من فيكم ندمت على الزواااااااج!!!!!!

حبيبتي الله يعينج على ما بلاج بس ليش ماتحاولين تقولين حق امه
او احد من خواته اكيد اهما ملاحضين هالشي

وانا مالومج بالكلام اللي قلتيه كل بنت في عمرج تتمنى انه يكون زوجها مرتب جدامها وجدام الناس
و هذي الشي يريح النفسيه وايد

لين شفتي مزاجه عدل اشتري له هديه بدي يديد وله قميص و قولي له عازمتك وخاطري اجوفه عليك


والله ايسر امورج و باين ع ريلج حنون بس عنيد وراسه يابس
كل الريايل هالووون ساعات يصيرون ثقال دم بس لازم احنا ما نحط دوبنا ودوبهم لانه بنضيع
وبنعور راسنا ع الفاضي .


شرايج انا ريلي ع ايام الخطوبه كان عادي يخليني اطلع من بيتهم الساعه 2 وارجع البيت بروحي خخخخخخخ

اقول له شفيك ما تخاف علي يقول انتي عن الف ريال
وانا في نفسي اتضايق اقول شفيه ذي

قمت اقص عليه اقوله واحد لحقني ليه البيت وقربلني

قام ما يخليني ارجع بروحي مكااااااااااان يرجعني اهوه او يمشي وراي

جذبه بيضه لاكن تحسسه بقيمتي شوي
واذا ع الحمال انا ريلي بعد مو راضي اروح حق احد ولا راضي يفحص ولا شي يقول خليها ع الله


الله يعينج ويوفقج دنيا واخره

اختج
مسووه

السلام عليكم شكرا جميعا


و انا اقرأ ردودكم
اتأمل فيها و افكر اتقولون لي فكري كيف تسعديه و سوي له حركات و دلع و بيستانس و بيتغير

تدرون اذا اخطط لشي و اسويه احس شعوره عاااااااادي و انا دايما قبل بشهر اقعد اخطط و بالذات اذا كانت المناسبة عزيزة على قلبي و اهو عمرة ما خطط و عمرة ما اعجب بالحركة اللي انا اسويها

يعني اقولكم عايشة مع جماد

امس اقوله بودي اسوي كل اللي ندمت عليه بعرسي اسويه الحين اصلحه و اللي ماسويته اسويه
و ودي اسافر بس ماعنده اجازة فمستحيل نروح اي مكان

المهم شنو كان رده تتوقعون ؟؟؟؟؟؟؟؟؟؟



















يقولي اذا عندنا فلوس ( ملاحظة موجودة و اكثرها من عندي ,,,,, و على فكرة هو مو بخيل ابدا)انوفرها حق اشياء اهم و حق علاجج انا من يومين اكتشفت ان عندي نشاط زايد في الغدة الدرقيه و خااااااايفه حدي و ما احب طاري الموضوع كنا نتغدى في الابراج سد نفسيتي بدال ما يعوضني ويقولي اللي تبينه بيصير و ينسيني اللي فيني يعكر مزاجي

خاطري اهو يفكر يسعدني مو انا بس

الله قصتج قصة حبيبتي ,,

انا بعد تجيني احيانا افكر واقول ليش انا تزوجت واحيانا اندم اني انخطبت وكله افكر اني انفصل عن خطيبي بس اصلي على النبي وارد افكر واشيل هالفكرة من بالي .. تدرين ليش ..

لانه الوحدة هالايام صعب صعب تحصل واحد كامل فيه كل الموصفات الي تتمناها وصعب انه تلقى واحد يحبها ويعزها ويدلعها ...

وهذا الفرق الي بيني وبينج انه انا خطيبي اهو الي مدلعني واهو الي مسوي لي كل شي واهو الي يجيب لي ويشتري لي ويسوي لي مفاجآت وغيره ..

الوحدة اذا عصبت وانقهرت وقامت تفكر وايد حطت فكرة الطلاق في بالها دايما تنظر لزوجها من الناحية السلبية ,, يعين تدور وين اخطأه وين سلبياته ووين زلاته ودايما تفكر في سلبياته اكثر من ايجابياته وهالشي الي يدمر الحياة الزوجية ..

شوفي انا من قرأتي لردودج وتصرفات زوجج حسب كلامج استنتجت انه زوجج مومن النوع الرومانسي ولا الي يحب يدلع ويغزل في مرته عكسج انتي ..وهذا السبب الرئيسي للمشكلة ..

هو في حل واحد من الاثنين يا انك ترضي وتقبلي فيه مثل ماهووو من غير تذمر او انك ما تيأسي وتحاولي وتحاولي تغيري فيه الين تقدري عليه وهالشي مو صعب لا تقولين حاولتي وسويتي وفعلتي بعد ما سويتي شي لحين قدامج درب طويل ..

