كان تفكير قبل في الخطوبة يمكن لما نتزوج و نستقر و يروح مني الندم و اعظ على لساني و اقولي ليتني ما سلمت نفسي له كنت على بر في الخطوبة بنت حتى لو انفصلت ببقى بنت اما الحين متزوجه يا للأسف
بس الله يسوي لنا اللي فيه الصلاح يارب

اما عن اللي قالت اوقات فراغ لا ماعندي ادرس في الجامعه و اشتغل

سوري هذرت وايد

استغفر الله ليش نفتح للشيطان طريق لتدمير حياتنا وما اسرع الشيطان في تدمير الحياة الزوجيه ... اختي انا ماشوفج صغير اشوفج بنت ناضجه ودارسه وتشتغلين يعني انتي شايفه الحياة عدل

بس انتي حاطه في بالج انج صغيرة وندمتي لانج خذيتيه

بعض اسبابج انه مو متطور في حلاقته ومايهتم في ملابسه ... شنو النوع التطور في الحلاقه ؟ والملابس انتي اختاري له ونسقي له الملابس لان اكثر الرجال مايعرفون ينسقون

وانتي اللي مبتعده عنه ليش ماتقولين لنفسج ان هذا هو الشخص اللي بعيش معاه حياتي كلها هذا هو السند والحبيب والزوج فكري بايجابيه عشان تشوفين كل شي يطلع منه حلو ويعجبج

والله يرزقكم الذرية الصالحة اللي تملي حياتكم

وعن سؤالج اني ماندمت ولا راح اندم ان شاء الله

:sm215::21_178: