لوك دااافي :):)

بسم الله الرحمن الرحيم

السلااااااام عليييكم

شخباركم اشلونكم ان شالله كللكم بخير:up: ..
اول شي احب اذكر انه هذا الدرس اهدااء خااص حق مشرفتنا غوغو ((مسزز غموضه))
لان صار لي فتررره طوييله:21_210: مانزلت دروس في المكياج ولالكوت يديده ..كنت اشوي مشغوله وووو ..المهم عشان ما اطول عليكم اليوم هذا اللوك احس الوانه دافيه واتناسب الشتاء وان شالله يعجبكم واتطبقونه
طبعا في الدروس الي طافت ماكنت احط الاغراض الي استخدمها في اللوك بس اليوم حبيت اضيف هالشغله في موضوعي كنوع من التجديد عشان ماتملون من الحجي اكون الموضوع فيه اشويت صور ..
اول شي صوره جماعيه لكل الاغراض وراح اتجوفونهم امرقمين عشان اي وحده تبي تسال عن شي اتقولي الرقم وانا اجاوبها

وهاذي صوره للشدو الي استخدمتهم

الحين نبتدي في الشرح الخطوات نظري << من البدايه حاسه انه الموضوع ماله خص بالمكياج لووول:poster_kewlpics:

[FONT=Calibri]1. اول خطوه كلو حده على راحتها والطريقه الي تعتمدها في تحضير البشره للمكياج وايضا البيس والبودره والكونسيلر وكل هالشغلات كل وحده وراحتها.

2. انخلي بيس الشدوعلى الجفن ومانكثر منه عشان مايتكتل ناخذ مسحه خفيفه.

3. انخلي الشدو الذهبي على برونزي في بداية الجفت المتحرك من زاويه العين الداخليه لي تقريبا نص الجفن.

4. نستخدم الفرشاه الي اتريحنا انخلي الشدو الاخضر بشكل قوس في كسرت العين وانخلي القليل منه من تحت العين في الزاويه الخارجيه بس وانموهه..هاذي الخطوه اتسوينها وانتي فاتحه عينج عشان اتصير لج الكسره واكون اسهل ...تدمجين واتموهين اللون عل عدل .

5. انخلي اللون البني مثل الكحل من نص العين ونسحبه لنهاية العين ونبتدي نرفعه اشوي اشوي وندمجه بين اللونين الذهبي والاخضر بس انكثر الدمج من جهة اللون الاخضر .

6. الحين نرسم العين بالكحل الكريمي من البدايه لي النهايه بضببببط يعني لي نهاية الرموش لاتزيدين ولاتقصرين يعني لاتخلين العين مسحوبه واطولين الكحل ....

7. عقب نرسم الكحل من تحت وبيكون الكحل مفتوح من الزاويه الداخليه للعين وانكمل الخط لي نهاية العين وانسحبه على برع من الزاويه الخارجيه ((هاذي الطريقه اتكبر العين اكثر )).

8. بعدين ناخذ شدو اسود وانخلي اشوووي في الزاويه الخارجيه للعين من فوق وتحت مع الدمج والتمويه.
9. الحين انخلي كحل اسود من داخل العين او اخضر او ذهبي .

1. وانخلي للمعه في الزاويه الداخليه من جهة الكحل المفتوح وطبعا انخلي لون فاتح بيج مثلا تحت الحاجب وانحط فوقه بعد لمعه وانا اخلط ذهبي ولؤلؤي مع بعض .

2. انخلي المسكرا اول مره وننتظر اشوي لين تنشف ونرجع انخلي مره ثانيه .

3. الحين البلاشر انصكح مع هذا اللوك انه اكون برونز على اشوية لمعه ذهبيه ..لانه بنسبه لي البشره البرونزيه ماتناسب الصيف بالعكس اتناسب الشتاء اتخليج اتحسين بالدفى ..يعني بنسبه لي اقول للبنات سووا برونز في الصيف واخلوه للشتاء ههههههه..مع العلم انه انا ما اسوي برونز انا اشووي سمره يعني على طول برونزيه لووووول.

4. والحين الروج وعندج عدة اختيارات ممكن اكون بيج ذهبي برتقالي احمر وردي فوشي ..او اتسوين الخلطه الي بذكرها لكم الحين وبصراحه انا هالخلطه صار لي اكثر من 4 شهور معتمدتها ..وانا هذا اسلوبي دااائما وابدا كل فتره اشتري قلوز شفاق بلمعه وقلوز لونه فاتح احمر اوبرتقالي او وردي اوبطيخي مع محدد اكون لونه اشوي غامج واخلطهم مع بعض ويطلع اللون روووعه روووعه رووووعه
هاذي ادوات الخلطه السريه ههههههه

محدد احمر من انجلوت..محدد بيج من ميك اب فورايفر لب بنسل من نارس((نسيت اصوره L بس ممكن الاستغناء عنه لانه مايغير من لون الخلطه وايد لكن انا احبببه وايد وايد عشان جذي اخليه)) وقلوز احمر من لانكوم وقلوز بطيخي على وردي من سيفورا

الحين اخليكم مع الشكل النهائي للوك :21_156:

[FONT=Arial]وطبعا الصوره المتحركه لتوضيح <<هذا الشرح العملي ههههههه

وصور للشفايف للارواج الي تناسب اللوك ((واعتذر من الاخت قمر صحار لان استخدمت الصور من موضوعها بدون ما استاذن ))

وعشان غوغو :1_42:..النيل بولش الي يناسب هاللوك ^_^((واعتذر بعد من الاخت اللؤلؤه الضغيره لان استخدمت هاذي الصور من موضوعها))

[FONT=Arial]مواضيع ذات صله:
http://www.3roos.com/forums/t381931.html
http://www.3roos.com/forums/t367374.html
http://www.3roos.com/forums/t362523.html
http://www.3roos.com/forums/t378935.html
http://www.3roos.com/forums/t361815.html
http://www.3roos.com/forums/t376178.html
http://www.3roos.com/forums/t366145.html
http://www.3roos.com/forums/t366869.html
http://www.3roos.com/forums/t364183.html

[FONT=Arial][/FONT]
[FONT=Arial]كنت حابه اقول شي..انه موضروري تلتزمونبالاغراض الي انا حاطتها وكل وحده تاخذ راحتها باستخدام الشركة الي تعجبها او تستخدم الي متوفر عندها[/FONT]
[FONT=Arial][/FONT]
[FONT=Arial]الموضوع مجهود شخصي وانتي غير محلله في حال نقله