وحطي في بالج شي انه الريال يحب ياخذ ومايعطي والريال مثل الياهل يتعامل بالدلع والحب والحنان عشان تحصلي على شي منه ..

فنصيحتي لج بأختصار مابي اطول عليج شيلي هالفكرة من بالج اولا ثم ابدا ابدا لا تاحولي تدوري زلات ريلج ودايما فكري في الاشيا الايجابية الي فيه حتى لو كانت قليلة مثلا انه يحبج صج مايعرف يعبر ولا يحب يعبر عن مشاعره بس هو في النهاية يحبج وانتي غالية وعزيزة عليه ,,ثانيا لا تقطعي ولا تيأسي ابدا محاولاتج في تغيره يعني تغير شكله الخارجي اذا مافاد معاه تشتري له ثياب اطلعو مع السوق مع بعض لا تروحي بروج روحي معاه محل ثياب الشباب حاولي تجذبينه لشي عجبج يعني مثلا قولي له هالبلوزة حلوووة واكيد تناسبك وتحايلي عليه وصدقيني بياخذها وبيلبسها ..

دايما غازليه يعني قولي له كلام حب وغزل واذا رد عليج بجف سوي روحج تتغلي وخاطرج مكسور يعني مثلا قولي له ماتولهت علي افا تكسر بخاطري ومدري ايش منهالكلام صدقيني بينحرج ..

وسوري وايد هذرت وطولت عليج وطمنينا عليج

فلونة فلونة;7766171:
صباح الخير اختي

فديتج شوفي الحمدلله صارلي الحين سنتين وبدش على السنة الثالثة من زواجنا وكل يوم يمر علي اندم انه تأخرنا عرسنا اقول ياليتك في حياتي من زمان .... صدقيني والله ما تسود الدنيا الا اذا سافر عشان الشغل وغير كذا مابغي يفارقني ...

حاولي تحبيه حاولي تكوني حكيمة في كل تصرفاتك ... لميه وخليه كل شي في حياتك .... صدقيني حاولي تشوفي الدنيا بعيون حبيبك وحاولي ترضينه وتكشخين له وتسوين كل شي يخليه يموت فيج اكثر والدلع ترى الرجال يموتوا على الدلع ....

صدقيني انا عودت حبيبي على عادات ما يقدر يهدها ابدا لو مهما صار وان شافني في لحظة سهيت او سرحت يتضايق يقولي مابغي شي يشغلك عني ....

يا حبيبتي عيشي زواجك بكل لحظاته باجمل ما فيه والله جددي في حياتك يومياتك مع زوجك ودلعيه وخلي بينك وبينه كلام بالاغاز ومحد يفهمها غيرك انتي واياه بتشوفي حلاة الشي .... حتى اذا قالج كلمة قدام الناس او قدام اهله انتي بتفهميها والباقي لا ...

وعادي تمر على الحياة مشاكل كثيرة بس الحكيمة اللي تنساها وتبدل مكانها الفرحة ....

قومي جهزي حق يوم زواجكم وخلي احلى ايامج باحلى الليالي الرومانسية ....

صدقيني نصيحتي حبيه وحبيه وحبيه وبتشوفين النتيجة في عيونه .... حاولي تعوديه حتى في رقاده ما يرقد الا على حضنج ....

اتمنى افدتج وبقولج بامانة ما عمري في يوم ندمت على زواجي وبالعكس ندمت على كل لحظة قبل الزواج كنت بعيدة عن حبيبي .... وعلى الاسبوع القادم مخصصين يوم نحط بنتي عند امي ونطلع طلع يوم كامل بعيد عن كل الناس ونسويه شهر عسل جديد ان شاء الله ...

واكثري من الاستغفار هذي كلها وساويس شيطان وبتشوفين النتيجة ....

الله يوفقك واذا بغيتي نصايح وحركات واشياء تنور حياتك ان شاء الله ما ببخل عليج ....

في حفظ الرحمن

فكري في شي واحد بسسسسسسسسسسسس

إنه هذا سترج وغطاج ليوم الدين

لا تغرج مظاهر العلاقات الحرام ،، والحب الزايف الي منتشر هالايام

ترى الزواج أحلى نعمة بالكون

في بنات يتمنون ظل رجل يحتمون فيه

والي عندهم زوج مو راضين فيه ..؟؟؟؟؟؟؟؟؟؟؟؟؟؟؟؟؟؟؟ دنيا عجيبة

احمدي الله على النعم الي أنعمج فيها ،، وتدراكي الموضوع قبل لا تكبرينا ويحس بمشاعرج تجاهه

ديري بالج تندمين ،،،،،،،،،،،،،،، ترى الندم يقتل

عن جد نصايح البنات وايددددددددددددددددد زينه
وانا مع اختي بنت الشارقه ديري بالك قبل تكبر وينتبه لك واذا هو وايد زين لا تخسرينه منو بها الزمن تلقا رجال زين وماتحبه شي غريببببببببب
عصفور باليد ولا عشره على الشجره

اول حل شيلي فكرة الطلاق وصعبي امره
وثانيآ اقنعي نفسك فيه وحاولي تحبينه باي طريقه
وغضي الطرف عن كل سلبياته لاتشوفين الا حسناته
وانه طيب وحبوب ووو..الخ
واكثري من الدعاء وربي يكون في عونك

الله يهديج يارب الله يهديج
لو الشو صار لاتفكرين بالطلاق
تفكير شي سهل بس التطبيق دومه صعب
اذا هو ولد ناس ويخاف ربه ويدله المسجد واهم شي يحترمج
اسجدي لي ربج من اليوم لين يوم الدين
لا تخربين حياتج بيدج فكري بأشيا حلوه
حبيه عشان ترتاحين حبيه عشان خاطر امج اوبج
ادعي في صلاتج انا تحبينا
قلبي يعورني يوم حد يب سيره الطلاق
يارب يارحمن يارحيم حببها في زرجها حب الجنون امين يارب
حبيبتي لا ضايقين بعمرج الدنيا يومين الله يسرلج امورج

السلام عليكم
انا بعد مثلج يوم انخطبت ما كان زوجي مرتب ولا يهتم بثيابه وبشكله بس صراحة قدرت عليه وغيرته
كل واحد والبيئة الي هو عايش فيها
ومن ناحية الرومانسية الظاهر الرجال كلهم جذي لاني صار لي 5 سنوات معاه وللحين ما يعرف شنو الرومانسية بس يدلعني واي شي ابغيه يسويه بس اني افتقر للمفاجآت ولكن هذي مو نهاية العالم في اشياء اهم مثل انه مو بخيل ويحبني موت صج ساعات انقهر واقول له طلقني اذا زادت المشاكل بس الحمدلله نقدر نتغلب عليها
وعن سالفة الحمل لا تحسسينه انه فيه شي قولي انج تبغين تتطمنين علشان حالتج النفسية تتعدل ومن هالقبيل

حبيبتي اقري قرآن وثابري على المعوذات يمكن تكون عين وصابتك اسم الله عليك

والله انا زيك بس الفرق ان انا لسا ماتزوجت
افتحي اقري موضوعي بعنوان /قصتي قصه عجيبه
وفعلا راح تقري العجب
الله يهديك لما فيه الخير وييسر امرك ويوفقك يارب لاتنسيني من دعوتك الطيبه
اااااااااااااااااااااااااااااااااااخ ياقهري عليك وعلى نفسي
بس انتي حاولي تلغي فكره الطلاق هذي من راسك وانشاءالله راح تعيشي مبسوطه
ياقلبي انتي

سبحان الله ... صدق ابن آدم طماع .. ولا يحمد ربه على النعمة إإللي هو فيها ... !!!!

ليش ما نحمد ربنا على النعم؟؟
ليش نحن بطرانين ؟؟
ناس مو امحصلة حتى زوج معوق .. وإنت ياسة ترفس النعمة ؟؟؟
صدق عالم غريب !!!!
والله قهر !!! احمدي ربج ..مب زين هاالكلام ..
شو ذنب ها الزوج المسكين إللي ياسه اتخططين من وراه !!!!

اختي استغفري الله انتي الحين امراءه متزوجه ومستقره ليه تهدمي بيتك

امممم حبيبتي انا مثلج و الله و الله اني مثلج افكر دايما بالطلاق و ما ابغي اتم وياه اذا الواحد ما لقىى الراحه وياه هالشخص ليش يتم معاه ... انا بعد مثلج اجهز حق عيد زواجنا و هووو و لا هامه تعبت و ربي تعبت بس ان شاء الله خير ما النا الا الصبر يا حبي :(

الله يعينك ويبعد عنك الوساوس والله كلنا نمر بمشاكل بس لازم نصبر هدا حال الدنيا

اوقات من العصبيه والقهر اقول اني ندمانه

بس بالحقيقه انا كنت اسعد انسانه لمن ارتبطت بزوجي
اتغيرت حياتي

حسيت بانوثتي وامومتي

الله لايحرمني منه ابد

موضوع قدددددددددددددديم

من 2008

وصلى الله على محمد وآل محمد